JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR LÚ OLO DEKRETA HALÓT ‘RAMA METAN’ IHA JARDIM DOS HEROIS METINARO

PR LÚ OLO DEKRETA HALÓT ‘RAMA METAN’ IHA JARDIM DOS HEROIS METINARO

Prezidente Repúblika (PR), Francisco Guterres ‘Lú Olo’, dekreta sei halót mate isin fundador organizasaun RENETL, Lucas da Costa ‘Rama Metan’, iha Jardim dos Herois Metinaro, tanba iha tempu luta ba ukun rasik an, saudozu fo kontribuisaun maka’as ba luta libertasaun.

Xefe Estadu Francisco Guterres Lú Olo, dekreta dekretu prezidente repúblika númeru 42/2019 ne’ebe publika iha Sesta loron 06 fulan  Setembru 2019, iha Jornal da República.

Ho kontribuisaun ba Luta Libertasaun Pátria, Lucas da Costa, iha direitu atu hetan onras fúnebre no hakoi iha Jardim dos Herois Metinaro no fó omenajen ba Kombatente Libertasaun Nasionál ho ninia kontribuisaun ba Independénsia Nasionál.

Alem de ne’e iha Sesta loron 6 fulan Setembru ne’e Prezidente Repúblika Francisco Guterres ‘Lú Olo’ ho nia espoza Cidalia Lopez Nobre Mouzinho Guterres ho nia komitiva presta homenajen ba saudozu Lucas da Costa ‘Rama Metan’ iha  Kampung Baru Komoro Díli.

Xefe Estadu ne’e hatete, reitrór UNPAZ ne’e envolve iha luta libertasaun nasionál husi kedas inísiu no asume kargu prinsipál iha periodu baze de apoio  hodi kontribui  hasoru okupasaun Indonézia iha vila laran.

Aleinde ne’e matebian Lucas da Costa mos iha kampu inimigu ninian hari’i RENETIL hamutuk ho fundadór sira seluk forma organizasaun RENETIL hodi luta hasoru rejime Soeharto.

“Saudozu envolve kedas iha luta libertasaun nasionál husi kedas inísiu no asume kargu prinsipál iha periodu Base de Apoio ninian. Periodu Base de Apoio influénsia tebes atu kontinua kontribui atu hasoru okupasaun Indonézia iha vila laran.  Lucas da Costa “Rama Metan” iha kampu inimigu ninian harii RENETIL hamutuk ho fundadór sira seluk buka forma hodi luta hasoru rejime Soeharto. Iha periodu ukun rasik an, Lucas da Costa ‘Rama Metan’ mai ho vizaun ne’ebé haré dók hodi harí Universidade Pás atu forma ema Timor hodi kontribui ba dezenvolvimentu nasaun ninian, Lucas da Costa ‘Rama Metan’ nia isin lolon mak laiha ona maibé ninian memória sei hela hamutuk nafatin ho ita”, haklean PR, Francisco Guterres ‘Lú Olo’.

Lee hotu :   RENETIL desidi la sadere ba partidu ida

 Família matebian agaradese ba Xefe Esatdu Timor-Leste ne’ebe hakat mai iha rezidensia matebian hodi fó omenajen ba saudozu ninia kontribuisaun luta ba libertasaun nasionál.

“Família agradese ba prezidente repúblika ho nia espoza, sira nian prezensa hanesan rekuiñesementu ne’e matebian halo ona ba rai doben Timor-Leste nia ukun rasik án, no la haluha agradese mos ba matebian nia kolegas hotu-hotu. Kuandu nia (saudozu Rama Metan) sei moris, ami rua sempre koalia mak ne’e tenke kontinua servisu, tantu iha servisu iha area saida saida deit, tenke kontribui ba nasaun ida ne’e hodi hasai povu husi ki’ak no mukit,” hateten Família Matebian, Raimundo Goncalves.

 Fundadór UNPAZ ne’e hakotu iis iha Ospitál Nasionál Guido Valadares, Kinta (05/09/2019), tanba moras kankru. Ito

Add to Comments Here!!!!

error: Content is protected.
Secured By miniOrange
You might also like:
KOMISAUN AVALIASAUN DESIDE TL VIÁVEL ONA TAMA ASEAN

Delegasaun Komisaun Permanente Asosiasaun Sudeste Aziátiku...

Filomeno Paixão: Sei la tolera korupsaun iha Servisu imigrasaun

Ministru Defeza no Interior Interinu, Filomeno...

Kazu kontentor 9 “TDD absolve arguidu Hamzah no José”

Tribunál Distritál Díli (TDD), liu husi...

Close