JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN sadik MJ bongkar máfiozu iha TP •CNRT apoia total

FRETILIN sadik  MJ bongkar  máfiozu  iha TP •CNRT apoia total

Deputadu bankada FRETILIN Antoninho Bianco, sadik Ministru Justisa (MJ), atu bongkar  máfia sira iha Terras no Propriedades (TP), la’os halo deklarasaun polítika de’it maibé, presiza hatudu rezultadu servisu, no asaun.

Nia haktuir, problema disputa rezolve tuir lei no regras ne’ebé iha, karik iha lamentasaun ruma presiza halo rekursu hodi solusiona tuir lei.

“Ha’u gosta sei ministru sira halo servisu ninian ne’e halo tuir profesional, la’os servisu tuir polítika fali, sei simu ona servisu hanesan ministru, nia atu implementa servisu tuir regras ne’ebé iha, agora deklarasaun oi-oin ne’e, ema presiza mak servisu no rezultadu, la’os presiza fali ko’alia bar-barak no promesa, ne’e tempu kampaña ne’e promessa barak, agora tempu atu konkretiza promessa sira ne’e, ne’e tenki implementa ita-nia programa, tuir regras, dissiplina halo servisu, rezultadu tenki iha. Tanba ne’e, ami hakarak husu, aban bain rua sira aprezenta orsamentu, tenki aprezenta mós rezultadu ba orsamentu 2018 no 2019 nian, steitmentu bar-barak sai ne’e hanesan deklarasaun polítika, ministru dehan atu halo ida ne’e, halo ida ne’e, balun dehan atu kebra máfia, lahatene ita haree to’ok, kebra máfia ne’ebé, ema dehan máfia ne’e, máfia saída, iha disputa ne’ebé akontese, ne’e tenki buka para rezolve, la’os buka fali kebra buat seluk-seluk, iha disputa, rezolve disputa ne’e ho lei”, hateten Antoninho Bianco ba jornalista sira iha PN, Segunda (16/09/2019).

Deputadu opozisaun ne’e afirma, solusaun saída de’it, importante ba interesse Estadu no povu nian, no la’o tuir lei no regras ne’ebé vigór.

“Sei lakonsege rezolve, iha komisaun kadastral, sei laiha lori ba Tribunal, sei tribunal deside dehan, hanesan A ka B, tribunal nia desizaun ne’e mak vale, deklarasaun polítika sira ne’e la vale, se mak la konkorda rekursu fali, ema indivídu ka instituisaun Estadu, ne’e tenki kumpri ba Tribunal  nia desizaun ne’e, ne’e mak mekanizmu legal iha Estadu direitu ne’e, ministru nia deklarasaun ho ema líder balun nia deklarasaun ne’e espresaun ema ida-idak nia, kona-bá deskontentamentu ba desizaun ne’ebé sai, agora mekanizmu atu rezolve mak, ita la konkorda lori rekursu ba Tribunal, ne’e mak regras. Ministru sira ko’alia bar-barak ne’e, di’ak liu lalika ko’alia barak, halo servisu mak barak, satán iha tempu ona atu aprezenta orsamentu jerál Estadu, ida uluk-uluk ne’e halo ona saída, saláriu vensimentu ne’e oinsa, kapaital menus no bens servisu, oinsa. Deklarasaun bar-barak importante servisu, desizaun ne’ebé de’it, importante fó benefísiu ba povu no Estadu, ema hotu halo servisu dentru koridor ne’ebé iha, sei laiha protestu ruma”, tenik Bianco.

Lee hotu :   Semana rua laiha plenária, BOAMP krítika PPN

Alende ne’e, Xefe bankada CNRT, Duarte Nunes, deklara apoia deklarasaun Ministériu Justisa Manuel Cârceres nian, ne’ebé hateten atu sobu ka broker máfia ne’ebé mak iha, hodi tau aas interesse Estadu duke interesse pessoal sira.

“Ami apoia pozisaun ministru Justisa nian, no husu Prezidente PN, ita iha komisaun ida bele akompaña, ministru atu bongkar to’o iha ne’ebé, para hatudu mafíozu sira ne’e ba iha justisa, para ita-nia rai ne’e ses husi máfia sira ne’e, tanba problema ne’e, situasaun ne’ebé mosu iha ne’ebá ne’e, ema individu sira, kuandu ema hola pozisaun, pozisaun primeiru tenki defende Estadu, kuandu ema defende Estadu mak ita dehan ladi’ak, iha situasaun rua mak bele mosu, ita defende ema ne’e ou Estadu, bainhira situasaun ida ne’ebé mosu, Estadu ho ema individu, ita defende ida ne’ebé, iha situasaun ida hanesan ne’e, ita nu’udar institusaun ne’e mak tenki defende Estadu, sei ita la defende Estadu se mak atu defende Estadu ne’e, tanba interesse Estadu mak ita tenki tau aas, tanba projetu ida la’o tanba Estadu mak fó kontratu, para ema ne’e halo servisu Estadu nian, tanba ne’e, ita hamutuk rame-rame hamutuk ho ministru justisa duni sai tiha máfiozu sira ne’e”, dehan Deputadu AMP ne’e.

Antes ne’e, Ministru Justisa Manuel Cârceres deklara sei sobu ka bongkar  máfia ne’ebé mosu iha terras no propriedades, relasiona ho disputa rai entre kompaña Marino enterprice ho China harbour iha Kaitehu Likisa, ne’ebé sai polémika iha públiku, hafoin líder rezistensia Kay Rala Xanana Gusmão ba sobu ai sira ne’ebé, satan hodi taka dalan husi fatin produsaun fatuk britis ho rai henek hodi konstroe portu Tibar.say

Add to Comments Here!!!!

error: Content is protected.
Secured By miniOrange
You might also like:
Ema ta’a Mane nain tolu iha Díli ■PNTL duni tuir suspeitu

Mane nain tolu hetan ta’a  husi...

La rezolve impase polítiku, PN trava PR Lú Olo ba Nova Iorque

Parlamentu Nasionál (PN), liu husi plenária...

PNTL Ainaro la tolera eis GAM treinu subar

Komandante Polísia Nasional Timor-Lorosa’e (PNTL) interinu ...

Close