JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Frente diplomátiku hahú 1975 tuir ordem Nicolau Lobato

Frente diplomátiku hahú 1975 tuir ordem Nicolau Lobato

Líder nasionál, José Ramos Horta, hateten serbisu frente diplomátiku ba Timor-Leste nian Independensia hahú husi tinan 1975 tuir ordem grande heroi Nicolau Lobato nian. 

“Ami ne’ebe mak iha liur halo tuir ordem ne’ebé uluk mai kedas husi Nicolau Lobato, ami sai husi Timor iha dia 04 Dezembru 1975, tanba Nicolao Lobato fó instrusaun, e hateten ba hau nune’e, Horta ba Nova Yorke, Alkatiri ba Mosambique no Rogeiro Lobato ba buka kilat, e depois halibur sira seluk iha liur, Rogue Rodrigues, Abilio Araújo, e idak-idak halo nia knár iha nasaun ne’ebe sira hela ba. Ita nia luta diplomasia hahu kedas 1975, Niclao Lobato mate iha kombate e depois maun bo’ot Xanana kaer luta hahu iha 1981, e ami rona maun bo’ot nia naran iha 1983”, líder nasionál no eis frente diplomata, José Ramos Horta, haklaken historia ne’e bainhira sai oradór prinsipal iha sesaun palestra ne’ebé hala’o iha salaun munisipal Munisípiu Aileu, Segunda (12/08/2019).

Ramos Horta fo hanoin fila-fali katak, terus, luta no vitória ne’ebe povu tomak halo dutante tinan 24 nian laran to’o hetan nia independensia iha tinan 1999.

Veteranu Aileu husu  governu lori dezenvolvimentu too area rurál

Iha oportunidade ne’e veteranu Munisípiu Aileu, Marcelino Mendonça, husu ba VIII Governu Konstitusional atu lori dezenvolvimentu too iha area rurál nune’e komunidade sira bele partisipa iha dezenvolvimentu.

Tuir veteranu ne’e hateten, Timor-Leste hamrik hanesan Estadu de direitu no demokrátiku, livre husi invazaun no kolonial, maibe povu seidauk asesu total dezenvolvimentu infra-estrutura báziku hanesan, eletrisidade, bee moos no estrada.

“Situasaun uluk ho agora la hanesan, e hau hanoin katak agora ne’e moris livre ona, e hakarak povu tenke moris di’ak, povu ne’ebe mak moris iha mota ku’ak, bele iha foho tutun bee mos tuir ba no ahi mos tuir ba, ida ne’e mak hau nia hakarak” afirma Marcelino Mendonça.

Lee hotu :   Isabel Ferreira: Membru VIII Governu tenki moos husi kazu

Veteranu ne’e mós husu ba sidadaun joven iha Munisípiu hotu, liu-liu Aileu atu banati no hatutan luta ne’ebe heroi no fundadór Estadu ne’e halo ona.

“Ha’u iha esperansa ba futuru mak ne’e, sekarik aban bainrua ami katuas sira ne’e maromak bolu ida por ida, jerasaun foun tende la’o tuir ami nian ain fatin ne’ebe mak durante iha, nune’e lori timor la’o ba oin”, apelu veteranu Marcelino.

Administradór Munisípiu Aileu, João Tilman do Rego hateten governu Munisipal kontinua kordena no servisu hamutuk ho governu sentral atu lori moris di’ak ba povu.

” 20 anos ne’e ita hahu ho ahuk desan, hahu husi zero teb-tebes ba nasaun ida ne’e nian, entaun ohin loron ita bele hateten katak nesesidade ne’ebe ita nia povu infrenta ne’e, que mais alto kompara ho ita orsamentu estadu, entaun tinan-tinan ita nia orsamentu estadu labele foti hotu, e tanba ne’e mak ita nia governu foti osan estadu husi fundu minarai ho kuidadu tebtebes, hodi investe ba ita nian dezenvolvimentu iha seitór oioin. Hanesan mensajen Dom Carlós Filipe Ximenes Belo, hateten katak tinan 20 nia sukat ona buat lubuk ida ne’e laos mais altu, maibe pelo menus mediu e bele dezenvolve produsaun komunidade ninian iha dadauk ona e sira bele moris diak ona, iha kareta no iha uma, e ne’e hatudu katak kresimentu ekonomia ne’e diak ona” hateten Administradór Munisipiu Aileu, João Tilman do Rego.

Loron datoluk komemorasaun loron konsulta popular iha Munisípiu Aileu, komunidade no sarani sira selebra misa agradesimentu hodi halo reflesaun.

Hafoin misa agradesementu kontinua marsa ba tau aifunan no sunu lilin monumentu heroi Nicolao Lobato iha Aisirimou no remata ho palestra iha ne’ebe líder nasionál José Ramos Horta mak sai orador prinsipal.

Lee hotu :   Governu sei negoseia valór arrendamentu rai ho EUA

Aktividade hirak ne’e hamutuk hodi komemora 30 de Agostu loron konsulta popular iha tinan 20 liu ba. Ito

Add to Comments Here!!!!

error: Content is protected.
Secured By miniOrange
You might also like:
Halais ezekusaun OJE, Governu tenki solusiona lista membru pendente

Xefe Bankada Partidu Demokrátiku (PD), António...

Dia 13/08/2019 || GMNTV LIVE STREAM || JORNAL NASIONAL KALAN

Dia 14/08/2019 || GMNTV LIVE STREAM || DADER KMANEK

Close