JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN kestiona governu limita vendedór ambulante

FRETILIN kestiona governu limita vendedór ambulante

Deputadu sira bankada Fretilin kinta lejislatura iha komisaun permanente, kestiona polítika governu liu hosi ekipa jestaun merkadoria ne’ebé duni tun-sa’e vendedór ambulante hodi limita atu halo negósiu iha sidade Díli.

Bankada FRETILIN mós lamenta maka’s ho aktu refere, no konsidera, aktu ne’e hirak ne’e diferente tebes ho hahalok kolonialista nian ne’ebé defende maka’as m]povu maubere nia direitu.

“Ironia boot ida, tanba FALINTIL morís iha tinan 44 liu ba presizamente atu defende duni maubere ho buibere sira ne’e nia direitu. Atu garante katak koloniál sira labele viola povu Maubere nia direitu narnaran deit.

Atu defende katak Maubere no buibere sira ne’e ema labele duni tun duni sae deit iha sira nia rain rasik.

Tristeza boot ida, horseik wainhira ita selebra aswain FALINTIL sira ne’ebé hamrik defende povu Maubere nia direitu, autoridade munispiu Dili ba duni mak maubere sira ne’e, hadau mak maubere sira ne’e nia sasan. Governu halo hahalok ida ne’e enkuantu la prepara kondisaun ruma ba sira atu fasilita hala’o sira nia atividade ekonómika atu hatutan sira nia moris, sira nia familia nia moris.

Nu’udar Frente ne’ebé mak hahoris FALINTIL tinan 44 liu ba atu defende direitu povu Maubere nian, FRETILIN lamenta maka’as ho hahalok ida ne’e, hahalok ida ne’ebé la diferente ho hahalok kolonialista sira nian uluk hasoru ita nia bei ala sira, hahalok forsa okupante sira nian ne’ebé uluk halo hasoru ita,”hateten vise xefe bankada Fretilin, deputadu Francisco Miranda Branco liuhosi nia deklarsaun polítika iha plenaria, Kuarta(21/08/2019) ne’e.

Iha fatin hanesan, deputadu PLP, Francisco de Vasconcelho hateten, governu implementa de’it lei ne’ebé iha, atu bele garante sidade Dili nia moos.

Lee hotu :   FRETILIN husu líder ParPol lori fila Emilia Pires

“ Atua uza lei ne’e la sala, sala mak bainhira vizitante ruma mai mak ita atu, maibe dekretu lei iha tiha ona, dekretu lei nú 33/2018, 27 Agostu kona-bá hijiene no ordem públicas, bandu para ema atu fa’an sasán iha dalan-dalan,

Tenke bandu duni, estadu ne’e estadu, fatin iha tiha ona, munisipiu Dili mós hateten katak fatin iha, maibe sira vendedor ambulante sira mak lakoi fa’an iha merkadu, maibe hakarak fa’an iha dalan, povu ne’e ai-leba ho agricultura duni, maibe ita labele fa’an iha dalan ninin,”dehan deputadu PLP ne’e.

Nune’e mós reprezentante governu iha PN, Sekretariu Estadu Komunikasaun Sosial (SEKOMS) Mericio Akara deklara, VIII Governu konstitusional tau polítika programa iha orsamentu tinan 2020 nian, atu bele konstroi tan merkadu iha fatin rua ou tolu iha sidade Dili.

“ Governu sei mantein atu aplika lei no ordem ne’ebé mak iha, klaru katak ita sei kria mós kondisaun ba ita nia populasaun,

Hanesan ita iha ona planu ba tinan oin iha orsamentu 2020, ita sei prepara duni fatin, hanesan eis merkadu Komoro nian, iha ona atribuisaun ba ministériu obras publikas para atu halo uma merkadu nian ba ita nia populasaun,

Inklui eis asrama 745, no eis merkadu Bekora no mós iha Hera, nune’e mós fatin sira fatin sira ne’e atribui hotu ona ba MOP para atu hahu konstrusaun,”informa governante ne’e.

Iha dekretu lei nú 33/2018, loron 27 fulan Agostu, kona-bá ijíene no ordem públiku, bandu vendedor ambulante sira fa’an sasán iha estrada públiku, ka sirkula iha sidade laran, liu-liu besik fatin repartisaun estadu nian.Say

Add to Comments Here!!!!

error: Content is protected.
Secured By miniOrange
You might also like:
Amu Papa Francisco reza ba TL hodi hakotu tensaun polítika

Amu Papa Francisco   reza hela...

ACCTO lamenta negosiante xineza fa’an sasán laiha kualidade

Associação  Comercial das Comunidade  Xineza Timor-oan...

FRETILIN krítika Governu AMP laiha jestaun diak ba dezenvolvimentu nasionál

Deputadu sira husi bankada FRETILIN iha...

Close