JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Alkatiri suspende akordu kasino, Ministru Manuel Vong ‘dezvia’ fali ba sloot machine

PM Alkatiri suspende akordu kasino, Ministru Manuel Vong ‘dezvia’ fali ba sloot machine

Hafoin Primeiru Ministru (PM), Mari Alkatiri, deklara suspende tiha akordu invesitmentu jogus kasino ho hotel ne’ebe mak Ministru Turismu, Manuel Lito Vong, halo ho kompaña internasional Hama Tomo husi Japaun no Double Six husi Indonesia, halo Ministru Manuel Vong dezvia lalais tiha derit hodi deklara katak akordu ne’ebe nia halo la’os kona-ba jogus Kasino, maibe jogus sloot machine.

Fontes importante besik iha Inspektur do Jogus Ministeriu Turismu nian, informa katak, akordu ne’e kona duni ba atividade investimentu jogus intertainamentu Kasino ho hotel nian. Maske nune’e, Ministru Turismu, Manuel Lito Vong, dezvia hodi dehan, akordu ne’e la iha intensaun loke jogus Kasino.

 “Ita la iha kontratu ida kona-ba kasino, kotratu ne’ebe mak selebra ne’e kona-ba sloot machine, toto bola, lotaria, kur-kuru. Ha’u atu dehan ba ita bo’ot sira sé turista mai atu joga deit, di’ak liu lalika mai Timor,” afirma  Ministru Turismo Manuel Lito Vong ba Jornalista sira iha nia knar fatin, Farol – Dili, Kinta (01/02/2018).

Manuel Vong esplika investimentu iha setor privadu ho setor publiku, kona-ba investementu setor publiku ne’e depende ba Orsamentu Jeral Estadu, maibe investimentu setor privadu ne’e osan husi sira nian. Tanba ne’e, Ministru Turismu Manuel Lito Vong dehan, kabe ba kompetensia ministeriu turismo nian ligadu ho aktividade sira ne’ebe mak enterteinamentu parte kikuan ida mak jogu ne’e, no jogu la’os bo’ot liu fali aktividade turistika nian la’e.

Nia friza katak, akordu ne’ebe nia halo ho Hama Tmo ho Double Six tanba kabé ba kompetensia Ministru Turismu nian, tanba importansia husi akordu ne’e kompaña sira tenke investe iha setor turismu,m hanesan hotel, resort ho transporte ninian.

Lee hotu :   IGJ husu SERVE emite lisensa negosiu jogus Fitun Timor Toto

Hatan kona-ba Primeiru Ministru suspende akordu  investimentu jogus Kasino nian ne’e, Ministru  Manuel Lito Vong hatete, Primeiru Ministru atribui kompetensia ba ministru liu husi lei organika VII Governu nian, ne’ebe hatuur kompetensia iha ministeriu turismo nian iha dekretu lei no.37/2017.

“Ha’u nia Xefi mak primeiru ministru senor primeiru ministru atribui kompetensia ba ministru liu husi lei organika setimo Governu nian, ne’ebe hatúr kompetensia iha ministeriu turismo nian iha dekretu lei no.37/2017 kabe kompetensia ministeriu turismu nian mak fo lisensa, fiskaliza, funsionamentu husi intedade ne’ebe dedika an ba jogus rekretivus portantu ba jogu kasino mai la halo,”  klarifika Ministru Turismu Manuel Lito Vong.

Nia aprofunda katak, turismu hanesan aktividade ekonomika entaun merkadu mak determina iha supplay ho demand, iha perkura ho oferta, tanba ne’e tetu buat merkadu ne’e tenke loke para merkadu mak determina.

Nia esplika liu tan, husi perkura ho oferta hasoru malu mak iha presu, presu ne’e determina husi seida kuandu  perkura boot, oferta ki’ik presu pasti sae, no sira ne’ebe mak hakarak loke sloot machine ne’e des miloins, no garante sinku miloins, investe mak lakon sinku miloins ne’e fila ba kofre Estadu.

Kompaña ne’ebe asina akordu ne’e sira ninia osan hotu iha banku mandiri no blokea hotu ona no osan des miloins ne’ebe sira depozita sira la foti, investe tiha lai mak bele foti osan se lakon iha merkadu osan fila ba kofre Estadu.

Maske nune’e, Vice Ministru Turismu Rui Menezes hateten, kona-ba suspende kotratu investedor sira lori osan fila Timor mak lakon no Timor la’os Estadu destinasaun ba investedor, tanba laiha kompotetividade osan kontinua sai ba rai liur.

Lee hotu :   MT husu emprezariu jogus investe ba area seluk

“Se ita dehan suspende ema lori osan fila, ita mak lakon, ne’ebe ita rai ne’e atu dada investor sira iha tenke atertifu la’os birokrasi demais, depois la seguru ba investidor sira,” afirma Rui Menezes.

Informasaun seluk husi fontes besik Inspektor do Jogus mos hateten, akordu ne’e la ajusta lolos ho lei jogus ne’ebe mak Prezidenti Republika promulga ona, tanba Lei jogus hateten momos tenke liu husi konkursu publiku, la’os halo ajudikasuan direita hanesan Ministru ho nia vise halo ho kompaña Hama Tomo no Double Six.

Tuir fontes ne’e katak, erru boot ida mak haksumik subar hela iha akordu ne’e mak kompaña Hama  Tomo ho Double Six ne’e uluk tuir konkursu publiku lori ema balun nia naran hanesan Direktor iha Hama Tomo, ne’ebe nia rezultadu konkursu publiku nian fo sai Hama Tomo la priense kriteria no hetan diskualifikasaun. Maibe, ohin loron pesoal ne’ebe uluk hanesan Direktor Hama Tomo agora kaer pasta importante balun besik Ministru Turismu, Manuel Lito Vong.

Seluk fali, fontes ne’e informa katak, akordu ba jogus ne’e la seidauk hetan pareser husi Inspektur Geral ba Jogus nian. Maske nune’e, GMN tenta konfirma ho Inspektor Geral do Jogus, Augosto Periera, mas to’o agora devia hela deit husi GMN.

Hahuu notisias ne’e publika iha GMN iha semana ne’e nia laran, GMN ba loron tolu tui-tuir malu iha Gabineti Inspektor do Jogus nian iha Bebora, Dili, hahuu husi Tersa to’o Kinta horseik (30/1-1/2/2018), maibe funsionariu sira kontinua informa katak, Inspektur Geral do Jogus, Augosto Pereira, la tama servisu no la iha fatin servisu. eus

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA Hamutuk ho Ministro Ministro Defesa no Segurança ”Agostinho Somotxo”

JORNAL NACIONAL GMNTV Loron-1 Fulan-Febereiru Tinan-2018

Karketu Díli FC husik jogador na’in 7 iha janela tranferénsia ba jogador

Ekipa primeira divizaun Liga Futebol Amadora...

Close