Grupo deskoñesidu estraga uma Adat Tasi-tolu

Grupo deskoñesidu  balun estraga  uma adat  Tasi-tolu,  hodi sobu odomatan plafon no tuda rahun vidru rua.

Responsabel Joaqim Alves Braganca,  hateten,  situasaun ne’e, akontese iha Domingu (12/05) kalan,  hafoin grupu joven deskoñesidu balun hemu tua iha fatin refere.

“Ema grupu deskoñesidu balun iha Kapital Díli hemu tua lanu hodi sobu odomatan, estraga plafon no tuda vidru janela rua rahun,  akontesimentu ne’e akontese iha Domingu kalan, ami hato’o ona ba Polísia eskuadra Dom Aleixo no Dioseze Díli atu toma atensaun, tanba dala barak grupu sira ne’e mai husi bairro seluk, la’os ema hela iha Tasi-tolu”, hateten Joaquim Alves Braganca ba GMN, iha Tasi-tolu Díli (13/05/2019).

Joaquin haktuir, Grupu deskoñesidu  sira ne’e, estraga   tiha uma adat ne’e, sira sunu tan agua no roda aat iha fatin refere.

Ho akontesimentu ne’e,sira husu ba  Dioseze Díli ho Governu atu kordena malu kona ba, oinsa atu halo moru haleu uma adat ne’e, atu ema labele estraga tan.

Iha fatin hanesan, komunidade hela iha área refere, Felix de Jesus, informa, durante ne’e, Dioseze Díli fó fiar ba ema na’in hat ne’ebé hela besik iha área Tasi-tolu hodi vulontáriamente tau matan ba uma Adat refere.

 “Uma adat ida ne’e, tinan barak nia laran ami na’in 4 mak tau matan, dader taka ahi no kalan loke ahi, maibé ema grupu balun mai estraga nafin fatin ne’e, tanba laiha seguransa, no mós moru. Tanba ne’e husu ba Dioseze Díli atu koordena ho Governu atu halo moru hodi haleu fatin ne’e, tanba fatin ida ne’e iha nia istória rasik, tanba iha fulan Outubru tinan 1989, uma adat Tasi-tolu hetan vízita husi Amu Papa João Paulo II, no  mós halo misa iha fatin ne’e”,  katak Felix

Entretantu vízita Amu Papa João Paulo II  nian ne’e, hanesan primeiru vízita mai Timor Leste.aba