JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hafoin governu fó konfiansa lidera RAEOA-ZEESM, LuGu prontu asumi kargu ne’ebé nia simu

Hafoin governu fó konfiansa lidera RAEOA-ZEESM, LuGu prontu asumi kargu ne’ebé nia simu

Prezidenti Rejiaun Administrativa Espesiál Oe-Cusse Ambeno (RAEOA)-Zona Espesiál Ekonómia Sosial Merkadu (ZEESM), indijitadu, José Luis Guterres (LuGu) promete, prontu servi povu no halo dezenvolvimentu iha RAEOA-ZEESM.

“Governu foun nia oportunidade atu servi povu Oe-Cusse, sertamente iha tomada de posse atu dehan deit hanesan ne’e, ema balun bele matenek liu ita, ema balun bele experiénsia liu ita, maibé sei ita ida-idak ou sira ne’ebé atu halo parte ekipa bele fó sira nia kontribuisaun, Oe-Cusse-Oan barak, formadu no kapasidade barak, ida-idak bele fó uitoan serteza que ekipa ne’e bele servisu di-di’ak, sei kontribui para iha dezenvolvimentu ba rai Oe-Cusse”, Prezidenti indijitadu RAEOA-ZEESM ne’e ba jornalista sira, hafoin presta omenajen ba matebian Akita Tama Laka, iha Igreja Balide, Díli, Kinta (07-11-2019).

José Luis Guterres, hateten, bá Oe-Cusse la’os atu ukun, maibé ho hanoin ida atu servisu hamutuk ho povu Oe-Cusse, ba ema ne’ebé kaer kultura no tradisaun no administrasaun Estadu ni’an.

“Ha’u la’os ba Oe-Cusse atu ukun, tanba rai Oe-Cusse, povu Oe-Cusse iha ukun ida kleur nanis kedas, ha’u ba iha ne’ebá atu hamutuk ho sira, la’os deit ho sira ne’ebé administrasaun Estadu nini’an, maibé hamutuk ho sira ne’ebé kaer kultura tradisaun, para ita bele hamutuk servi povu Oe-Cusse, ne’ebé ha’u hanesan disponivel deit, la ba ho hanoin katak, ha’u mak matenek liu, ha’u experiénsia liu, tanba konfiksaun ha’u ni’an katak, iha mundu ne’e, sempre iha ema ida hatene liu ita no experiénsia liu ita, ne’ebé ita ba servisu jestaun foun iha Estadu ni’an ne’e, servisu ekipa ne’ebé ita hein to’o iha tempu”, tenik LuGu.

Lee hotu :   PLP: Públiku preokupa MRLAP nia servisu

Eis Vise Primeiru Ministru iha governasaun Aliansa Maioria Parlamentar (AMP) ne’e, esplika, antes ne’e, nia prefere sai embaxador, maibé hanesan ema kombatente ne’ebé luta ba liberdade demokrásia iha Timor, labele eskolla deit buat ne’ebé fásil, maibé tenki infrenta obstákulu hodi kontribui dezenvolvimentu ba povu Oe-Cusse.

Antes PM, Taur Matan Ruak, propoin ba iha Konsellu Ministru (KM), PM husu sei disponivel ka la’e, pesoalmente hanesan ema ha’u prefere sai embaxador, maibé hanesan kombatente no luta ba liberdade demokrásia iha Timor, ha’u labele eskolla buat  ne’ebé fásil no buat ne’ebé di’ak ba ha’u nia-an rasik no haluha tiha katak, ita presiza fó kontribuisaun ba dezenvolvimentu rai-laran no mós servi povu Oe-Cusse, ida ne’e mak ha’u nia prinsípiu”, informa Prezidenti indijitadu RAEOA-ZEESM.

Nia akresenta, wainhira lidera povu iha RAEOA-ZEESM la’os atu ba ho partidu, maibé ba ho hanoin ida katak, fó oportunidade ba servisu no ba servi povu Oe-Cusse.

Ita labele partidariza demais ita nia rai, iha Distritu sira, ita fó oportunidade ba Oe-Cusse-Oan sira ne’ebé professional atu bele ajuda kaer para hadi’a rai Oe-Cusse no ha’u laiha hanoin ida ne’ebé negativu, relasaun administrasaun anterior, ha’u respeita ema tomak ne’ebé fó kontribuisaun ba iha dezenvolvimentu rai Oe-Cusse”, tenik LuGu.

Entretantu wainhira husu kona-bá planu no preparasaun ba RAEOA-ZEESM,  José Luis Guterres deklara, seidauk bele fó komentáriu, tanba seidauk simu pose. eni

 

 

Add to Comments Here!!!!

error: Content is protected.
Secured By miniOrange
You might also like:
Kazu oho Doutor Xineza, TDD kondena Aquilis ho pena prizaun tinan 16

Tribunal Distrital Díli (TDD), iha Kinta,...

Xanana hala’o diálogu ho komunidade ■ Konkorda implementa planta LNG iha Beasu

Xefe  Negosiadór Prinsipal  Fronteira Maritíma no...

Governu imkompletu implika ezekusaun, CNRT sei fó kartaun mean ba OJE 2020

Xefe bankada CNRT, deputadu Duarte Nunes,...

Close