JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ARNLV-Governu sei identifika veteranu falsu

ARNLV-Governu sei identifika veteranu falsu

Asosiasaun Rezisténsia Libertasaun Veteranus (ARNLV) sei servisu hamutuk ho Governu hodi identifika veteranus falsu iha Timor-Leste ne’ebé durante ne’e goja osan Estadu.

Prezidenti ARNLV, Eduardo da Costa hateten, ARNLV funda iha loron 19 fulan Janeiru tinan 2018, hodi sai parseiru Governu nian ba dezenvolvimentu nasionál iha área hotu.

“Asosiasaun ne’e funda ho prinsípius no objetivus, responsabilidade, idependenti ou livre husi partidu politikus sra hotu, hodi sai parseira governu nian  ba dezenvolvimentu nasionál iha área hotu, no submete ba iha Sekretáriu Estadu no ministru veteranus  nian, ho instituisaun Governu  ne’ebé relevantes ho programa dezenvolvimentu  nasionál asosiasaun nian ba tinan 4”, dehan Eduardo liu husi konferensia ba  imprensa iha Caicoli Díli,  Sesta (22/02/2019).

Eduardo haktuir, ho programa dezenvolmentu asosiasaun nian mak hanesan, dezenvolvimentu institusionál, verifikasaun dadus veteranus sira nian, no halo sertifikadu ba veteranu sira,  halo sede iha Díli ba veteranu sira, instala asosiasaun veteranu ba Munisípiu to’o Postu Administrativu, Suku Aldeia, hala’o kobertura ba veteranu sira, hodi identifika lo-los veteranu sira.

“Asosiasau ne’e hari tanba demokrásia, tanba ita-nia servisu seidauk hotu, bazea ba maun bo’ot nia lian iha merkadu,  hatete mai ami veteranu sira bolu malu , ne’e duni ami bolu malu, asosiasaun ne’e iha la’os ha’u nian de’it, maibé ne’e ba ema hotu no Timor-oan hotu”, relata Prezidenti ARNLV.

Eduardo esklarese, asosiasaun ne’e hamrik atu haree liu ba ema hirak ne’ebé halo falsikasaun dokumentus veteranus nian.

Tuir Eduardo, ARNLV hamrik atu lori veteran falsu sira ne’e ba hatan iha justisa, tanba realidade hatudu katak, ema sira ne’ebé moris iha tinan 80 to’o 90, simu osan veteranus 8 a 14.

Lee hotu :   Komemora loron 30 Agostu, PN kongratula Povu no veteranu TL

“Lahalo buat ida simu ona oitu katorze, hanesan Prezidenti ha’u hanoin halo inkeritu fali, no latuir hotu-hotu pasa ba tribunal  mak bele desidi sira iha direitu ou la’e. Ha’u bele lori sira ba tribunal, tanba  uluk ha’u halo tiha ona balun ba tribunal, ho nune’e  mak  agora hari asosiasaun ne’e, halo parseiru  ho Governu, li-liu Sekretáriu Estaudu Asuntu Veteranus, para servisu hamutuk,  atu bele lori buat ne’e ba los”, katak Eduardo.oly

 

Add to Comments Here!!!!

error: Content is protected.
Secured By miniOrange
You might also like:
Implementa PNDS, ESTATAL sei aloka orsamentu millaun USD 40 ba Munisípiu 12

Ministériu Administrasaun Estatal, Sesta (22/02/2019), realiza...

MOP husu motorista labele liu husi mota Kasnafar iha tempu udan

Ministru Obras Publikas (MOP), Salvador S....

Igreja sei la hasai komunidade okupa rai ilegal

Komisaun Justisa no Paz Dioceze Díli...

Close