JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri Sujere PM Taur remodela VIII Governu “FRETILIN sei vota kontra OJE 2020”

Alkatiri Sujere PM Taur remodela VIII Governu “FRETILIN sei vota kontra OJE 2020”

Sekretáriu Jeral Partidu FRETILIN,  Marí Bin Amude Alkatiri,  Sujere VIII Governu konstitusionál ne’ebé lidera husi Primeiru Ministru, Taur Matan Ruak, ne’ebé atu halo remodelasaun bainhira VIII Governu la funsiona ho diak.

“Ha’u sei Sujere VIII governu konstitusionál bainhira iha remodelasaun,”dehan Sekretáriu  Jeral  Partidu FRETILIN,  Mari Alkatiri, ba JNSEMANÁRIO Kinta  (28/11/2019), bainhira partisipa grande entrevista iha studio 2 GMN-TV Bebora, Díli.

 Sekretáriu  Jeral  Partidu FRETILIN ne’e hatete, kuandu  governu iha problema mak tenke haree lolos fukun ne’e iha ne’ebé, hodi identifika karik iha fukun mak tenke hatene hasai fukun ne’e, hodi labele kontinua atu fo terus ba povu.

“Ida ne’e problema Aliansa Maioria Parlamentar (AMP) nian, laos FRETILIN. Ami FRETILIN agora reorganiza a’an hela atu manan iha eleisaun,”afirma Mari Alkatiri.

Eis Primeiru Ministru Mari Alkatiri, husu mos ba líder sira iha AMP atu labele fo kulpa ba malu, maibé oinsa buka solusaun rezolve problema impase polítika nune’e dezenvolvimentu Timor-Leste bele la’o, tanba governu iha orsamentu bo’ot maibé dezenvolvimentu Timor-leste sei la’o ba kotuk.

“Dezenvolvimentu nasaun Timor-Teste ita la’o ba kotuk maske ita-nia governu iha osan barak, maibé labele fo kulpa ba malu liu-liu sira iha AMP laran,”dehan  Mari Alkatiri.

Nia hatutan, líder sira iha AMP laran labele dún malu maibé buka rezolve problema, tanba hotu-hotu agora fó sala ba Primeiru Ministru, Taur Matan Ruak, se mak tau nia ba iha Primeiru Ministru.

“Ha’u la’os defende Taur Matan Ruak no ha’u la defende ema ida, maibé buat ida dun malu, ha’u la gosta. Tanba ha’u koalia ba substansia governasaun, ha’u evita koalia ba ema no ha’u koalia ba polítika kultura instutuisaun Estadu nian, ha’u-nia maun ka ha’u-nia alin bainhira sira sala, ha’u dehan sira sala,”afirma Mari Alkatiri.

Lee hotu :   PR Lú Olo: Polítiku no povu lalika politiza FM

Eis Primeiru Ministru ne’e subliña, FRETILIN prontu buka dalan hamutuk ho AMP atu hadia problema rai laran, maibé la’os atu buka kadeira, ta,ba FRETILIN la buka kadeira.

FRETILIN sei vota kontra OJE 2020

Sekretáriu  Jeral  Partidu FRETILIN,  Mari Alkatiri, deklara, FRETILIN sei vota kontra Orsamentu Jeral Estadu tinan 2020, tanba montante osan bo’ot ho kedas billiaun USD 1.950.

“Ami vota kontra, atu sira hatún ba um billiaun seis sentos milhões dolar amerikanu mos ami vota kontra nafatin,”dehan Mari Alkatiri.

Tuir Mari, governu atu hatún OJE tinan 2020 ba um billiaun tresentos milhões mos FRETILIN vota kontra nafatin, bainhira governu la aloka osan iha fatin lolos.

“Povu halerik ba bee moos, ai-hán, edukasaun no saúde, agora ba ita ba preokupa fali ho saida?  entaun buat ne’ebé presiza ita preokupa dahuluk mak  problema bee moos, ai-han, edukasaun no saúde. Tanba ne’e se ita investe osan iha área agrikultura mak rezultadu ba povu nia vida mai imediatu no ita investe ba kafé mak rezultadu ba kafé nain sira mai imediatu,”dehan Mari Alkatiri.

Nune’e debate Orsamentu Jeral Estadu ba tinan 2020, sei diskuti iha Parlamentu Nasionál iha loron Segunda (2/12/2019).Fel

Add to Comments Here!!!!

error: Content is protected.
Secured By miniOrange
You might also like:
Obbie Messakh ho Cristine Panjaitan sei “doko” kapital Díli

Artista lejendáriu Indonézia, Obbie Messakh no...

SEFOPE fo ezame abilidade ba kandidatu traballadór 723

Governu liu husi Sekretáriu Estadu Formasaun...

Faustino orienta PNTL kontrola fuguetis

Komandante Jerál Polísia Nasional Timor-Leste (PNTL)...

Close