JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

VIII Governu Husu Tan Osan Duodésimu Us$ 140 Milloens

VIII Governu Husu Tan Osan Duodésimu Us$ 140 Milloens

Governu daualu (VIII) lideradu Primeiru Ministru, Taur Matan Ruak, husu tan osan duodésimu ho montante US$ 140 milloens, atu bele antesipa funsionamentu mákina Estadu ba fulan rua nia laran.

Pedidu orsamentu duodésimu ne’e, aprova ona iha Konsellu Ministru ne’ebé hala’o iha loron Kuarta (11/07), no sei aprezenta ba Parlamentu Nasionál iha tempu badak. Portavoz Konsellu Ministru, atual  Ministru Reforma Lejizlativa no Asuntus Parlamentares, Fidelis Magalhães, informa, Governu halo pedidu ne’e hodi halo antisipasaun ba funsionamentu mákina Estadu nian ba fulan rua nian. “Entaun ami husu tan osan ho montante US$ 140 milloens, atu transfere husi fundu petrolíferu ba ita-nia kofre Estadu. Mekanizmu ne’ebé mak ami opta ne’e, liu husi proposta lei ida, ami sei haruka ba Parlamentu Nasional hodi aprova, no ita sei iha promulgasaun atu sai lei ida. Ami la halo tuir dalan ida ne’ebé mak, osan ne’e hatun de’it laiha koñesimentu husi Parlamentu Nasional, ami halo tuir dalan ida ne’ebé mak tuir lei duni. Ami mós halo aprezentasaun kona ba situasaun liquides ka osan Estadu nian, iha fulan agora ho fulan oin. Ami halo diskusaun klean kona ba ida ne’e, no tuir mai iha duni desizaun husi husi konsellu ministrus, pasa liu husi proposta lei ida, ne’ebé mak husu autorizasaun espesial atu bele transfere osan husi ita-nia fundu petrolíferu mai iha ita-nia kofre Estadu,” relata Fidelis,”relata Fidelis Magalhães ba jornalista sira iha Palasiu Governu, hafoin enkontru Konsellu Ministru.

Nia haktuir, dadaun ne’e la segredu ona katak, sei iha hela osan restu duodésimu ho montante US$ 20 milloens iha kofre Estadu. “Bainhira orsamentu Jeral Estadu 2018 ne’e pasa, automatikamente ita transfere ba rejime orsamentu normal nian,”katak Fidelis.

Lee hotu :   Kompañia WUYI loke estrada iha Tasitolu hetan minarai

Nia dehan, iha enkontru konsellu ministru ne’e, la ko’alia kona ba programa VIII Governu nian, tanba tempu ba diskuti ida ne’e sei barak.  “Programa VIII Governu nian agora dadauk ne’e prontu ona, maibé presiza diskusaun tan, ami sei kumpri ami-nia dever ne’ebé tuir konstituisaun haruka,” relata Fidelis. Nia dehan, konstituisaun hatete, Governu iha loron 30 hafoin toma pose, atu aprezenta nia programa. Se ita haree tuir kalendáriu ida ne’e. “ta dehan Governu ida ne’e nia programa loron ikus liu atu tama iha Parlamentu Nasional mak, iha loron 22 fulan Jullu. Ami fiar katak, programa Governu nian sei hetan apoiu husi Parlamentu Nasional, no Governu ida ne’e nia programa sei hetan duni lejitimidade atu lori dezenvolve ita nia rai,”dehan Fidelis.

Fidelis Magalhães mós informa, enkontru Konsellu Ministru ba daruak ne’e, halo aprovasaun ba akta última reuniaun Konsellu Ministru nian ne’ebé hala’o iha semana kotuk. “Ami mós ko’alia kona ba termu mandatu Komisáriu ba Komisaun Anti Korupsaun nian. Ohin (Horseik) Konsellu Ministru deside atu aprezenta fila fali de’it Komisáriu atual, Komisáriu Aderito Tilman ba tan mandatu ida, no nia naran sei lori ba Parlamentu Nasional atu deside,”informa Fidelis Magalhães. Nia haktuir, Governu sei aprezenta lista únika ida ne’e ba Parlamentu Nasional atu konsidera ba mandatu ida tan.cos

Add to Comments Here!!!!

error: Content is protected.
Secured By miniOrange
You might also like:
Xanana-Rogerio subtitui Gastão ho Marcos

Deputadu bankada Partidu Libertasaun Popular (PLP),...

LERE SEI PROPOIN VISE BRIGJEN FOUN BA GOVERNU

Xefe Estadu Maior F-FDTL, Major General,...

MD PRONTU DEZENVOLVE F-FDTL

Ministru Defeza (MD) Governu Konstituisional daualu,...

Close