JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sistema demokrasia iha TL sai ezemplu ba mundu

Sistema demokrasia iha TL sai ezemplu ba mundu

Timor-Leste (TL) nu’udar nasaun ki’ik ne’ebé foin ukun aan ba tinan 17, maibé sistema demokrasia ne’ebé la’o di’ak tebes, sai ezemplu ba nasaun bo’ot sira seluk iha mundu, inklui Estadus Unidus Amérika (EUA), ne’ebé ukun aan kleur ona, maibé seidauk bele realiza eleisaun antesipada.

Primeiru Vise Prezidente Parlamentu Nasionál, Maria Angelina Sarmento, senti orgullu nu’udar Timor-oan, tanba maske nasaun ki’ik, maibé TL bele sai ezemplu ba mundu.

“Demokrasia iha ita-nia rain, ita iha avansus lubuk ida, ne’ebé tenki orgullu atu partilla informasaun ba nasaun sira seluk, tanba dala barak, nasaun sira ne’ebé ukun aan kleur ona, maibé sira-nia demokrasia ne’e hakdasak iha fatin, no sira-nia direitus humanus ne’e hakiduk ba kotuk, maibé Timor-Leste, país ida ne’ebé joven loos, entre país sira seluk iha mundu, maibé iha avansu ida bo’ot tebes iha setór demokrasia, liu-liu ita hotu hatene, ita foin liu eleisaun antesipada, ho rezultadu eleisaun ida ne’ebé demokrátiku tebes, no povu hotu simu. Pais barak ne’ebé ukun aan kleur ona, maibé sira seidauk iha esperiensia kona-ba eleisaun antesipada, tanba ne’e buat pozitivu ida ne’ebé Timor bele partilla mós ba sira. Amérika rasik rekoñese katak, dezde sira-nia ezistensia to’o agora, sira seidauk enfrenta buat ida naran eleisaun antesipada, ne’e signifika, ita-nia demokrasia avansu liu oituan, kompara ho sira, Tanba ita-nia demokrasia ne’e loke dalan ba ezersísiu polítiku ida ne’ebé, sidadaun hotu envolve aan iha partidu polítiku, bele ezerse sira-nia direitu polítiku, ida ne’e buat ne’ebé ita tenki orgullu. Ita mós bele partilla ba sira kona-ba ita-nia respeita ne’ebé as ba direitus humanus, tanba Timor-Leste sai husi nasaun ida ne’ebé hasoru violasaun direitus humanus iha passadu. Ita país ne’ebé demokrátiku, respeita diretus humanus, no promove lei ho ordem iha ita-nia rain, inklui ita mós hetan partillasaun esperiensia husi EUA rasik, tanba sira ukun aan tinan barak ona, maibé iha manifestasaun oi-oin, hodi ezije direitu báziku sira, signifika, seidauk iha garantidu ba direitus humanus”, dehan Angelina Sarmento.

Lee hotu :   ALKATIRI SEI LA PARTISIPA SERIMONIA POSSE MEMBRU VIII GOVERNU

Angelina Sarmento afirma, programa ne’e, nu’udar kontinuasaun husi kooperasaun ne’ebé iha nanis ona entre PN Timor-Leste ho IR, tanba liu husi

liu hosi organizasaun ida ne’ebé eziste iha kongresu Amérikanu nian, ho naran House democracy partnership, ne’ebé kompostu husi individu sira ne’ebé mak uluk sai ona hanesan deputadu, eis deputadu, no deputadu sira atual ne’ebé ho objetivu, liu husi organizasaun ida ne’e, sira bele hametin kooperasaun, polítika iha nasaun hotu iha mundu, ho objetivu oinsa atu bele lori avansu bo’ot liu tan ba demokrasia, direitus humanus nomós promove diálogu entre nasaun sira.

Maria Angelina esklarese, ho nune’e mak Parlamentu Nasionál  TL, hahú koopera ho sira, liu husi embaixada EUA iha TL, hodi realiza workshop ida ne’e, nune’e bele partilla esperiensia ba malu, kona-ba demokrasia iha TL, nomós demokrasia iha Amérika.

Iha fatin hanesan, Embaixadora EUA iha TL, Kathleen Fitzpatrick, apresia Timor-Leste, tanba  maske foin tinan 17, maibé bele estabelese instituisaun demokátiku hanesan Parlamentu Nasional, inklui eleisaun hotu la’o ho livre.

“Ohin dader IRI ofisialmente loke asistensia semináriu, hanesan parte husi ami nia House democracy partner, ne’ebé inklui husi membru kongresu EUA nian, no Timor-Leste nia deputadu sira husi Parlamentu Nasionál, hodi ajuda fortalese parlamentu nasional TL.    Semináriu ne’e kobre asuntu rua, relasaun externa no peskiza polítika ne’ebé kontribui maka’as ba Parlamentu Nasionál nia kapasidade iha elaborasaun polítika ne’ebé efetivu no transparante, apoia funsionáriu, no apoia feto Parlamentu Nasionál, fasilita diálogu entre deputadu sira ho sosiedade sívil, liu husi ami nia kongresu ne’e, ami bele aprende barak ho Timor-Leste, tanba Timor-Leste nasaun foun, tinan 17, maibé iha estabele instituisuan demokrátiku hanesan Parlamentu Nasional, eleisaun ho transparante, livre, ami aprende barak husi TL, entaun interkambiu entre nasaun rua ne’e, la’os de’it ami nia informasaun mak ba PN, maibé interkambiu, husi Parlamentu TL nian mós partilla esperiensia mai ami”,reforsa Kathleen Fitzpatrick.

Lee hotu :   TR deside karta destituisaun hasoru PPN konstitusional “BOAMP husu PPN labele subar-an”

Entretantu Parlamentu Nasional Timor-Leste ho organizasuan Internasional Repúblikanu Institutu (IRI),  estabelese kooperasaun dezde tinan 2015, hodi fó apoiu kapasitasaun ba feto parlamentu nasional, inklui fusnionáriu parlamentu inklui formasaun tékniku kona-ba partidu polítiku.say

Add to Comments Here!!!!

error: Content is protected.
Secured By miniOrange
You might also like:
Trafikante droga hatene TL nia frakeza “Governu akompaña nafatin nia sidadaun na’in rua iha Atambua”

Prezidenti Asosiasaun Majistratura Timor-Leste (AMTL), Antonino...

Semana oin, Aviaun TransNusa hahú voo Kupaun-Díli

Semana oin (14/06), Aviaun TransNusa husi...

DIA 05/06/19 || GMNTV LIVE STREAM || JORNAL AS 12

Close