Estrada kontinua át tanba laiha estudu ba rai

Primeiru Ministru (PM), Mari Alkatiri, identifika Estrada iha teritoriu Timor laran tomak kontinua át tanba laiha estudu ne’ebe mak klean kona-ba rai no laiha fiskalizasaun kompotente ho kontraktor ne’ebe mak ka’er obra Estrada sira ne’e.

“Tenke iha fiskalizasaun ida kompotente para diskuti ho kontratu sira, tenke halo estudu rua fundamental estudu ba konsisten rai nian geofiziku, geologiku no hydrolik konaba ba bé nian no tenke iha kapasidade halo prozesaun to’o tinan lima nulu ka lae,” hateten Mari Alkatiri hodi responde ba preokupasaun komunidade Covalima, iha surumutu ne’ebe mak hala’o iha Postu Administrasaun Covalima, Sesta (23/02/2018).

Biban ne’e, Xefi Suku Júlo, João Lopes hato’o preokupasaun komunidade sira iha area Julo nian, kona-ba Estrada liga husi Suku Julo ba to’o Bobonaro tanba estrada át hotu.

Mari Alkatiri hatete, sé laliu husi estudu sira, tenke halo pasazen bé nian tenke ho volume ki’ik maibe laos hanesan ne’e, tanba hatene iha kosta sul tempu udan dala rua, hodi nue’e bele identifika volume bé ne’e oinsa tenke liu husi estudu sira ne’e.

Mari Alkatiri fundamenta liutan problema Estrada no bé dalan nian la rezolve didiak abanbainrua Estrada sira ne’e át hotu, tanba bé mak inimigu ba Estrada sira.

Mari dehan alende bé estraga Estrada, bé iha Munisipiu Covalima sai mos problema bo’ot.  “Bé mos sai problema bo’ot la’os deit iha Vila, Covalima tomak, ha’u hatene sira dehan bé ne’e bo’ot tebes, bo’ot tanba sedauk uja tenke halo estudu ida para uja lor-loron uja litru hiraa ka toneladas hiraa para sira bele simu recivu nia sei bo’ot ka maran,” hateten Mari Alkatiri.

Mari Alkatiri hatete, Governu buka ona solusaun no diksuti ho kompaña Shanghay, tanba ne’e luta bé ba povu Munisipiu Covalima la’os deit ba Covalima, tanba programa prioridade primeiru iha setimu Governu nian mak dada Bé mos ba komunidade.

Laos ne’e deit, Mari  Alkatiri dehan, Estrada husu Maliana to’o Bobonaro, laos deit husi Suai Covalima ba’inhira viazen ruin sira bele tohar hotu.

“Uluk ha’u ba Bobonaro ne’e tenke deskansa tanba fresku agora ruin hotu tohar tiha ona ne’e,” dehan Mari Alkatiri. eus