JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Investe iha jogus Kasino, Hama Tomo ho Double Six seidauk hetan sertifikadu investimentu

Investe iha jogus Kasino, Hama Tomo ho Double Six seidauk hetan sertifikadu investimentu

Hama Tomo husi Japaun ho Double Six husi Indonezia, ne’ebe asina ona kontratu ho Ministru Turismu, Manuel Lito Vong, atu halo investimentu iha jogus Kasino no hotel,  seidauk hetan sertifikadu investimentu husi Serviço de Registo e Verificão Empresarial (SERVER).  

Ministru Turismu, Manuel Lito Vong akompaña husi nia Vise Ministru Rui Menezes, Kinta (25/1/2018), iha Gabineti Ministru Turismu, Farol, Dili, asina akordu invetimentu ho empreza Hama Tomo ho Double Six, ne’ebe hakarak atu halo investimentu iha atividades jogus Kasino ho hotel.

Fontes balun iha Inspesaun do Jogus, Ministeriu Turismu, informa katak, tuir lolos Ministru Manuel Vong ho Vise Rui Menezes, la bele asina akordu ba investimentu jogus Kasino tanba seidauk iha lei ba Kasino no seidauk halo revizaun ba Lei jogus nian.

Fontes ne’e hateten, kompaña Hama Tomo ho Double Six, iha tinan kotuk, tuir hotu konkursu publiku ne’ebe Ministeriu Turismu iha VI Governu loke, maibe Hama Tomo ho nia parseiru Double Six la priense rekejitus tanba osan ne’ebe sira aprezenta provolta deit milhaun 1.5 USD.

Iha lei jogus nian mensiona katak, kompaña ne’ebe bele loke jogus minimu tenke aprezenta osan iha Timor Leste milhões 10 USD ho nia rekejitus propriu ne’ebe legalizadu. Maibe, Hama Tomo ho Double Six la priense total rekejitus sira ne’e.

Fontes ne’e mos klarifika katak, sira nia parte iha Inspesaun do Jogus ‘duvidas’ boot tanba sira seidauk fo pareser ba Ministru Manuel Vong, maibe derepenti deit asina ona akordu ho Hama Tomo no Double Six hodi halo atividades investimentu jogus Kasino nian.

Relasiona ho sertifikadu investimentu husi Hama Tomo ho Double Six nian ne’e, Direktor Exekutivu SERVER, Florêncio Sanches, rekoñese katak, kompaña Hama Tomo ho Doule Six rejistu duni iha SERVER, maibe seda’uk hetan legalidade sertifikadu investimentu hodi hala’o aktividade komersiu ka ekonomia.

Lee hotu :   Sigaru folin sa’e

“Há’u hakarak hatete sai kompaña regista ofisial iha ne’e, maibe infelismente seda’uk hetan sertifikadu investidor,” informa Direktor Exekutivu SERVER, Florêncio Sanches, hodi responde GMN iha nia servisu fatin, Matadoru, Dili, Tersa (31/01/2018).

Kona-ba investimentu Jogus Kasino ne’e rasik, Direktor Exekitvu SERVER ne’e, klarifika katak, Timor Leste seidauk iha Lei kona-ba atividades jogus Kasino no dau-daun ne’e foin mak iha Lei kona-ba jogus slote.

Nia klarifika katak, Lei kona-ba jogus slote ne’e  dehan, Governu nudar regulador loke tiha lai konkursu, ne’ebe mak manan konkursu sei aparezentau hodi publika iha Jornal da Republika.

Direktor SERVER esplika, Kompania Internasional ne’ebe mak atu ezerse komersial iha Timor Leste presija kumpri dekretu lei no. 35/ 2012 iha ratigu 26-27 ne’ebe antes atu loke komersial iha Timor tenke lori dokumentus hotu ne’ebe relevante ho kompaña ba iha notariadu publiku iha pais origin. Nune’e, husi pais origin verifika hotu tiha dokumentus sira ne’e intrega fali ba reprezentante Timor Leste sé la embazador ou konsoladu hodi verifika katak kompaña pais origin ne’e lo’os no dokumentus tenke lori mai iha Timor Leste.

Direktor ne’e reforsa liutan dokumentus sira lori mai la’os atu regista liu kedas lae, tenke lori liu fali INL UNTL hodi tradus ba lian Tetum no Portugeus, nune’e mak foin bele lori dokumentus sira ne’e hotu mai SERVER hodi registu komersial.

Husi ne’e, Florêncio Sanches, esplika katak, kompaña sira ne’e mos tenke aprezenta ninia trabalhador sira, sei seda’uk hetan vistu trabalhu nomeia Timor oan balun ou reprezenta legal balun katak kompaña sira ne’e bele regista sira nia identidade iha Timor Leste.

Lee hotu :   Oscar Lima: Diak liu Governu selu dívida antes Dezembru

Direktor SERVER informa liutan, iha dekretu lei no. 16/2017 artigu 14 dehan kompaña Internasional ne’ebe mai iha Timor Leste la prense rekezitus sira ne’e no hala’o tiha ona aktividades komersial, hetan penalidade selu koema US$ 5,000.

“Ida ne’e mak ita hakarak hatete kompania internasional ne’ebe mak hakarak mai Timor Leste ezerse aktividade komersial tenke regista uluk lai, katak lori dokumentus ne’ebe mak ohin temi ona iha mos dokumentus ne’ebe mak mai husi sosio sira hotu iha rai ne’eba nian,” afirma Florêncio Sanches.

Husi dokumentus sosio sira ne’e deklara katak ida sira prontu ona haruka kompaña internasional ne’e mai, rua sei nomeia Timor oan atu reprezenta sosio sira iha Timor Leste, tolu lori kompaña ba regista iha aktividade komersial ho kapital minimu sinku mil dólar amerikanu.  Hát deklara mos sede prinsipal iha ne’ebe, lima aktividade komersial ekonomi sira.

Husi prinsipal lima ne’e lei haruka hakarek iha rezulusaun antes atu hetan registu no sertifikadu iha SERVER antes hala’o aktividades ekonomi.

Tuir dadus SERVER kompania internasional 80 mak regista, no total empreza komersial ne’ebe regista iha loron 4 Maiu 2013 – 31 Dezembru 2017, hamutuk 20. 777. eus

Add to Comments Here!!!!

error: Content is protected.
Secured By miniOrange
You might also like:
Eleisaun antesipada, Seguransa espesiál ba figura históriku sira

Seguransa ba eleisaun antesipada iha tipu...

Lúcia Lobato sai tan arguida

Eis Ministra Justisa iha kuartu governu,...

JORNAL NACIONAL GMNTV Loron-30 Fulan-Janeiru Tinan-2018

Close