JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

GOVERNU SEI HADIA MERKADU TAIBESI-MANLEUANA

GOVERNU SEI HADIA MERKADU TAIBESI-MANLEUANA

VIII Governu promete sei hadia kondisaun merkadu Taibesi no Manleuana hodi bele muda vendedor sira ba fa’an sira-nia produtu iha merkadu rua ne’e ho dignu.

Vise Ministru ESTATAL,  Abilio José Caetano, hateten,  ema sira ne’ebé mak sei fa’an hela sasan iha estrada ninin no trotoar leten, Governu sei muda hotu ba merkadu rua ne’e.

“Polítika VIII Governu konstitusional, liu husi Ministériu Administrasaun ESTATAL, iha tempu badak nia laran sei muda hotu vendedor sira ne’ebé fa’an iha dalan ninin iha sidade Dili, ba Merkadu Manleuana no Taibesi. Maibé antes atu muda vendedor hirak ne’e, Governu sei kria kondisaun dignu ba vendedor sira iha merkadu Manleuana no Taibesi, atu bele fa’an ho seguru, tanba ne’e Governu sei hadia uma no fasilidade inklui nesesidade sanitáriu, atu nune’e vendedor sira bele hela iha fatin dignu,” hateten Abilio José Caetano ba Jornalista iha Edifisiu Ministériu ESTATAL Caicoli Dili, Tersa (17/07).

Nia hatutan, durante ne’e Guarda Munisipal ho vendedor sira hafuhu malu de’it, tanba ne’e Governu sei prepara fatin atu tempu badak, koordena ho PNTL Munisípiu Dili halo operasaun hodi muda vendador sira ne’ebé mak sei fa’an iha Comoro rotunda, Elemloi, Hudilaran no Foho Osan Mean Audian ba merkadu Manleuana no Taibesi.

Nune’e mós Prezidente Autoridade Munisípiu Dili, Gaspar Soares, hateten, bainhira Governu la muda vendador sira husi estrada ninin, aban bainrua merkadu sei sai mamuk, tanba ema hotu hakarak fa’an iha estrada ninin.

“Alende ne’e sei fó mós impaktu ba movimentu transporte públiku, liu-liu sei kria engrafamentu iha dalan protokolu sira. Tanba ne’e Administrasaun Munisípiu Dili sei koordena ho Komandu PNTL Munisipiu Dili, atu kontrola hodi haree vendador sira ne’ebé hakarak fa’an nafatin iha estrada ninin,”relata Gaspar Soares.aba

Lee hotu :   Telkomsel sei instala fiber optic iha Díli no Oe-Cusse

Add to Comments Here!!!!

error: Content is protected.
Secured By miniOrange
You might also like:
HASORU MALU HO XANANA, MCC HAKARAK HASA’E KRESIMENTU EKONÓMIKU TL

Ajensia Millennium Challenge Corporation (MCC), husi...

APREZENTA PROGRAMA BA PN, AMP HEIN KOMPOZISAUN GOVERNU

Deputadu bankada Partidu Libertasaun Popular (PLP),...

RAMOS HORTA HUSU TAU MATAN BA MÍDIA TL • TRISTE HO SALARIU JORNALISTA SIRA

Eis Prezidente  Republika nudar mos Laureado...

Close