JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Horta: “Ha’u prontu apoiu PR foun”

Horta: “Ha’u prontu apoiu PR foun”

Eis Prezidenti Repúblika (PR), José Ramos Horta hateten katak, prontu atu fó apoia tomak ba iha Prezidenti Repúblika (PR) foun.

“Ha’u koalia ona ho kandidatura sira hanesan Lu-Olo, José Luis Guterres no António da Conceição ‘Kalohan’, katak sé maka manan konta ho ha’u nia apoiu, ha’u prontu atu apoiu,” hateten eis Prezidenti Repúblika, José Ramos Horta ba Jornalista sira iha Sentru Votasaun Metiaut bainhira atu ba vota, Segunda (20/3/2017).

Diplomata Timoroan ne’e hatutan tan katak, nu’udar sidadaun no hanesan eis Xefi Estadu sente orgullu tebes ho situasaun ne’ebé mak akontese durante eleisaun nian, tanba la’o di’ak tebes.

“Nu’udar eis Xefi Estadu, sidadaun, fundador ba luta iha durante tinan 24 nia laran ha’u kontente lós, tanba eleisaun ba dala tolu ona ba prezidenti hahú kedas iha tinan 2002, 2007, 2012 no agora 2017 hamutuk ba dala hat ona, la’o ho susesu tebes,” afirma Horta.

Lauriadu Nobel da Paz iha tinan 1996 ne’e mós garante katak, iha eleisaun parlamentar mai nafatin la’o di’ak no seguru.

“Ha’u fiar mós eleisaun ba parlamentar mós sei la’o di’ak, ha’u rona no koalia ho lider sira hot-hotu, fó mensajen maka’as ba sira nia membru, apoiantes atu ho komportamentu di’ak,” dehan Nia.

Ramos Horta dehan, Xefi Estadu foun mai, depende povu atu hili sé, Lu-Olo, António da Conceição ‘Kalohan’ no José Luis Guterres, sira nain tolu ne’e koñesidu, kualker na’in tolu ne’e maka sai Prezidenti Repúblika ba ha’u di’ak, sira nain tolu iha esperénsia boot tebes.

Tuir Horta katak, suku metiaut 90% sei vota ba Francisco Guterres Lu-Olo, tanba iha suku refere mesak FRETILIN deit.

Lee hotu :   Deskonfia Ema bo’ot balun hakiak anak emas iha HNGV, HNGV aimoruk laiha, mosu fali iha Klínika

“Ha’u simu informasaun mai husi fatin bar-barak husi fiskais, observador internasional laiha problema, konaba problema tékniku ha’u lahatene, maibé konaba seguransa la’o di’ak, trankuilo, kalma no hakmatek tebes, ha’u fiar partisipasaun eleitoradu aas, no ha’u fiar laiha problemas, rezultadu ita sei rona iha tempu badak,” Ramos Horta esplika.

Xefi suku interinu Metiaut, Mateus Inácio da Costa, hateten katak, eleisaun prezidensiál ne’e importante teb-tebes, maibé la dun hetan partisipasaun husi sidadaun sira inklui estudantes.

“Ha’u hakarak dehan katak, prosesu eleisaun la’o di’ak tebes ema hotu partisipa hodi asegura estabilidade, maibé konaba partisipasaun sidadaun la másimu, li-liu ba estudante sira, tanba sira labele ba vota tuir resensiamentu eleitoral, kestaun orsamentu no mós transporte maka sai hanesan difikuldade ba sira. Estudante laiha osan atu sa’e kareta ba mai tanba ne’e maka sira labele partisipa iha eleisaun,” dehan lideransa komunitario ne’e.

Entretantu, tuir observasaun Jornalista iha terrenu nota katak, prosesu eleisaun iha sentru votasaun Metiaut la’o d’ak no kalma tebes tanba hetan seguransa másimu husi membru Polisia Nasional Timor Leste (PNTL). Sidadaun sira suku Metiaut ho antusiaismu tebes hodi forma iha liña ba vota, maske loron manas, mas sira nafatin iha liña laran.mia

Add to Comments Here!!!!

error: Content is protected.
Secured By miniOrange
You might also like:
Estudante UNTL Greve, harahun kareta rua

Estudantes Universidade Nasional Timor Lorosa’e (UNTL)...

Kandidatu PR Kalohan maka diak liu

Primeira Dama, Isabel Ferreira informa, entre...

Kapital fundu minarai sae ba biliaun $16,26

Relatoriu trimestral ba dala 47 husi...

Close