JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atletas Taekwondo promete sei hatudu prestasaun diak iha Asian Games 2018

Atletas Taekwondo promete sei hatudu prestasaun diak iha Asian Games 2018

Atleta selesionadu husi modalidade Taekwondo promete sira sei hatudu prestasaun diak iha eventu Asian Games 2018 iha Palembang Indonesia. 

Atleta sira selesionadu promete hafoin tuir kompetisaun selesaun nasional ne’ebé organiza husi Federasaun TaekWondo Timor-Leste (FTTL) iha KONI-Díli, Sesta (06/04) 16:00 otl.

Atleta nasional Taekwondo, Maria Madeira Barros sente kontente no orgulho tanba bele tama iha lista selesaun atletas nasional hodi partisipa eventu Asian Games tinan ne’e.

Nia promete, sei halo esforsu tomak hodi hatudu prestasaun diak nune’e hamorin naran nasaun Timor-Leste iha mundu.

“Hau sente kontente tanba bele hola parte mos iha faze selesaun ne’e e ikus mai hau konsege passa hodi prepara kompete iha eventu Asia Games iha fulan hirak tuir mai. Hau sei kontinua prepara án diak liu tan, atu bele hatudu prestasaun no kompetisaun ne’ebé ho kualidade ba ema estranjeiru, katak ita Timor-Leste mos bele,” Atleta nasional TaekWondo, Maria Madeira Barros.

Maria Madeira Barros dehan, nia parte fiar án atu kompete iha eventu Asian Games ne’ebé sei mai, maibe seidauk bele garante atu okupa iha possisaun melhor.

Entertantu atleta Nilton Corte Real De Jesus Lemos ne’ebé antes ne’e ba kompete ona Sea Games iha Malaizia iha tinan kotuk  hateten, sei halo esforsu maximu hodi hamorin Timor-Leste ba mundu tomak.

“Hau apresia tebes ba federasaun ne’ebé ho hanoin diak loke kompetisaun ne’e hodi kualifika atletas ne’ebé ho kualidade no prestasaun diak ba Asian Games tinan ne’e. Hau hanesan atleta ida ne’ebé selesionadu iha lista Asian Games nian, ne’ebé sei reprezenta rai doben Timor-Leste, sei kontinua esforsu án hodi hatudu performance diak,” Atleta selesaun nasional Taekwondo, Nilton Corte Real De Jesus Lemos.

Lee hotu :   CONTL apresia Atleta Sking Slalom Yohan Goutt Gonçalves

Atleta Maria Madeira Barros sei joga iha klasse feto Under 53 Kg no Nilton Corte Real De Jesus Lemos sei joga iha klasse mane under 58 kg. Ito

Add to Comments Here!!!!

error: Content is protected.
Secured By miniOrange
You might also like:
Atleta Taekwondo nen sei partisipa Asian Games

Federasaun Taekwondo Timor-Leste (FTTL) prepara ona...

Konsumu alkohol no fuma provoka moras TBC

Vise  Ministru  Saúde,  Luis  Lobato ,...

Marsa ba Paz, Povu Baucau promete lakohi tan “ahi suar”

Povu Munisípiu  Baucau promete a´an lakohi ona...

Close