JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN kansela viajen PR ba Japaun no Indonézia laiha impaktu relasaun bilateral

PN kansela viajen PR ba Japaun no Indonézia  laiha impaktu relasaun bilateral

Embaixador Indonézia, Sahat Sitorus no embaixador Japaun, Shingo Higashimoto, hatetete  Parlamentu Nasional (PN) kansela viajen Prezidente Republika (PR) ba Indonézia no Japaun nee laiha impaktu ba relasaun bilateral ho Timor – Leste.

Embaixadór Indonézia iha Timor-Leste (TL), Sahat Sitorus, hateten impaktu husi dezenvolvimentu dinámika demokrásia iha TL mak Parlamentu Nasionál (PN) kansela viajen Prezidente Repúblika (PR), Francisco Guterres Lú Olo, ba Indonézia.

Diplomata Indonézia hato’o asuntu ne’e ba jornalista sira, hafoin hasoru malu ho Prezidente Repúblika, Francisco Guterres Lú Olo, hodi konfirma konvite husi nasaun vizinho ne’e ba Xefe Estadu Timor-Leste Lú Olo.

Objetivu Republika Indonesia konvida Prezidente Republika, Francisco Guterres  atu partisipa serimonia toma pose ba Prezidente no Vise Prezidente Repúblika Indonézia eleitu, Joko Widodo iha fulan Outubru, fulan ne’e.

Sahat Sitoru hatete, Parlamentu Timor-Leste nia desizaun kansela viajen Xefe Estadu Lú Olo ne’e sertamente laiha impaktu negativu ba relasaun bilateral Timor-Leste ho Indonézia. No Indonézia rekuiñese ida ne’e hanesan deit impaktu husi dezenvolvimentu dinámika ba nasaun ida ne’ebé mak implementa demokrásia hanesan mós Timor-Leste.

“Sertamente lae !, Hau brani atu hateten lae, tanba ita tenke respeitu posisaun Prezidente Repúblika no dezenvolvimentu dinámika demokrasia iha Timor-Leste, tanba konforme konstituisaun hateten katak, wainhira prezidente atu halo vizita diplomasia nasaun nian no tantu prinadu nian ba rai liur, tenke iha asentementu no autorizasaun husi Parlamentu Nasionál, e sertamente ami tenke respeitu ida ne’e,” hateten Embaixadór Indonézia.

Nunee mos enkaregadu Negósiu Embaixada Japaun iha Timor-Leste (TL), Shingo Higashimoto, hateten kanselamentu viajen Prezidente Repúblika (PR), Francisco Guterres ‘Lú Olo’, ba Japaun la fó impaktu ba relasaun bilateral Japaun ho TL.

Lee hotu :   Inisiu Dezembru, debate OJE 2019

“Ha’u hanesan enkaregadu negosiu sei hato’o saida mak Prezidente Repúblika Lú Olo koalia ba iha Tokyo, laiha topiku seluk alende saida mak ha’u foin hato’o dadauk ne’e. Hanesan ha’u hatete ona iha mensajen badak ne’e katak Prezidente Repúblika nia planu hodi vizita Japaun labele realiza no ida ne’e deit mak ami kolia. Prezidente Repúblika mensiona katak maske ida ne’e labele akontese agora entre povu Timor-Leste no Estadu Timor-Leste hamutuk ho povu Japaun kontinua hametin nafatin relasaun bilateral ho nune’e laiha problema. Sé ita temi dehan impaktu negativu ne’e lae, hau bele dehan katak dezisaun ida ne’e sei la fo impaktu ba ita nia relasaun bilateral”, afirma Shingo Higashimoto ba jornalista sira hafoin hasoru malu ho Prezidente Repúblika, Francisco Guterres Lú Olo, iha palasiu Prezidensial Nicolau Lobatu Bairo Pite, Díli, Segunda (7/10/2019).

Shingo Higashimoto haktuir katak, iha sorumutu ne’e enkaregadu Negósiu Embaixada Japaun konfirma kona-ba konvite Estadu Japaun nian ba Xefe Estadu Timor-Leste atu partisipa serimónia intronizasaun imperadór-foun iha fulan Outubru ne’e ne’ebé hala’o iha Japaun.

Enkaregadu Negósiu Embaixada Japaun iha Timor-Leste ne’e hateten, desizaun kansela viajen Xefe Estadu ba Japaun ne’e kestaun enterna no Governu Japaun espera Timor-Leste bele rezolve rasik ninia situasaun polítika iha tempu badak.

Relasiona desizaun Parlamentu Nacional ne’ebé vota kansela viajen Prezidente Repúblika nian ba Japaun ho Indonezia, líder nasionál no eis Prezidente Repúblika José Ramos Hosta no sosiedade sivíl sira balun lamenta ho desizaun nee. Ito

Add to Comments Here!!!!

error: Content is protected.
Secured By miniOrange
You might also like:
PN aprova reformulasaun LFP FRETILIN kontinua konsidera inkonstitusional

Parlamentu Nasional (PN) iha Tersa, loron...

Korea du Sul selebra tinan 20 destakamentu forsa armada korea nian iha Timor – Leste

Tenente Jeneral Forsa Armadas  Korea do...

TL sei infrenta mini forsa traballu Infantil

Rezultadu peskiza Infantíl no mini forsa...

Close