JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reitor UNPAZ: Díli presiza revitaliza fila-fali

Reitor UNPAZ: Díli presiza revitaliza fila-fali

Reitor Universidade da Paz (UNPAZ), Lucas da Costa, hateten, sidade ohin loron no futuru sai sidade ne’ebé inteligente (Smart City) tuir ona padraun sidade inteligente, tamba ne’e presiza halo revitaliza ho planu foun.

“ Semináriu ida ne’e importante tamba orador ne’ebé partisipa iha seminariu ne’e fahe sira hanoin ba estudante no dosente sira kona-ba, oinsa revitaliza sidade Díli no oinsa mak halo planeamentu urbanu ne’ebé diak atu bele revitaiza sidade Díli sai sidade ne’ebé inteligente. Ita hatene katak, sidade mós iha nia vida tamba kleur ba kleur nia bele sai tuan, entaun presiza revitaliza ho planu foun”, afirma reitor UNPAZ, Lucas da Costa, ba JN-Diário Segunda (12/08/2019), iha UNPAZ-Díli, hafoin partisipa semináriu internasional sientífiku ho tema “ Dezenvolvimentu Sidade ohin loron no ba futuru tuir ona padraun (Smart City) ka sidade inteligente” ne’ebé hala’o husi estudante Fakuldade Engenária UNPAZ ne’e.

Reitor UNPAZ haktuir, sidade Díli tenke revitaliza an bei-beik nune’e funsaun hanesan sidade labele lakon, tamba sidade Dilí ne’ebé iha tempu portugues idealiza hanesan kapital provinsia no iha tempu okupasaun sidade dilí bolu hanesan (Ibu Kota) ga sidade kapital, no iha tempu agora Dilí sai hanesan kapital Nasaun.

“ Agora hanesan kapital nasaun, governu sentral funsiona iha kapital Dilí, atividade ekonomia no sosiais barak mak lao iha kapital Dilí ida ne’e signifika katak, kapital Dilí  halibur populasaun barak mak hela iha Dilí, entaun kapital Dilí presiza revitaliza fila-fali hanesan kapital nasaun ida, dehan Lucas da Costa.

Nia sublina, profile sidade dilí iha tempu uluk bolu kapital provinsia ou sidade kapital entaun tenke muda, tamba funsaun dilí agora laos ona kapital provinsia ou sidade kapital maibé sidade nia funsaun agora hanesan kapital nasaun Repúblika Demokratika Timor-leste (RDTL).

Lee hotu :   PR LÚ OLO APOIA PROGRAMA MCC

   Nune’e mos, orador Diretor Jeral Planu Urbanizasaun, Manuel da Costa Ximenes hatete, atu halo sidade dilí sai sidade ne’ebé intelejente mak governu tenke konsiste hodi realiza planu no politika ne’ebé diak, nune’e bele lori sidade dilí sai sidade ne’ebé intelejente.

“ Durante hau nia hare, nunka iha governu ne’ebé konsistensia ba nia politika katak, ohin mai halo estudu biabilidade aban ba halo fali foun, entaun atu governu iha bele konsistensia mak bainhira atu halo politika tenke hare kondisaun ho sitausaun, tamba  garante  hasai ona osan tenke iha rezultadu, reafirma Diretor Jeral Planu Urbanizasaun.

 Manuel da Costa Ximenes esplika, fator Instituisaun ne’ebé diak atu implementa sidade intelejente, mak tenke hetan suportasaun husi governu mak sai baze atu implementa sidade intelejente no papel populasaun mak tenke halo kontrolo ba governu tamba governu laiha linha koordenasaun ne’ebé diak. Fel

Add to Comments Here!!!!

error: Content is protected.
Secured By miniOrange
You might also like:
Dia 12/08/2019 || GMNTV LIVE STREAM || ESPIRITU 30 DE AGOSTO IHA KONSTRUSAUN ESTADU NO NASAUN

Dia 12/08/2019 || GMNTV LIVE STREAM || JORNAL NASIONAL KALAN

Dia 12/08/2019 || GMNTV LIVE STREAM || JORNAL AS 12

Close