JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Akuza JN-Diário la imprasial, Xefi redasaun konsidera relatoriu MOE-UE laiha fundamentu

Akuza JN-Diário la imprasial, Xefi redasaun konsidera relatoriu MOE-UE laiha fundamentu

Xefi Redasaun Jornal Nacional Diário (JN-Diário), Aleixo da Costa Ximenes  Alves, konsidera, avaliasaun husi Misaun Observasaun Eleitoral Uniaun Europeia (MOE-UE) ba mídia nasional sira ne’e laiha fundamentu, tanba halo akuzasaun diretamente hasoru Jornal Nacional Diário (JN-Diário) iha nia publikasaun ba kampaña eleisaun prezidensial ba kandidatu Prezidenti Repúblika nain ualu (8) la imparsial.

Tuir Xefi Redaksaun Jornal Diario Nacional katak, durante ne’e halao nia knar imparsial tebes. Hanesan evidensia maka durante kampanha kandidatus, JN-Diário halo nutisias entrevista excluzivu ho kandidatus na’in 8 ne’ebé publika lor-loron no koloka iha iha primeira pájina. Nune’e mós hakerek profil kandidatu sira nian ne’ebé koloka iha pájina espesial ho titulu’’ Dalan ba Palácio’ hahú husi kandidatu 1 to’o iha 8 ne’ebé publika lor-loron.

“Ne’ebé ha’u la hatene MOE-UE ne’ebé fó sai iha konferensia imprensa katak JN-Diário la iha transparansia, la balansu ne’e bazeia ba sira nian indikasaun saida. Ne’ebé ha’u hanoin katak, rezultadu analiza ne’e MOE-UE ne’e hanesan ezajeradu oituan karik,” duvida Xefi Redaksaun.

Tuir lolos MOE-UE laiha direitu atu halo avaliasaun ba produtu jornalista nian iha Timor Leste, tamba se maka bele maka Konselho Imprensa Timor nian.

Rezultadu observasaun Misaun Observasaun Eleitoral União Europeia (MOE-UE) nian, hato’o husi  Xefi  observador Internasional UE, Izaskun Bilbao Baranbica liu husi konferensia ba imprensa iha Hotel Timor, Kuarta (22/3/2017) konsidera JN-Diário la imparsial iha publikasaun tamba nostisias kandidatu PR nain 8 ba periodu 2017 – 2022 ne’e tanba  favorese liu ba kandidatu  númeru  dois (2),  Francisco Guterres ‘Lu-Olo’.

“MOE-UE  nia monitorizasaun katak  jornal hotu, hanesan Jornal Nacional Diário, Suara Timor Lorosae,  Timor Post, jeralmente aprezenta  kandidatu nain 8 ne’e ho neutru. Maske nune’e Jonal Nacional Diário (JN-Diário), la imparsial tanba favorese liu ba kandidatu númeru dois (2), Francisco Guterres ‘Lu-Olo’, hodi aloka liu  un tersu husi ninia espasu  ba kandidatu ne’e (37%), tuir kedas António da Conceição (21%) no José Luis Guterres (9%),”deklara  Izaskun Bilbao Barambica.

Lee hotu :   Solidariza povu TL, APF ohin halo asaun pasífika kontra Australia

Izaskum Bilbao haktuir, durante eleisaun ne’e MOE-UE, bele konklui katak liberdade husi kandidatu sira  nomos  liberdade imprensa ne’e hetan garantia. Maibe misaun ne’e nota katak hodi  transfere fali poder  atu halo supervizaun ba mídia husi CNE ba fali Governu la kumpri prinsipiu Internasional nian ne’ebé haktuir katak fiskalizasaun husi parte mídia nian tenki independenti  husi transferensia politika.

Tanba ne’e, Izaskum Bilbao hatete, misaun ne’e  nia  konkluzaun sira husi monitorizasaun mídia nian  hatudu mídia jeralmente halo kobertura ekilibradu durante kampaña. MOE-UE mos nota katak, Televizaun Estadu Radio Televizaun Timor-Leste fo kobertura  ne’ebé mak limitadu tebes iha loron eleisaun, Jornal Nacional Diário no  partikularmente  Radio Maubere nu’udar  propriedade privadu nian inklina hodi a favor kandidatu prezidensial Lu-Olo.

Entertantu  Jornal Suara Timor Lorosae (STL) nomos Jornal Timor Post oferese balansu  ho  espasu ne’ebé mak diak ba kandidatu hotu.

Tuir nia, kuaze média hotu  ladun aprezenta  kontiudu edukasaun  ba votante  ka edukasaun sivika ruma. Hanesan Televizaun Estadu nian bele fo sai episódiu tolu kona ba drama informativu no divertidu  kobre area hirak ne’e, ne’ebé STAE no PNUD produs.

Ne’ebé CNE nu’udar organizasaun supervizaun ba kampaña la foti asaun ruma kona ba kobertura mídia nian ba eleisaun  ne’ebé bele hatete katak tanba  abilidadade  hodi bele superviziona lalaok mídia nian durante periodu eleitoral  ne’ebé la efikaz.

Parte seluk, Prezidenti Comissão Nacional de Eleições (CNE), Alcino de Araujo Barris, hatete, kestaun refere nu’udar problema falhansu kiikoan ne’ebé mosu, no ne’e  sai hanesan lisaun ida ba CNE atu ba oin bele hadia diak liu tan.

“Ida ne’e la’os  buat falhansu bo’ot ida ne’ebé mak ita tenki tauk. Maibe ida ne’e falhansu kiikoan sira ne’ebé mak ami sei aponta nune’e ita bele hadia diak liu tan iha futuru,”dehan Alcino Barris.ola

Add to Comments Here!!!!

error: Content is protected.
Secured By miniOrange
You might also like:
Taur husu ba PR foun hakbesik povu

Prezidenti Republika (PR), Taur Matan Ruak,...

Husu PR eleitu hakuak ema hotu, tau as intrese Nasaun

Sosiedade Sivil iha Timor Leste no...

Horta: “Ha’u prontu apoiu PR foun”

Eis Prezidenti Repúblika (PR), José Ramos...

Close