JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN FÓ OMENAJEN IKUS BA EIS DEPUTADU RAMA METAN

PN FÓ OMENAJEN IKUS BA EIS DEPUTADU RAMA METAN

Parlamentu Nasionál (PN), liu husi plenária extraordinária iha Segunda (09/09/2019), fó omenajen ikus ba eis deputadu no atual reitor Universidade da Paz (UNPAZ), Lucas da Costa Rama Metan, antes halo’ot mate isin iha jardim herois Metinaro.

Bankada FRETILIN liu husi deputada Josefa Âlvares iha nia  intervensaun hatete, bankada FRETILIN hato’o sentidu kondolénsia profunda ba família matebian Rama Metan nian, no sei la haluha kontribuisaun husi saudozu rasik ba Timor-Leste iha tempu rezistensia to’o ukun rasik aan.

“Durante luta ba independensia iha tempu rezistensia, saudozu mós hola papel importante ida, no iha inisiativa importante balun, iha ita-nia luta. Ita hotu hatene, hafoin ukun rasik aan mós Dr. Lucas da Costa mós kontribui ba prosesu dezenvolvimentu país nian, iha Parlamentu Nasionál  no iha vida akadémika”, tenik deputada FRETILIN ne’e.

Alende ne’e, Bankada CNRT ne’ebé  reprezenta husi Vise Xefe bankada deputadu Patrocino Fernandes hateten, saudozu Rama Metan nia kontribuisaun maka’as tebes ba Timor-Leste, no saudozu mós sai ezemplu ba inisiativa polítiku no dedikasaun ba dezenvolvimentu.

“Lucas da Costa “Rama Metan” fila hikas ona ba Aman Maromak ho idade 67 anos, pesoas ida ne’ebé fó ninia kontribuisaun barak iha luta independénsia nasional, hamutuk ho ita-nia maluk Joven sira ne’ebé estuda iha Indonésia. Saudozu Rama Metan sai ezemplu ba inisiativa, polítikus, dedikasaun tanba ativamente foti parte iha dezenvolvimentu edukasaun iha Timor-Leste liu husi ensinu superior. Hanesan fundador ba organizasaun Resistênsia RENETIL iha tinan 1988, saudozu Rama Metan hamutuk ho ninia kompañeru da-luta sira lori anin fresku ba movimentu ukun rasik aan iha ema nia-rain, nia organiza no halibur estudante sira, halo polítika iha Frenti klandestina nian, hodi nune’e lian husi diáspora konsege kontribui ba iha mudansa persepsaun mundu nian sobre violasaun direitus humanus iha ita-nia rain, no luta Timor-oan nian hodi ezije Referendu ba Timor-Leste. Ita-hotu rona novidades triste tanba saudozu Rama Metan la hamutuk ona ho ita, husik família no lakon nia prezensa iha ninia kompañeru sira-nia le’et. Nia husik hela lembransa dedikasaun nian, obra intelektuais, organizasaun polítika, kompeténsia no história patriótiku ba povu no rai doben Timor-Leste. Ami hakru’uk ho orgullu tanba Timor-Leste hahoris figura-ida ne’ebé firmi no determinadu. Ita foin hakat liu selebrasaun 20 anos Referendum, marka mós ho história triste kona-ba partida saudozu Lucas da Costa “Rama Metan” nian ba iha Nai Maromak Ninia Kadunan Santu”, katak Patrocino.

Lee hotu :   PN aprova propsota sosa kareta 48 ba deputadu foun

Vise Xefe bankada CNRT ne’e afirma, novidades triste no lakon bo’ot ba Timor- Leste nia kontributor bo’ot ida, ne’ebé mak foti ona parte ativu iha prosesu konstrusaun Estadu, nu’udar lutadór, eis-deputadu ba II lejislatura Parlamentu Nasional, politiku no mestri.

Tanba-ne’e, ho biban ne’e, Bankada CNRT hakarak hato’o sentidu kondolénsia profunda ba família, oan-kiak, faluk no kolega sira, tanba lakon ona amán no kompañeiru-da-luta diak ida.

“Ami husu ba Nai Jesus Kristu atu horik fatin dignu ba saudozu Rama Metan iha Aman Maromak nia sorin kuanan, no husu mós Nai Maromak atu haraik forsa ba família tomak. Adeus kompañeru Rama Metan, deskansa ho páz!”, afirma deputadu CNRT ne’e.

Nune’e mós Xefe bankada PD, deputadu António da Conceição hatete, saudozu Rama Metan nia isin loloon mak mate maibé, espíritu da luta sei la mate, tanba hahalok murak barak mak sei rai hela ba Timor-Leste.

