JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade RAEOA laiha prátika ba governasaun diak ■FRETILIN: Bolu PM Taur esplika iha plenária PN

Autoridade RAEOA laiha prátika ba governasaun diak ■FRETILIN: Bolu PM Taur esplika iha plenária PN

Bankada CNRT iha Parlamentu Nasionál (PN) konsidera bankada FRETILIN ne’ebé durante ne’e ejize boa governasaun iha PN, maibe FRETILIN rasik laiha prátika ba transparansia no boa governasaun, liu-liu autoridade Rejiaun Administrativa Espesial Oecussi Ambeno (RAEOA) no Zona Espesiál Ekonomia Sosiál Merkadu (ZEESM) ne’ebé lidera husi Sekretariu Jerál FRETILIN, Marí Alkatiri rasik la kria free balance ba ezekusaun orsamentu Estadu.

“Fretilin sempre ejize boa governasaun no transparénsia liga ba iha Prezidente Parlamentu Nasional, tanba la ajenda relatóriu KIP maske relatóriu Komisaun Inkéritu Parlamentar presiza hetan aprovasaun hosi membru sira antes lori mai plenária ida ne’e, no sira sempre ejize VIII Governu atu kumpri ida ne’e, maibé sira haluha tiha katak autoridade Oe-Cusse nunka halo ida ne’e durante tinan 5 núdar Presidente RAEOA/ZEESM nian. Prezidente RAEOA/ZEESM lakohi harí sistema Free Balance, Tribunal de Contas husu dokumentu mós sira lakohi entrega, Parlamentu Nasional liuhosi komisaun C husu dadus mós lakohi fó, hanesan mós Ministra Finansa Interina mai iha plenária ida ne’e hateten, dala barak ona nia lahatene informasaun klaru sobre prosesu jestaun finansas iha RAEOA/ZEESM. Ne’e mak ita bolu transparénsia?

Opozisaun sira sempre ejize Governu, PN no ema seluk atu iha transparénsia maibé nunka hatudu ninia prátika transparénsia bainhira asumi kargu Prezidente Autoridade RAEOA/ZEESM.

Iha plenária ne’e, ejizensia ba boa governasaun sulin maka’as hanesan bee-mota Komoro iha tempu udan, sira kontinua dezvia atensaun públiku sobre utilizasaun orsamentu Estadu iha RAEOA/ZEESM, maibe laiha prátika boa governasaun iha Oe-Cusse, ne’e lamentável tebes.

Labele ejize transparénsia no boa governasaun sé ita nunka tau iha prátika, “a prática é o critério da verdade”, prátika tiha uluk lai mak ejize ema seluk, sé lae ema dehan bosokten,”hateten Vise xefe bankada CNRT, Patrocino Fernandes liuhosi deklarasaun polítika iha plenária Segunda (27/05/2019) ne’e.

Lee hotu :   KHUNTO vota kontra sosa kareta foun

Deputadu CNRT ne’e akresenta tan, Transparénsia no akuntabilidade refere ba fornesimentu informasaun assimétrikas iha polítika públika relasaun ho orsamentu Estadu nian, atu nune’e eleva konfiansa públiku ba Governu nu’udar ezekutór hodi halo responsabilizasaun ba jestaun finansas públikas nian.

“Relasaun ho asuntu ida ne’e, Timor-Leste liuhosi IV Governo konstitucional iha tinan 2010 estabelese ona Free Balance nu’udar sistema informasaun modernu ho teknolojia iha jestaun finansas públikas.

Objetivu klaru, além de aselera kresimentu ekonómia país, mellora servisu governasaun ba dezenvolvimentu, promove transparénsia no prestasaun de kontas, halo mós konektividade sistema jestaun osan Estadu entre Ministériu Finansas ba ministeiru sira no ajénsia sira seluk.

Prosesu koneksaun sistema internet – network connectivity project (NCP) ba sistema Free Balance tuir informasaun hosi Ministériu dos Transportes e Comunicações (MTC) bainhira audiénsia ho komissão C Parlamentu Nasional hateten katak,

“ Koneksaun NCP halo ona ba ajénsia hamutuk 250 iha territóriu laran tomak, inklui 12 municípios no Rejiaun Administrativu Espesial Oe-Cusse Ambeno (RAEOA)”.

Iha RAEOA halo ona koneksaun ba ajénsia 13, maibé iha plenária ida ne’e Prezidente Autoridade RAEOA/ZEESM deklara katak Free Balance la funsiona maske ita hatene sistema ida ne’e importante atu garante transparénsia uzu osan estadu iha prestasaun de kontas nian,”tenik Patrocino.

Bankda CNRT mós ejize PM Taur Matan Ruak, atu bele tau atensaun ba situasaun ne’e.

Alende ne’e, bankada CNRT mós ejize autoridade RAEOA ZEESM atu presta kontas ba reseitas hotu, tanba Tribunal de Kontas deskobre infrasaun barak.

