JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN krítika Governu AMP laiha jestaun diak ba dezenvolvimentu nasionál

FRETILIN krítika Governu AMP laiha jestaun diak ba dezenvolvimentu nasionál

Deputadu sira husi bankada FRETILIN iha Parlamentu Nasionál (PN), krítika maka’as VIII Governu husi Aliansa Mudansa ba Progresu (AMP) ne’ebé lidera husi Primeiru Ministru (PM), Taur Matan Ruak to’o agora laiha jestaun diak ba dezenvolvimentu nasionál. Tanba ne’e, populasaun iha Timor-Leste kuaze 41% liu mak sei moris iha liña pobreza nia okos.

“Tinan 20 liu tiha referendu ba restaura fila-fali ita nia Ukun Rasik An, ita nia povu barak mak sei moris iha kiak no mukit nia laran. Dadus husi estudu oin-oin hatudu katak ita nia povu barak mak sei moris iha liña pobreza nia okos. Relatóriu Dezenvolvimentu Umana Nasionál ka National Human Development Report husi UNDP iha tinan-2018 hatudu katak 42% husi povu Timor-Leste mak sei moris iha liña pobreza nasionál nia okos. Hanesan komparasaun dadus husi Ministériu Finansa rasik no Banku Dezenvolvimentu Aziátiku ADB hatudu katak 41.8% husi populasaun Timor-Leste mak sei moris iha liña pobreza nasionál nia okos”,dehan deputadu bankada FRETILIN, Francisco Miranda Branco.

“Husi sira ne’e, iha gap maka’as entre taxa probreza iha Díli no iha munisípiu sira. Enkuantu iha Díli taxa probreza nian entre 25-30%, iha munisípiu sira taxa pobreza aas teb-tebes iha por volta 80% iha munisípiu barak.

Foin semana hirak ba kotuk, mídia nasionál balu nia notisia sita dadus husi organizasaun ka ajensia internasionál balu katak liu husi 70% husi labarik Timor oan sira ne’ebé mak tur iha eskola primaria lahatene lee no hakerek. Maske depois ajensia ne’e deklara katak sei hadiak fila fali dadus refere, ida ne’e alarme mai ita,”hateten, vise xefe bankada Fretilin, deputadu Francisco Miranda Branco liu hosi deklarasaun polítika bankada nian, iha plenaria Kuarta (21/08/2019).

Lee hotu :   Antoninho Bianco konsidera OJE tau ba "saku azul"

Alende ne’e, deputadu opozisaun ne’e preokupa pursentu malnutrisaun ba labarik sira ás iha Timor-Leste, inklui taxa dezempregu ne’ebé mak aumenta barak iha TL.

“Mal nutrisaun sei sai nu’udar problema boot iha ita-nia rain. Tuir Global Hunger Index iha tinan-2017, Timor-Leste nia kondisaun hamlaha iha nivel sériu. Konsellu Nasional Seguransa Alimentar Timor-Leste (KONSANTIL) nia dadus hatudu katak iha tinan-2013, 62% husi Uma Kain Timor-Leste nian mak laiha aihan liu fulan ida, kondisaun ne’ebé fo impaktu maka’as ba ita nia povu, liuliu labarik sira nia moris no sira nia saúde. Estudu Demográfiku no Saúde tinan2016 nian hatudu katak 46% husi labarik sira ho idade tinan 5 mai kraik sofre malnutrisaun króniku ka stunting.

Taxa dezempregu sei as tebtebes. Enkuantu ita nia joven sira rihun ba rihun ramata sira nia estudus iha eskola sekundaria no universitariu tinan-tinan, kampu-de-serbisu la barak atu absorbe sira. Entre 27-30% deit husi Timor oan sira ho idade serbisu nian mak iha empregu, no mais-de 40% husi sira ne’e hala’o serbisu iha seitor agrikultura. Joven rihun ba rihun buka dalan sai ba rai liur hodi buka moris atu dignfika sira nia an no fo sentidu ba Ukun Rasik An tamba iha sira nia rai laran, sira nia Estadu rasik labele kria kondisaun atu sira hadi’ak sira nia moris. Buat hirak ne’e hotu la’os tamba ita osan laiha,” tenik Branco.

Aleinde ne’e, deputadu bankada CNRT, Adérito Hugo hateten, atu hamenus númeru husi liña pobreza ne’e, nu’udar responsabilidade órgaun hotu nian, atu bele tau atensaun.

“Estatístika sei hatudu pobreza nafatin, kampu traballu sei mukit nafatin, tanba akontesimentu sira ne’ebé mak ita lakonsege fó ajuda, jestu polítika sira hatutan iha prátika demokrasia nian to’o ohin loron. Situasaun agora ita-nia setór privadu sira iha post impasse polítika iha 2017 ho 2018 seidauk rekopera, aat liutan agora ita-nia setór privadu nasionál sei susar teb-tebes, situasaun ida ne’e aat liutan, ita-nia progresu pagamentu ba emprezáriu sira ne’ebé kontribui ona ba Estadu ne’e lentu teb-tebes, nune’e lori sira ba selu tusan de’it,

Lee hotu :   Alkatiri la preokupa AMP sai bankada tolu

 ne’e sinal ida hatudu mai ita katak situasaun ekonomia seidauk rekopera, kuandu ezekutviu servisu ho lentu-lentu demais”,dehan Adérito Hugo.

Iha rezultadu peskiza husi Banku Dezenovlvimentu Aziátiku nian, populasaun Timor-Leste iha 41.8% mak sei moris iha liña pobreza nia okos.Say

Add to Comments Here!!!!

error: Content is protected.
Secured By miniOrange
You might also like:
Dia 21/08/2019/GMNTV LIVE STREAM/ JORNAL NASIONAL KALAN

Dia 22/08/2019/GMNTV LIVE STREAM/ DADER KMANEK

TR simu rekerimentu lei rua husi PR liga ho ratifikasaun tratadu FM

Tribunal Rekursu (TR) iha Kinta (15/08),...

Close