JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Familia Bo´ot JN-Diario selebra aniversario ba 13 ho misa

Familia Bo´ot JN-Diario selebra aniversario ba 13 ho misa

Familia bo´ot Grupo Media Nasional, Jornal Nacional Diario selebra aniversariu ba dala 13 ho misa agradesimento ne´ebe prezide husi Reitor Seminario Menor Balide, Pe. Angelo Salsinha.

Iha Homilia, Pe.Angelo Salsinha hatete Jornalista hanesan manu nebe semo ba mai nebe ema barak gosta kasa.

” Hanesan jornalista imi semo oras 24 no agora imi semo ona ba dala 13, tanba ne´e imi hatene ona oinsa atu semo hasoru ema kasador sira”, dehan Reitor Seminario Menor Balide Pe.Angelo Salsinha, iha misa agradesimento aniversario JN-Diario, Kuarta (07/03/2018) iha Balide Dili.

Reitor seminario, dehan “imi sente ona oinsa imi semo para iha leten a´as ou oinsa mak imi hasoru kasador sira iha imi nia vida, imi hanesan manu karik ema barak gosta atu kasa imi  tanba hanesan jornalista dezafio barak tebes, maibe agora imi estuda hela oinsa atu sai jornalista ne´ebe diak tanba imi iha Jornal TV no Radio”.

Pe. Angelo Salsinha hatete jornalista sai manu nebe semo ba mai hodi haklaken justisa, domin, paz no ba buat nebe los.

” Imi mak tenke sai kasador ne´ebe diak, sai manu ne´ebe semo hodi haklaken justiça domin no paz no buat ne´ebe los, tanba haklaken buat ne´ebe lalos ema barak mak sei gosta sei koalia no kasa, maibe iha leitura sira dehan oinsa mak ema bele semo ho diak , São Paulo ne´ebe iha esperensia tebes, nia dehan Maromak hamutuk ho ita, tanba ita halo buat ne´ebe diak ema sempre hasoru ita”, dehan  Reitor Seminario Menor Balide.

Pe.Angelo, dehan Maromak fo nia oan ba mate tanba ita hotu, tanba ne´e labele tauk  kuando ita halo buat ne´ebe los, maibe hasoru dezafiu ida ne´e mak ita nia obrigasaun no ita nia kna´ar, sei los mak bele kesar ita ba Maromak, nia ema sei ita halo buat ne´ebe los hakerek no transmite ne´ebe los.

Lee hotu :   Nivio Correia Lebre simu ordenasaun sai Amu lulik

Nunee mos Prezidente Konsellu Administrasaun Grupo Media Nacional, Jorge Serrano hatete JN-Diario ne´ebe halo aniversaio ba dala 13 iha dezafio barak ne´ebe liu ona, tanba hanesan jornalista iha dezafio no ameasas barak.

” Hau hatene katak imi sira ne´e barak liu ona dezafio maibe imi prontu nafatin hamutuk ho hau ita hamutuk iha GMN lor-loron ita haklaken lia los tuir ita nia motto ne´ebe Jornal Nacional Diario iha katak, “ hamutuk haklaken lia los”, ne´ebe hau hanoin ida ne´e faze ida importante, kaer nafatin prinsipiu ida ne´e no sai imparsialidade kredivel”, dehan Prezidente Konsellu Administrasaun GMN,Jorge Serrano.

Funador Grupo Media Nacional nee, haktuir kaermetin motto nebe iha  atu nunee konfiansa ne´ebe Públiku no leitor sira fo ba ita durante tinan 13 ne´e bele metin nafatin, tanba ita hatene katak jornal barak mak moris maibe mate tiha, iha balun diario no balun semanal, tanba ne´e laos fasil desde inisiu to´o iha ne´e, grasa ba Maromak no konfiansa ne´ebe leitores sira fo mai ita.

” Konfiansa ne´ebe povu fo mai ita labele husik monu deit, maibe ita nafatin iha responsabilidade atu hamutuk hodi lori grupo ida ne´e, Jornal Nasional Semanario, Jornal Nasional Diario, GMN-TV , Nasional FM no Multimedia ne´ebe iha, ita metin liu tan atu defende deit interese nasional, tanba ita tau ona naran Grupo Media Nasional ita tenke interese nasional a´as liu interese hotu”, afirma Fundador GMN. Fel

Add to Comments Here!!!!

error: Content is protected.
Secured By miniOrange
You might also like:
Kombate korupsaun, tenki aprova lei anti korupsaun

Primeiru Ministru Mari Alkatiri, hateten, atu...

TR kria seminariu reforsa kapasidade juis hasoru krime trans nasional

Tribunal Rekurso (TR) halo konferensia Governasaun...

MJ konsidera kazu Emilia Pires laos kulpa Justisa TL

Ministra Justisa (MJ), Maria Angela Carrascalão,...

Close