JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu apoia USD300.000 ba eleisaun Prezidensiál Guiné-Bissau

Governu apoia USD300.000 ba eleisaun Prezidensiál Guiné-Bissau

Governu Timor-Leste  apoiu orsamentu USD300.000 ba eleisaun Prezidensiál Guiné-Bissau ne’ebé sei realiza iha fulan Novembru ne’e.

Ministru Estadu Prezidénsia Konselu Ministru Agio Pereira hato’o informasaun ne’e, hafoin partisipa reuniaun Konsellu Ministru,Kuarta (6/11), iha Palásiu Governu.

“Konsellu Ministru rona mós aktualizasaun ida  husi Ministru Negósiu Estranjeiru no Kooperasaun Dionisio Babo sobre prosesu eleitorál  iha Guiné Bissau  no reafirma fó apoiu ba eleisaun Guiné Bissau ninia hodi bele tulun estabiliza mós rai belun bo’ot Timor-Leste nian ,Timor-Leste fó apoiu desde uluk kedas no eleisaun importante  Konselu Ministru reafirma apoiu  sei fó apoiu finanseiru ba prosesu eleisaun”,dehan  Agio Pereira.

Reuniaun Konsellu Ministru Kuarta, ne’e, aprova proposta Deliberasaun ne’ebé aprezenta husi Primeiru Ministru Taur Matan Ruak , atu apoia finanseiru ba eleisaun Prezidensiál Guiné-Bissau ne’ebé sei  hala’o iha fulan Novembru, tinan ne’e.

Timor-Leste nia apoiu ba Guiné-Bissau ne’e , tanba nasaun  rua ne’e nu’udar belun di’ak desde uluk kedas no Governu Timor konsidera eleisaun prezidénsial iha Guiné-Bissau importante tebes.

Apoia humanitária vítima Inséndiu

Iha reuniaun órdinariu Konsellu Ministru nee mos deside fó apoiu humanitária ba komunidade afetadu inséndiu.

 “Ohin reniaun ordináriu Konselu Ministru  ninia  hanesan última reniaun semana rua kotuk hau informa ba ita bo’ot Konselu Ministru reflete mós konaba dezastre naturais  ne’ebé estraga uma barak ,sunu uma barak ,plantasaun,tamba iha komisaun interministérial  atu hare asuntu ne’e ho koordenasaun husi Ministériu Administrasaun ESTATAL ,ohin Konselu Ministru estuda relatóriu ne’ebé mai husi Ministériu ESTATAL husi Ministru Interinu hato’o ba Konselu Ministru hare seridade ba problema ne’e  no deside tiha ona iha última reniaun Ministru atu fó apoiu umanitariu detallus ho dadus sira nian sei uniformiza hotu hodi determina kuantiadade material apoiu ne’ebé atu tau hamutuk husi ministériu relevantes hotu-hotu inklui Sekretáriu Estadu Ambianete hodi bele fasilita prosesu apoiu humanitáriu ba populasaun iha ita nia rai tomak”,dehan Ministru Estadu Prezidensia Konselu Ministru.

Lee hotu :   Juventude ParPol asina kompromisu paz ho CNJTL

Iha Reuniaun órdinario Konsellu Ministru ne’e, Ministru Administrasaun ESTATAL Abílio José Caetano apresenta relatoriu konabá dezastre naturais, ne’ebé durante nee akontese iha Munisipiu sira.

Ministru Estadu Prezidensia Konselu Ministru Agio Pereira, hatete, husi relatóriu ne’e indetifika , populasaun 1000 resin mak afeta ba Dezastre Naturais nune’e iha tempu badak Governu sei fó apoiu humanitária ne’ebé komunidade sira presiza.

Ministru Administrasaun ESTATAL sei koordena hamutuk ho ministériu relevante seluk hodi hatan ba dezastre naturais ne’ebé akontese no sei defini makanizmu no apoiu ne’ebé sei fó ba komunidade.

Insendiú  ne’ebé akontese durante nee  afeta ba komunidade sira iha Munisipiu Bobonaro, Aileu, Ermera no Munisipiu Liquisa. Apoiu nebe governu sei fó nee nudar apoiu emerjensia no apoiu rekoperasaun.Tos

Add to Comments Here!!!!

error: Content is protected.
Secured By miniOrange
You might also like:
Komisaun konjunta investiga problema entre F-FDTL-PNTL iha finadu

Foto:Facebook Problema entre membru FALINTIL Forsa...

MS sei apoiu USD 180.000 ba klínika Bairo-Píte

Atu rezolve krizi finanseiru ne’ebé klínika...

Domingos Barreto reativa fali nia funsaun hanesan prokurador

Prokurador, Domingos Barreto ne’ebé hetan demisaun...

Close