JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MT husu emprezariu jogus investe ba area seluk

MT husu emprezariu jogus investe ba area seluk

Ministru Turizmu (MT), Manuel  Vong,  rekomenda  ba emprezariu jogu sira atu alende hala’o aktividade jogus, bele investe mos ba area seluk, nune’e osan ne’ebé tama labele sai fali ba rai seluk.

Manuel Vong, hateten, jogus nu’udar  parte kiik ida husi industria turístiku nian, tanba ne’e alende  halo negosiu jogus, emprezariu jogu sira tu hala’o negosiu iha area seluk, hanesan Hotelaria no seluk tan nune’e   alende fo benefisiu ba  nain bele fo servisu mos ba Timor oan sira.

“Ita labele uza jogu ne’e halo ema kiak liu tan, lori fali osan husi ne’e ba rai liur ida ne’e mak labele, ita mos lakohi Timor oan sira ne’ebé mak faan sira-nia kanko, faan sira -nia sasan iha Mercado  lori fali sira nia osan ba joga atu hetan sira-nia mehi ne’ebé atu hetan osan boot husi  joga ne’e,”hateten Manuel Vong ba jornalista sira, hafoin enkontru ho emprezariu jogus iha Centro Convenção de Dili, Kinta (25/1/2018).

Alende husu atu kompañia jogu sira investe iha area seluk, Ministru Turismu ne’e mos deklara sei  halo regulamentu nune’e jogu hotu-hotu  hala’o nia aktividade tuir regulamentu ne’ebé mak iha.

“Ita hakarak regula fila fali jogu ne’e ho nia karakter ne’ebé lolos,tuir prinsipiu turismu nian ne’ebé mak  atu halo ema diverte duni, jogu ne’ebé mak iha,”eis Reitor DIT ne’e hateten.

Maske nune’, tuir nia regulamentu ne’ebé halo ba jogu hotu sei iha kategoria hanesan  jogu Casino tuir planu MT nia regulamentu sei halo ketak tanba jogu refere  uza osan boot.

Nia esplika liu tan,objetivu husi  planu kria regulamentu ba jogu hirak ne’e, atu osan hirak ne’ebé  kompañia sira hetan labele rai deit ka sai ba rai liur maibe investe fali iha rai laran.

Lee hotu :   Kompañia Long Ping Agrikultura sei loke fabrika produs hahan no hakiak fahi iha Manatuto

Hatan ba  ne’e, nain ba jogu SDSB, Rudal, Salvador  do Rego  Martins Suryano Henrique alias Mahoka, hateten, nu’udar Timor oan, molok rekomenda husi Governu, nia parte mos halo investimentu ba iha area seluk.

“Rekomendasaun ne’e ami foin simu, maibe nu’udar  Timor oan, molok rekomendasaun ne’e iha, entidade hotu hatene katak ha’u nuu’dar  emprezariu jogu ida ne’ebé la’os foin mak mosu, maibe desde tempu Indonesia kedas, ne’ebé entidade hotu hatene katak alende jogus oras ne’e dadauk ha’u mos iha investimentu seluk hanesan Apartemen no sala enkontru hanesan Delta Nova, tanba ha’u rai ida ne’e nia oan, hetan osan iha rai ida ne’e ha’u mos sei investe mos ba rai ida ne’e,”Mahoka promete.

Partisipa iha primeiru enkontru entre  Governu liu husi MT no emprezariu  jogu hirak ne’e Ministru Turismu, Manuel Vong ho nia Vise Ministru, Rui Menezes, Diretor sira  Ministeriu Turizmu inklui nain ba  kompañia jogu hotu iha Kapital Dili.OIa

Add to Comments Here!!!!

error: Content is protected.
Secured By miniOrange
You might also like:
BOAMP konsidera FRETILIN kari rai henek ba povu nia matan

Xefi bankada PLP, Fidelis Magalhães, hateten,...

PM Alkatiri deskontente ho Edifisiu foun CFP

Primeiru Ministru (PM),  Mari Alkatiri, deskontente...

CNE prontu realiza eleisaun antisipada “Parpol 22 sei konkore

Comissão Nacional de Eleições (CNE) prontu...

Close