JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Udan iha Kinta, sidade Díli hetan inundasaun ■Povu husu Governu hadia bee dalan

Udan iha Kinta, sidade Díli hetan inundasaun ■Povu husu Governu hadia bee dalan

Udan bo’ot ne’ebé akontese iha loron Kinta (17/01), sidade Díli kuaze akontese inundasaun iha fatin-fatin.

Situasaun ida ne’e, la’os foin mak akontese iha tinan ida ne’e, maibé akontese kada tinan, bainhira udan monu rai, maibé Governu seidauk hetan nia solusaun.

Sidadaun sira ne’ebé hela iha kapital Díli mós preokupa  ho situasaun ida ne’e, no ezije ba Governu hodi hadia bee dalan sira iha sidade Díli atu hamenus inundasaun ne’e.

“Nu’udar komunidade bai-bain, hakarak husu ba Governu, liu-liu Ministériu Obras Públikas atu tau importansia ba baleta bee dalan, nune’e udan mai bee halai tuir baleta kuak, tanba  agora ne’e bee halai fali iha estrada laran, afeta movimentu transporte ba mai, alende ne’e bee tama mós komunidade nia uma laran, tanba baleta laiha hodi suli tuir nia dalan, liu-liu iha área Hudi-Laran, Caicoli, Audian no fatin seluk”, hateten  komunidade Rofino Martins  ba GMN iha Hudi-Laran Díli, Kinta (17/01).

Rofino haktuir, Díli hanesan capital nasaun ne’e, tuir lolos labele sabra’ut hanesan ne’e, tanba loron ba loron ema estranjeiru barak mak mai vizita.

“Sidade Díli sabraut los, presiza hadia selae tinan-tinan udan tun, komunidade Kapital Díli bee tama hela de’it, tanba  laiha valeta kuak atu bee sulin tuir nia dalan,  ne’eduni husu ba Governu presiza tau konsiderasaun  hodi resolve”, katak Rofino.

Tuir observasaun GMN iha tertenu  nota katak, fatin ne’ebé akontese inundasaun mak hanesan, Hudi-Laran,  Caicoli, Colmera no Edifísiu Estasaun Eskuadra Polísia Dom-Aleixo nian, hodi fó impaktu ba membru sira atu servisu tanba  bee tama to’o uma laran.

Iha fatin seluk, komunidade Aldeia Metin Un, Suku Bebonuk Postu-Administrativu Don-Aleixo, Munisípiu Díli, Afonso Pereira husu kompanhia Hidayat ne’ebé kaer obra Valeta diresaun Bebonuk atu kontinua halo valeta, nune’e labele akontese inundasaun hodi fó ameasa komunidade iha área refere.

Lee hotu :   PN konkorda reativa GAM ho lei rigorozu ■Tenki organizadu no promove paz

“Ami ezije ba kompañia Hidayat atu kontinua  projetu kee valeta kuak, hodi nune’e bee suli tuir nia dalan, tanba udan bo’ot ne’ebé tu’un iha Kinta, fó ameasas makaas ba komunidade sira nia uma, tanba kompañia kee hotu, la halo paradu hela. Ne’eduni bee halai la tuir nia dalan, tanba bee dalan taka tia fali hodi afeta komunidade nia uma”, hateten Afonso Pereira  ba GMN iha Bebonuk Díli Kinta  (17/01).

Udan boot ne’ebe akontese iha loron Kinta ne’e, halo komunidade Aldea Metin 1 Suku Bebonuk preokupa tebes, tanba mota sobu kintal no lori animal hanesan fahi no manu, tanba kompañia ne’ebé kaer drainajen bee dalan paradu.

Hatán ba preokupasaun ne’e, Manager Kompañia Hidayat Group, Olegário Lopes, hateten,   projetu ne’e sira hapara  provizóriu tanba komunidade hela iha área ne’e la kopera di’ak ho kompañia.

“Tanba husu kompensasaun,  ne’eduni ami parte kompañia mós rekomenda ona ba MOP atu haree”,katak Olegário.aba

Add to Comments Here!!!!

error: Content is protected.
Secured By miniOrange
You might also like:
Husu osan ba la’en, fén han pankada

Tribunal Distrital Díli (TDD), tenki halo...

Mate isin Padre Bona halót iha konventu OFM Manufahi

Padre Bonaventura Immanuel, nu’udar sidadaun Indonézia,...

Impede projetu estrada Ermera-Fatubesi, Lere ho Júlio sei hatún PNTL ho F-FDTL atua

Xefe Estadu  Maior Jeneral FALINTIL Forsa...

Close