JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Outubru kareta foun ba deputadu to’o iha TL

Outubru kareta foun ba deputadu to’o iha TL

Diretora Jestaun Finansa Parlamentu Nasional, Zelia da Costa, informa, fulan outubru tinan ne’e, kareta foun ba deputadu sira ho marka pajero sport sei to’o iha Timor-Leste (TL).

Tuir Zelia, prosesu sosa kareta ne’e halo tiha ona  tenderizasaun, no asina tiha ona, tanba ne’e tárjetu sei to’o iha fulan Outubru tinan ne’e.

“Karik Outubru hanesan ne’e ita nia kareta to’o ona mai, kareta ne’e ho marka pazero sport, tanba iha OJE 2019, la indika nia marka maibé, presedensia ne’ebé mak iha ne’e, ho marka pajero sport, la’os prado,  ho nune’e, CNA halo tender ida ne’e, hetan duni kareta ho marka pajero sport, maske fofoun dehan susar tebes atu hetan ho folin ida ne’e maibé, sira konsege hetan duni ho marka ida ne’e, ho folin tuir ida ne’e nian”, esplika Zelia iha PN Tersa (17/09/2019).

Kona-bá laptop, Zelia esplika, seidauk konsege halo tenderizasaun, tanba kompañia sira ne’ebé atu hatama laptop, fó nia presu aas tebes, no orsamentu PN la to’o, tanba ne’ebé seidauk bele indika kompañia ruma hodi prosesa.

Parlamentu Nasionál (PN) planea atu sosa tan kareta foun iha Orsamentu Jerál Estadu (OJE) tinan 2020 nian, ba deputadu tuan sira ne’ebé kontinua uza karreta prado kontinuasaun husi III lejislatura nian, tanba kondisaun la possível no sei aumenta maka’as iha manutensaun.

Maske nune’e, deputadu husi bankada KHUNTO, Luis Roberto hatete,  osan aloka ona iha tinan 2019, atu sosa kareta 35 ba deputadu sira maibé, to’o agora kareta seidauk mosu mai hela deit.

 “Husi OJE tinan 2019 nian, prevê ona orsamentu atu sosa kareta siklu 65 ba deputadu sira ne’e tenki sosa hotu, labele sosa deit 35 maka foun no sira seluk ne’e uza fali kareta sira ne’ebé mak tuan ona ne’e, tanba tuir lei hateten katak, lejislatura foun mak fasilidade mós tenki tuir ida ne’e, maibé iha maluk deputadu sira balun dehan hola de’it  35, tanba ne’e mak ita prevê orsamentu atu sosa kareta 35 ne’e maibé, tinan ida ne’e besik remata ona kareta la mosu hela de’it iha PN ida ne’e”, kestiona Luis Roberto.

Lee hotu :   PM Taur fahe esperiensia negosiasaun FM ba delegasaun Vanuatu

Luis Roberto preokupa, deputadu foun sira ne’ebé kontinua uza kareta privadu hodi hala’o servisu, liu-liu halo fiskalizasaun iha baze.

 “Ita preokupa tanba bainhira deputadu sira atu tu’un ba halo fiskalizasaun iha baze, ita tenki hasai osan ba aluga kareta  mak foin uza ba servisu iha baze, no orsamentu 2019 nian ita tau ona osan atu sosa kareta maibé, ita sei hasai osan ba aluga kareta seluk. loloos ne’e prosesu sosa kareta ne’e labele la’o kleur hanesan ne’e,” lamenta Luis.

 Atual Vise Prezidente Parlamentu Nasionál ne’e kestiona, kona-bá prosesu sosa leptop, tanba iha prosesu diskusaun OJE 2019, deputadu sira mós propoin ona maibé, to’o agora seidauk iha rezultadu.

Iha Orsamentu Jerál Estadu tinan 2019 nian, Parlamentu Nasionál prevê millaun USD 2 resin, hodi sosa kareta foun ba deputadu foun sira, ne’ebé foin haknár aan iha Parlamentu ba kinta lejislatura nian, ho marka pazero sport, maibé hela de’it fulan tolu tama ba tinan 2020 seidauk to’o ba deputadu sira, tanba iha prosesu nia laran.say

Add to Comments Here!!!!

error: Content is protected.
Secured By miniOrange
You might also like:
Mandatu Lere no Falur sei termina iha Outubru

Diretór Ezekutivu Fundasaun Mahein, João Almeida, ...

Membru servisu Migrasaun deskonfia uza USD 4.230.00 ba nesesidade privadu

Membru Servisu Migrasaun deskonfia  halakon osan...

Disputa rai iha Kaitehu, Advogadu ME husu Xanana sai mediadór

Disputa rai entre kompañia Marino Enterprise...

Close