“Ohin hatoba aan iha Parlamentu Nasionál, kompañeiru Rama Metan, maske tilun larona ami nia lian, no la senti ami nia liafuan maibé, ita sidadaun patriótika, ita Timor-oan duni, maske ita jerasaun sira otas tuan maibé, ita konsege fera otas tuan no foun sira, kahur malu ho foin sa’e sira iha Bali no Surabaya, hadulur malu ho estudante sira, hodi sunu ahi independensia nian iha estudante sira nia neon, atu hamoris nafatin espíritu luta ba independesia nian, hodi ko’alia ho liafuan joven ida nian, atu joven labele senti no haketan otas”, realsa deputadu PD ne’e.

Eis deputadu segunda legislatura ne’e, hakotu nia iis ikus iha loron 05 fulan Setembru, tanba sofre kankru colon, iha hospitál nasionál Guido Valadares.

Lee hotu :   TR anunciou resultado do sorteio dos partidos candidatos às eleições

Iha okaziaun hanesan mós, Parlamentu  Nasional  (PN),  liu husi Komisaun Permanente (KP), aprova votus pezar ba saudozu, Lucas da Costa “Rama Metan”, tanba saudozu kontribui luta ba rai ida ne’e, hahú husi tinan 1976.

“Merese duni saudozu atu hetan votus  pezar, ha’u husu ba meza PN atu tau liu husi votus pezar ida ne’e, saída maka saudozu, Lucas halo ona iha tempu difísil nia laran, hamutuk ho ninia ekipa sira, tanba ne’e liu husi votus pezar ida ne’e, atu tau iha konsiderasaun no kontribuisaun saudozu ni’an, la’os ne’e deit maibé, to’o agora nia sei nafatin fó kontribuisaun”, Deputada bankada FRETILIN, Maria Angelica.

Deputada bankada FRETILIN ne’e esplika, votus a pezar ne’e PN halo, tanba saudozu Rama Metan ho ninia aten barani, no matenek hamutuk ho ninia kolega sira fó formasaun kona-bá enfermeira iha ai laran.

“Saudozu Lucas da Costa ninia aten barani no matenek hamutuk ho nia kolega sira fó formasaun kona-ba enfermeira ni’an iha ai laran, liu-liu iha rai Kastos Futun Mutin no halo operasaun bo’ot ba maluk sira ne’ebé  hetan tiru, hodi hasa’i bala musan iha isin lolon no to’o agora ema sira ne’ebé  sira salva sei moris, saudozu nia kontribuisaun luta ba rai ida ne’e, sura la hotu, tanba ne’e liu husi votus pezar ne’e, husu ba meza PN atu sura liu husi votus pezar ne’ebé PN fó”, tenik Maria Angelica.

Husi sorin seluk, deputadu bankada CNRT, Aderito Hugo afirma, saudozu Lucas da Costa “Rama Metan” halo ona ninia papel importante ba rai ida ne’e, hodi sai hanesan sasin konta istória revolusaun nian.

Lee hotu :   PR deside EA, Alkatiri kontenti ''Povu konfia liu Xanana, Taur-Naimori

“Ita triste Timor-Leste lakon autor ou sasin ida hanesan Saudozu Lucas da Costa, bainhira iha situasaun ida ema konta istória sira ne’e konformi sira nia hakarak maibé saudozu iha kompetensia no kapasidade tomak, hodi sai referensia konta istória ne’ebé loloos iha inísiu revolusaun nini’an, saudozu Rama Metan uluk iha Same ema hotu kuñese saudozu la’os hanesan dutor maibé, hanesan enfermeiru hahú husi tempu rezistensia  to’o ukun aan fó kontribuisaun iha setór edukasaun, tanba ne’e obra ne’ebé nia husik hela importante mak tenki asegura didi’ak iha nasaun ida ne’e”, haktuir Aderito. say/ety

Add to Comments Here!!!!

error: Content is protected.
Secured By miniOrange
You might also like:
PR VIZITA AMU JOÃO DE DEUS IHA HNGV

Prezidente Republika (PR) Francisco Guterres Lu...

KAZU LEOREMA, GOVERNU REINTEGRA KOMUNIDADE BA BAIRU

Governu liu husi Sekretáriu Estadu Protesaun...

MEMBRU PNTL BAKU SIDADAUN IHA BAUKAU, FM KONSIDERA LA TUIR REGRA

Diretór Ezekutivu Fundasaun Mahein (FM), João...

Close