JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha tan dalan diskute relatóriu KIP  Desizaun polítika labele hamate prosesu normal

Laiha tan dalan diskute relatóriu KIP  Desizaun polítika labele hamate prosesu normal

Prezidente Parlamentu Nasionál (PPN), Arão Noe Amaral, konsidera, laiha ona dalan atu diskute tan relatóriu Komisaun Inkéritu Parlamentar (KIP) iha plenária, tanba la priense kritériu normal tuir lei KIP nian.  

Relatóriu refere lakonsege finaliza tanba la halo aprovasaun iha komisaun rasik.

“Tuir lei kona-ba KIP artigu 11 númeru 4 ne’e hateten, sei relatóriu la aprovadu iha nível komisaun, mak Prezidente komisaun halo karta ida haruka mai Prezidente PN katak, relatóriu ne’e la aprovadu. Karta ne’e rasik hatama tiha ona mai ha’u nia gabinete, ha’u simu no anunsia tiha ona, lori ba iha reuniaun líder bankada ajenda no informa tiha ona ba líder bankada sira, no kopia fahe ona ba deputadu sira, ida-ida hodi kumpri lei artigu 11 nú 4 ne’e. Tanba ne’e, atu lori mai ajenda iha plenária labele, tanba relatóriu ne’e seidauk válidu, la aprovadu”, esplika Prezidente PN, Arão Noe ba jornalista iha Tersa (23/04/2019) lorokraik ne’e.

Arão Noe esklarese, tuir aktus babain ne’ebé halo iha PN, bainhira buat ne’ebé lori ba plenária kuandu aprovadu ona iha nível komisaun sira, inklui komisaun sira seluk hanesan KIP, komisaun eventual no komisaun permanente sira, hanesan komisaun A to’o G, ne’e kuandu sira aprova mak foin lori ba plenaria, maibé sei la aprova ne’e labele lori ba iha plenaria.

Ne’eduni, Arão afirma,  laiha tan dalan ba komisaun inkéritu atu lori relatóriu ba plenária, tanba ne’e Parlamentu labele halo buat balun ne’ebé mak fora husi baze legal.

“Nune’e relatóriu ne’e nulu ona, tanba tempu 90 dias hotu ona, sira la uza ho másimu hodi aprova relatóriu ne’e, dentru de prazu, entaun relatóriu ne’e laiha efeitu, no labele halo buat ida ba ida ne’e”, esplika PPN ne’e.

Lee hotu :   Laiha kontratu servisu, Governu la merese selu

Tuir líder másimu segundu órgaun soberanu ne’e katak, KIP sei labele hamate prosesu normal hodi halo pagamentu ba projetu sira, tanba prosesu ba projetu sira so tékniku mak hatene liu, la’os polítiku sira.

Deputadu sira fó rekomendasaun de’it para oinsa hadi’ak, tanba ne’e maske relatóriu KIP ne’e inválidu, maibé sei la fó impaktu atu impede pagamentu ba projetu sira, sei kuandu projetu refere priense kritériu normal.

“Interpretasaun ida nune’e sala, tanba se desizaun komisaun inkéritu nia mai PN aprova, ne’e tenki selu projetu sira ne’e hotu, entaun prosesu normal laiha ona, kontratu laiha mós sira tenki selu hotu ne’e la’e, Governu sei selu tuir prosesu legal ne’ebé iha, la’os tanba desizaun polítika ne’ebé komisaun inkéritu Parlamentar halo. KIP bele rekomenda halo avaliasaun, maibé tenki haree prosesu legal, kontratu iha, porjetu ezekutadu, kumpri regras kontratu nian, ADN halo avaliasaun, depois rekomenda halo pagamentu, ida ne’e prosesu normal. Tanba ne’e, la’os 100% relatóriu KIP ne’e mak determina pagamentu ne’e la’os, maibé pagamentu ne’e depende ba projetu nia prosesu ne’e, liu husi tender no kontratu ka la’e, aprovizionamentu iha ka la’e, supervizaun iha kala’e, kualidade projetu, priense kritéria, ida ne’e so tékniku mak bele halo, la’os polítiku sira”, relata Arão Noe.

Tuir Arão Noe, polítiku sira haree liu de’it, halo avaliasaun ba kualidade no buat hotu, tanba ne’e desizaun polítika labele hapara fali prosesu sira.

Antes ne’e, Ministru Reforma Lejislativa no Asuntu Parlamentares (MRLAP), Fidelis Leite Magalhães deklara, Governu seidauk halo pagamentu ba projetu 45 ne’ebé rejista iha Konsellu Administrasaun Fundu Infraestrutra (KAFI), tanba laiha kontratu, hodi hein rekomendasaun husi relatóriu Komisaun Inkéritu Parlamentar nian, hafoin halo prosesu pagamentu.say

Lee hotu :   Aeroportu Rota do Sândalo halo povu konfuzaun

 

Add to Comments Here!!!!

error: Content is protected.
Secured By miniOrange
You might also like:
Ramos Horta: Rekursu umanu difikulta TL adere ba ASEAN

Eis Prezidente Repúblika (PR), José Ramos...

KM aprova proposta dekretu lei ba importasaun transporte

Konsellu Ministru aprova proposta dekreitu lei...

Ramos Horta fó kondolensia ba vítima Sri Lanka

Eis Prezidente Repúblika, José Ramos Horta,...

Close