JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ministru Turismu asina akordu investimentu kasino no hotel “Deskunfia iha “favoritismu”

Ministru Turismu asina akordu investimentu kasino no hotel  “Deskunfia iha “favoritismu”

Ministru Turismu, Manuel Lito Vong, Kinta (25/1/2018), asina akordu investimentu kasino no hotel ho kompaña internasional Hama Tomo husi Japaun ho Double Six husi Indonezia.

Akordu ne’ebe asina iha Gabineti Ministeriu Turismu ne’e, Farol, Dili, akompaña mos husi Vise Ministru Turismu, Rui Menezes, Inspektor Geral dos Jogus, Augusto Pereira, inklui Prezidenti Comite 12 Novembru, Grigorio Saldanha.

Akordu ne’e deskunfia iha pratika “favoritismu ou nepotismu”, tanba iha tinan kotuk, kompaña Hama Tomo ne’e fasilita husi ema boot balun ne’ebe agora besik iha Ministeriu Turismu hodi kompete iha konkursu publiku ba investimentu jogus kasino nian, ne’ebe nia rezultadu hatudu katak, Hama Tomo  la priense kriteriu no hetan diskualifikasaun.

Informasaun husi fontes konfirmadu ne’e mos dehan, iha proposal dokumentus Hama Tomo nian iha momentu tuir konkursu publiku (tander), tinan kotuk, ema boot agora besik iha Ministeriu Turismu mak sai hanesan direktor Hama Tomo, maibe la aprovadu. Ho nune’e, iha VII Governu ne’e, ema boot ne’e kaer fali pasta importante iha Ministeriu Turismu hodi fasilita Hama Tomo nia prosesu to’o asina kordu ho Ministru Turismu, Manuel Lito Vong.

Responde ba deskunfiansa ne’e, Ministru Manuel Lito Vong, klarifika katak, nia parte asina duni akordu ida ho investidor Hama Tomo husi

Japaun ho Double Six husi Indonezia, atu halo invesitmentu boot iha area hotel no kasino.

Ministru Turismu Manuel Lito Vong esplika katak, Timor Leste iha lei kona ba jogus kasino ho fundus minimu US$ 10.000,000 no Governu iha kompetensia atu asegura investimentu ho valor boot ne’e atu bele kontirbui ba kresimentu ekonomia rai laran.

“Ita iha lei kona ba kasino, ho fundu minimu US$ 10.000,000  ne’ebe mak ita iha, maibe dala ida tan katak osan ne’e ita tenki asegura iha rai laran tanba ne’e mak asina akordu, maibe osan ne’e ita blokea tiha ona e nia la loke karik osan ne’e la hela ba Estadu,” esplika Ministru Turismu Manuel Vong, ba jornalista sira iha  Hotel Novo Turismo,  Lesidere Dili, Sesta (26/1/2018).

Lee hotu :   CCI-TL REKOMENDA HILI EMA MATENEK BA GOVERNASAUN FOUN

Manuel Vong klarifika mos katak, objetivu husi asina akordu entre nia ho investor jogus kasino husi rai liur ne’e la’os ema ida deit no laos tanba jogus deit, maibe tanba atu   halo mos investimentu iha area seluk hanesan, hotel no seluk tan, nune’e bele fo servisu ba Timor oan sira.

Nia hatutan katak, investimentu ne’e laos iha kasino deit, maibe integradu mos iha area divertimentu, tanba kasino mos hola parte iha divertimentu no investidor hirak ne’e tuir Ministru Manuel Vong katak, sira lori sira nia osan mai iha Timor desde tinan 5 nia laran ona maibe seidauk hetan akordu ho Governu.

Nia dehan tan, investor sira ne’e nia osan mai rai tiha ona iha TL durante tinan 5 nia laran no tuir informasaun katak, to’o iha 31 Janeiru 2018, sira hakarak lori fila sira nia osan ona, se wainhira la hetan akordu ho Governu. Ho nune’e, Governu hakarak asegura atu osan ne’e la bele sai husi Timor Leste.

Tuir Ministru Manuel Vong, investimentu ho osan montante refere nudar investimentu ida ne’ebe mak iha potensial boot ,tanba ne’e nia  ho nia vise Rui Menezes  sei hare’e hodi foti desizaun tanba  invetor hirak ne’ebe dadauk ne’e asina akordu ona  mai kedas ho nia planu ne’ebe diak  no hakarak investe la’os iha  Dili deit, maibe iha mos zona  oriental, osidental ho  sentral.

“Hatudu katak sira hakarak investe laos iha dili deit, maibe ita hakarak mos loke iha parte oriental nian,ba parte osidental nomos sentral,ho nune’e ita nia planu jona turistika tuir planu estratejiku 2030, ita bele asegura duni, ita nia distinu TL hanesan Turistiku nivel mundial nian,” hateten Ministru Manuel Vong.

Lee hotu :   Lere Anan Timur: Labele sura ita nia kontribuisaun luta

Ministru Manuel Vong afirma tan katak, akordu ne’e nia parte halo bazeia ba dekreitu lei numeru  6 bazeia ba jogus, maibe tuir nia presija hadia iha futuru  tanba avolusaun merkadu ne’ebe kada loron sempre iha mudansa. Ola

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-28 Fulan-Novembru Tinan-2018

Hametin demokrasia, PR Lú Olo husu ba povu atu vota fila-fali iha Eleisaun Antesipada

Prezidente Repúblika (PR), Francisco Guterres ‘Lú...

MINISTRU TURISMU VIZITA ÓTEL SIRA IHA DILI

Close