JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EDTL IHA TUSAN US$ 80 MILLOENS

EDTL IHA TUSAN US$ 80 MILLOENS

Servisu Eletrisidade de Timor Leste (EDTL) sei iha tusan hamutuk US$ 80,000,000. Tanba ne’e, Ministru Obras Publikas (MOP), Salvador Soares Pires, promete ona sei resolve tusan ne’e iha loron 100 nia laran.

“Hau hatene katak Ministeriu ne’e iha dividas barak teb-tebes, hanesan iha EDTL iha dividas hanmutuk US$ 80 milhoens. Ne’e seidauk sura ho diresaun jeral sira seluk, tanba hau seidauk konvoka reuniun espesifikamente ho sira, ne’ebe agora ami halo hela enkontru regular hodi identifika pontu sira ne’e,” hateten Ministru Obras Publikas, Salvador Soares Pires ba JNDiario iha nia servisu fatin, Caicoli, Dili, Segunda (02/07/20178).

Salvador Pires garante katak, iha  loron 100 sei rezolve uluk dividas ne’ebe Ministeriu iha, Bens e Servisu no mos salario funsionario publiku nian.

“Kona ba dividas EDTL nian ne’e iha fulan Outubro 2017, devidas ne’e mos mai husi kontratu ne’ebe Governu halo ho kompaña sira hodi fornese gasoel ba geradores no mos manutensaun maka boot liu iha EDTL. Ami foin simu posse ne’ebe servisu ne’ebe ami halo hela maka faze diagnostic ba kondisaun ejistente iha ministeriu, hanesan gastus hira maka atu estabelese, finansas, akuntabilidade, kontratu hirak maka selebra ona, hira mak kompletu no hira maka seidauk no hira maka sei iha dividas,” esplika Salvador S. Pires.

Aliende hare ba dividas ne’ebe Ministeriu iha, sei hare mos reseitas ne’ebe Ministeriu iha, hanesan reseita husi EDTL, no mos diresaun seluk ministério ninian hodi nune’e bele kria mekanismu diak liu tan iha tempu oin mai. Tuir dadus husi EDTL nian katak, iha fulan Janeiro 2018, EDTL hatama reseitas hamutuk US$ 30,000,000 ba kofre Estado.

Lee hotu :   Dom Virgílio: Kuaresma tempu refleksaun mos ba polítiku nain sira

Hadia sistema fornesimentu bee mos

Ministru Obras Publikas (MOP), Salvador S. Pires mos promete durante nia mandatu sei hadia sistema fornesimentu bee mos iha terittorio Timor-Leste li-liu iha kapital Dili.

“Bee mos sai mos prioridade iha loron 100 nia laran hau nia servisu. Kona ba bee mos, ami iha programa boot rua, primeiru maka oinsa asegura katak volume bee mos to’o duni para atu fornese durante tinan halo nia laran, ne’ebe ami hanoin katak tenke halo jestaun ba fonte rekursu bee mos tenke jere ho diak, hanesan iha sidade Dili ami hanoin katak pelu menus 10-15 % area harii varagem, katak tempu udan labele soe udan ben ba hotu tasi, maibe rai hodi tempu bai loron prosesa fali hodi uza. Nune’e mos bee mota sira ne’ebe sulin estraga deit durante tinan tomak, no ligasaun patraun habitasaun ba oin mak integra sistema tratamentu verizidual iha bairo no rezidensia,” hateten Ministru Salvador S. Pires.

Nia aprofunda katak, bee mos nudar planu importante MOP nian, tanba ne’e sei esforsu maka’as hodi kria sistema diak ba fornsementu bee mos ba komunidade.

Bee mos kontinua sai problema boot iha Timor-Leste, aleinde iha área remotas iha mos kapital Dili. Area sira iha  Dili laran ne’ebe sempre sei infrenta problema bee mos maka hanesan, área Taibesi, suku Bekora, Tasi-tolu no seluk tan. mia

Add to Comments Here!!!!

error: Content is protected.
Secured By miniOrange
You might also like:
RAMOS HORTA: PM TAUR SEI ‘ULÚN MORAS’

Laureadu Nobel da Paz 1996 nudar...

Jornal Semanário GMNTV Edisaun 01 Jullu 2018

CCF TUN BA SEGUNDU DIVIZAUN LFA 2018

Cacusan Clube de Futebol (CCF) kandidatu...

Close