JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ministru Manuel Vong asina kontratu loke kasino, PM Alkatiri suspende kontratu

Ministru Manuel Vong asina kontratu  loke kasino,  PM Alkatiri suspende kontratu

Primeiru Ministru (PM), Mari Alkatiri, suspende total kontratu ne’ebe mak Ministru Turismu, Manuel Lito Vong asina ho kompaña internasional Hama Tomo husi Japaun ho Double Six husi Indonezia, atu halo invetimentu ba atividades jogus kasino ho hotel iha Timor Leste.

Ministru Turismu, Manuel Lito Vong akompaña husi nia Vise Ministru Rui Menezes, Kinta (25/1/2018), iha Gabineti Ministru Turismu nian, Farol, Dili, asina akordu investimentu ho empreza Hama Tomo ho Double Six, ne’ebe atu halo investimentu iha atividades jogus Kasino ho hotel.

Iha Governu anterior, Ministeriu Turismu ne’ebe lidera husi Ministru Francisco Kalbuadi Lay, loke konkursu publiku ba investimentu ne’e, maibe kompaña Hama Tomo ho nia parseiru Double Six, hetan diskualifikasaun tanba la priense kriteria no aprezenta deit kapital invesitmentu milhaun 1.5 USD.

Momentu naba, direktor kompaña Hama Tomo reprezenta husi Timor oan ida ne’ebe agola asume kargu importante besik Ministru Turismu, Manuel Lito Vong. Ho nune’e, deskunfia katak, akordu ne’ebe mak halo hudi Ministru Manuel; Lito Vong ho kompaña Hama Tomo no Double Six ne’e. Deskunfia iha pratika ‘favoritismu’ no ‘nepotismu’.

Ba jornalista sira iha Palacio do Governo, Kuarta lorokraik (31/1/2018), Primeiru Ministru (PM), Mari Alkatiri, deklara katak, nudar Xefe do Governo hola ona medidas hodi suspende total kontratu investimentu kasino.

“Hau suspende ona, hau manda iha ne’e, no Governu ne’e iha xefe ida deit, la’os xefe rua ka tolu. Hau dehan suspende akordu ne’e, tanba hakarak haree lei uluk, tanba saída maka akontese iha Governu ida ne’e tenke tuir lei, suspende signifika mos hapara tiha akordu ne’e,” afirma PM Alkatiri.

Lee hotu :   Governu lansa feira turizmu, hein vizita turizmu Asia 2030

Husi sorin seluk, fontes balun iha Inpesaun do Jogus Ministeriu Turismu, informa antes ona katak, tuir lolos Ministru Manuel Vong ho Vise Rui Menezes, la bele asina akordu ba investimentu jogus Kasino tanba seidauk iha lei ba Kasino no seidauk halo revizaun ba Lei jogus nian.

Fontes ne’e mos klarifika katak, sira nia parte iha Inspesaun do Jogus ‘bingung’ tanba sira seidauk fo pareser ba Ministru Manuel Vong, maibe derepenti deit asina ona akordu ho Hama Tomo no Double Six hodi halo atividades investimentu jogus Kasino nian.

Antes ne’e mos Direktor  Exekutivu Serviço de Registo e Verificão Empresarial (SERVER), Florêncio Sanches, informa katak, kompaña Hama Tomo ho Doule Six rejistu duni iha SERVER, maibe seda’uk hetan legalidade sertifikadu investimentu hodi hala’o aktividade komersiu ka ekonomia.

“Há’u hakarak hatete sai kompaña regista ofisial iha ne’e, maibe infelismente seida’uk hetan sertifikadu investidor,” informa Direktor Exekutivu SERVER, Florêncio Sanches, hodi responde GMN iha nia servisu fatin, Matadoru, Dili, Tersa (31/01/2018). mia

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV MEIO-DIA Loron-31 Fulan-Janeiru Tinan-2018

Funsionáriu públiku SEJT balun iha intensaun fasilita deit nia familía ba serbisu iha Koreia no Australia

“Haburas Vida Espiritual” Eps.7 Hamutuk ho Pe. David Alves da Concieção

Close