“ Maske nune’e, presiza esforsu maka’as liután hodi kompleta rekijitus boa governasaun nian. Hanesan Estadu Unitária, implementasaun sistema transparénsia simultaneamente tenki aplika ba instituisaun hotu-hotu inklui ba RAEOA/ZEESM, RAEOA ne’e laós Estadu ketak ida.

Lee hotu :   FDD sei vota kontra programa AMP nebe la benefisia povu

Tanba hare’e mós problema barak iha RAEOA, além de problema akuntabilidade iha jestaun finansas públika tuir Relatóriu Kâmara de Kontas, problema oin-oin konaba pagamentu saláriu funsionáriu kontratadu, subsídiu eskolar ba ijame no mós pagamentu retorativu ba professores sira iha Oe-Cusse, Bankada CNRT husu ba Governo Sentral, Primeiru-Ministru Taur Matan Ruak atu foti ona medidas adekuadu hodi resolve situasaun ida ne’e.

Bankada CNRT ejize ba Autoridade RAEOA/ZEESM hodi presta kontas ba reseitas hotu-hotu no despeza sira, tanba Kâmara de Kontas deskobre iha infrasaun finanseira ne’ebé fó ona prejuízu maka’as ba osan Estadu nian.

Sé ajénsia 13 iha RAEOA halo ona konektividade ba sistema Free Balance, halo oinsá mak RAEOA/ZEESM iha difikuldade atu kolabora hodi harí sistema Free Balance, Keta iha instensaun ruma? Hodi husik utilizasaun osan Estadu, osan Povu nian para labele halo kontrollu no difikulta responsabilizasaun uzu osan Estadu iha RAEOA.

Ejize ba autoridade RAEOA/ZEESM no Ministériu Edukasaun, Juventude no Desportu atu rezolve lalais problema professores sira nian, hodi nune’e labele prezudika fali ita-nia oan sira nia estudu iha Oe-Cusse.

Ami ejize Ministeriu Púbiku no Governu atu implementa Rezolução Parlamento Nacional N.º 3/2019 de 20 de Marsu de 2019 relasaun ho rekomendasaun Kâmara de Kontas ba Relatóriu Auditoria RAEO/ZEESM nian.”tenik deputadu Patrocino Fernandes.

Hatan ba lamentasoens ne’e, Xefe bankada Fretilin, deputadu Aniceto Guterres sujere meza PN atu konvoka diskusaun ida ho PM Taur Matan Ruak, atu nune’e bele iha diskusaun klean kona-bá RAEOA ZEESM, tanba ZEESM iha Estadu ida de’it, la’os estadu ketak,

Nune’e xefe governu mak iha kompetensia atu bele esplika kestaun refere iha plenária.

Lee hotu :   Governu sei fasilita eleitor ba vota iha munisipiu

“ Ita husu de’it ba PM, tanba RAEOA la’os estadu ketak, RAEOA ne’e tutela ba PM, tanba ne’e se ita hakarak hatene ne’e husu ba PM. Maibe husu ba PM ne’e la’os ho deklarasaun polítika iha PN de’it, hau atu fó solusaun katak, ita uza artigu 151, debate ho PM ba asuntu ida ne’e, normalmente rejimentu dehan katak, antes final ba funsionamentu normal ba kada sesaun lejislativa iha debate ho PM. Hau nu’udar xefe bankada Fretilin, husu ba Parlamentu nasional plenaria ida ne’e, atu ajenda debate ho PM Taur Matan Ruak, kona-bá asuntu ida ne’e, saida mak hau hateten ne’e, lahalo rekerimentu eskritu, fiar katak bankada parlamentares, liu-liu CNRT sei apoia ida ne’e,”rekomenda Deputadu FRETILIN  ne’e.

Nune mós reprezentante VIII Governu, Ministru Reforma Lejislativa Asuntu Parlamentares (MRLAP) Fidelis Magalhães, akresenta, nia parte sei halo konfirmasaun ho ministra finansa Sara Lobo Brites, ba lamentasoens no preokupasoen deputadu sira nian iha Parlamentu Nasionál.

Entretantu sistema free balance ne’e, lansa iha Fulan-Abril 2012, nu’udar sistema portal transparénsia finansas públika, sistema ne’e fornese informasaun hotu-hotu sobre reseitas no despeza Estadu nian, fornese informasaun ba imprestimus no apoiu ajénsia internasional sira, inklui mós prosesu aprovizionamentu através hosi internet para Povu tomak bele akompaña.

Sistema refere, nu’udar Sistema nível internasional no hetan rekoñesimentu internasional no entidades hotu-hotu konaba mekanizmu transparénsia osan Estadu.Say

Add to Comments Here!!!!

error: Content is protected.
Secured By miniOrange
You might also like:
DIA 27/05/19 || GMNTV LIVE STREAM || GRANDE ENTREVISTA/DESENVOLVIMENTO FFTL HO NIA DESAFIO

DIA 27/05/19 || GMNTV LIVE STREAM || JORNAL NASIONAL KALAN

DIA 28/05/19 || GMNTV LIVE STREAM || DADER KMANEK

Close