JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BRI loke ona iha TL, Sei fó krétidu ba atividade negósiu

BRI loke ona iha TL, Sei fó krétidu ba atividade negósiu

Bank Rakyat Indonesia (BRI), hahú lansa ona iha Timor-Leste (Díli), Tersa (14/03) ofisialmente lansa iha Timor Leste (TL), atu bele fó atendementu ba kliente sira iha TL.

General Manager BRI Timor-Leste, Budiman Hernandes informa katak, ho prezensa BRI nian fila fali iha TL ne’e sei fó atendementu ba atividade negósiu ki’ik sira, atende ema atu rai osan no mós rai osan poupansa  $1 ba futuru labarik sira nian.

“BRI mai loke iha Timor-Leste ne’e tanba la ses husi istória ne’ebé BRI nia susesu antes Timor-Leste hetan independénsia, nune’e ami espera katak istória ne’e bele repete fila fali tanba Timor-Leste ho Indonesia  iha relasaun emosional ne’ebé mak di’ak tebes no relasaun ne’e labele haluha to’o iha ne’ebé deit”, dehan General Manager BRI Timor-Leste, Budiman Hernandes hafoin lansamentu iha instalasaun BRI nian iha  Colmera, Díli.

Nia esplika liu tan katak, BRI nia prezensa iha TL ne’e, bele lori benefísiu di’ak ba povu iha TL, depois hetan lisensa husi Banco Sentral Timor-Leste.

“Ita espera katak BRI iha Timor-Leste ne’e sei halo operasaun ho buat ne’ebé BRI iha, ne’ebé sei foka liu ba iha atividade simpang pinjam,” hatete Budiman Hernandes.

Budiman Hernandes dehan tan, BRI foin maka lansa, nune’e sei fó atendementu ba maluk Timoroan sira, liu-liu iha atividade negósiu ki’ik sira ne’ebé iha presiza osan fó impresta ho báziku $ 100 to’o $ 20.000 no konaba nia funan depende ba osan ne’ebé foti. Maibé ba emprezáriu bo’ot sira ne’e seidauk, sei fokus liu ba negósiu ki’ik sira ne’ebé iha merkadu sira ne’e.

Budiman dehan tan, ho sira nia lansamentu ne’e sira fó ona serbisu ba Timoroan hamutuk ema tolu nulu resin ida ne’ebé maka oras ne’e dadaun serbisu ona iha BRI, Díli no tuir planu ba oin sei loke diresaun balun iha Díli laran no mós sei to’o iha Munisipiu balun.

Lee hotu :   Besik finadu, Loja Xineza aproveita hasa’e folin aifunan

Ho tan BRI nia ezisténsia iha TL, iha mós iha mós nasaun seluk BRI tama ona hanesan  Amerika, Singapura ho nasaun balun tan.

BRI harii desde iha loron 16 Dezembru 1895 no to’o agora halo ona tinan 126.

Wainhira husu konaba nia mai investe ho osan hira no BCTL fó kategoria negósia ba klase saida, General Manejer ne’e lakohi fó hatene.

Maibé antes ne’e tuir informasaun balun fó sai iha media katak, BRI mai investe iha Timor-Leste no hetan ona lisensa husi BCTL no kategoria ne’ebé banku ne’e hetan iha klase B no osan ba investe ninian $ 4. millioens.

Iha seremonia lansamentu ne’e partisipa mós husi reprezentante Banku Sentral Timor-Leste ninian ho konvidadu balun tan.des

Add to Comments Here!!!!

error: Content is protected.
Secured By miniOrange
You might also like:
Empreza 3A Timor S.A hakarak loke nia sede iha Díli

Empreza foun 3A Timor S.A, oras...

FM tun ba U$ 15 Billioens, Governu tenki gasta osan ho kuidadu

Peskijador Lao Hamutuk (LH), Juvinal Dias,...

KSTL rekomenda salariu mínimu US$ 150

Konfenderasaun Sindikatu  Timor Leste (KSTL) rekomenda...

Close