JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KI aprezenta preokupasaun jornalista ba PR

KI aprezenta preokupasaun jornalista ba PR

Konsellu Imprensa (KI) Timor Leste aprezenta ba Prezidenti Repúblika, Francisco Guterres Lú Olo, konaba preokupasaun ne’ebé jornalista sira enfrenta, wainhira halo kobertura ba eventu nasionál no internasionál sira.

Preokupasaun ne’e Konsellu Imprensa hato’o ba Xefi Estadu, relasiona ho akontesimentu balun ne’ebé ikus-ikus ne’e, mosu ba jornalista sira wainhira halo kobertura iha terrenu. Dala barak jornalista sira la hetan espasu ne’ebé di’ak hodi halo kobertura ba eventu nasionál no internasionál.

Prezidenti Konsellu Imprensa Timor-Leste, Virgílio da Silva Guterres hato’o asuntu ne’e, ba jornalista wainhira ho ekipa konvida PR, Francisco Guterres Lú Olo hodi partisipa iha serimonia enseramentu Forum Diálogu Díli ne’ebé sei realiza iha loron 29 fulan Maiu tinan ne’e.

Tuir Virgílio, média sira, liu-liu rádio no televizaun presiza hetan espasu ne’ebé apropriadu ba kobertua atu nune’e bele kapta imajen sira ho di’ak, maibé media sira mós tenki uza fatin tuir regra atu nune’e labele interompe eventu ne’ebé hala’o.

“No seluk tan mak despedida, partida ka chegada ita nia lider sira ne’e importante, tanba sira ba liur lori públiku ga povu Timor nia naran, fila mai sira tenki informa ba povu konaba saida mak sira halo iha liur, entaun informa liuhusi media. Jornalista sira ne’e ba iha ne’ebá hodi rona informasaun saida, husu konaba saida mak ita nia lider sira ne’e halo iha liur durante ne’e, tanba ne’e espasu ba jornalista tenki iha. Agora buat ne’ebé ita media sira presiza haree maka buat ida ordem públika ne’e instituisaun seluk mak kaer, buat ne’ebé ita protesta kuandu espasu ne’e laiha, ne’ebé kuandu espasu iha ita mós tenki uza tuir regra atu nune’e labele interompe,”Virgílio hateten ba jornalista sira hafoin enkontru ho PR, Francisco Guterres Lú Olo, Sesta (16/3) iha Palácio Prezidensial Nicolau Lobato Díli.

Lee hotu :   SEJT la tolera kompañia viola direitu Trabalhador

Virgilio hateten, Prezidenti Repúblika apoia totalmente ba preokupasaun ne’ebé konsellu imprensa sira hato’o no husu atu órgaun kompetente sira bele iha kooperasaun di’ak ho media atu nune’e bele kompleta malu iha ida-idak nia knar.

Sei avalia jornalista

Iha oportunidade ne’e Prezidente KI, Virgilio da Silva Guterres, hatutan, KI sei halo avaliasaun ba jornalista sira ne’ebé simu ona karteira profisional iha tinan kotuk, tanba husi avaliasaun ne’e maka sei extende tan karteira profisional ne’ebé sira simu.

“Ha’u hanoin ami-nia surat KI sai ona, liu-liu ba maluk sira ne’ebé que simu iha momentu ne’ebá (2017), maibé ninia pozisaun la aktual atu deposita, tanba karteira profisional ne’e sé la sala, ninia validasaun ne’e 2 anos, entaun ami sei halo hanesan evaluasaun, tanba sira sei mai halo extensaun,”dehan Virgilio Guterres.

Nia esplika, iha tinan ida ne’e, KI planu hela atu halo tan atribuisaun ba jornalista sira ne’ebé foun, tanba ne’e KI loke ona rezistu ba maluk sira ne’ebé maka hakarak hato’o pedidu atu hetan kartaun karteira profisional.

“Kriteira ba foun ninian ne’e, tuir lei nia tenki estajiu durante fulan 6, fulan 12 ho fulan 18, depende ba sira nia abilitasaun akadémika. Ha’u hanoin ho estajiu ou periode estajiu ne’e ita haree ona ema ne’e iha kualidade ka la’e, hotu tiha sei liu husi ijame, husi ne’e maka bele defini sasukat ema ne’e profisional ka la’e, prontu ona ka la’e atu ba servisu,” dehan prezidente CI.

Entretantu tuir Diretora Jeral Timor Post, Santina da Costa Araujo, hateten, KI tenki update fila-fali karteria profisional ne’ebé fahe tiha ona ba jornalista sira iha tinan kotuk, tanba ema balun simu tiha la halo funsaun jornalista mós hetan hotu karteira profisional.

Lee hotu :   OJE ba PR millaun US$3.5, Barak liu ba viajen estranjeiru

“Iha kolega balun protesta katak labele haree de’it ba kriteria servisu durante tinan 5 de’it, maibé sebenarnya tenki haree mós kualidade ba ema ne’e, tanba ne’e maka iha kolega lubuk ida maka hakarak tuir teste lai maka foun bele hetan kartaun profisional. Tanba ne’e ha’u hanoin sé iha etapa segundu KI tenki haree didiak no update di-diak kona-bá kriteria ne’ebé sira fó no bele rona mós husi média nain ou diretor sira oinsa maka fó hanoin hodi evalua no update fila-fali,” dehan Santina Araujo.

Tuir dadus iha tinan 2017, jornalista ho dedikasaun servisu tinan 5 ba leten de’it mak KI oferese karteira profisional ba jornalista hamutuk 216. Ías/ves

Add to Comments Here!!!!

error: Content is protected.
Secured By miniOrange
You might also like:
City Features GMNTV Eps.06

HABURAS VIDA ESPRITUAL Eps.14

JORNAL NACIONAL GMNTV Loron-15 Fulan-Marsu Tinan-2018

Close