JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

IMPASE POLÍTIKU AFETA ONA BA NEGOSIANTES KI’IK

IMPASE POLÍTIKU AFETA ONA BA NEGOSIANTES KI’IK

Situasaun politika (impasse politiku) ne’ebe la’o besik fulan 9 nia laran la’os deit afeta ba situasaun politika nasional, maibe komesa daet ona to’o vida ekonomia mikro.  Tanba ne’e, negosioantes ki’ik sira iha merkadu tradisionais hahuu dada iis ona tanba sira nia modo tahan no na’an ne’ebe sira fa’an la folin  ona.

Makina Estadu Timor nian ne’ebe ‘aguenta’ deit orsamentu duodesimu, fo implikasaun maka’as ba vida de kompras iha merkadu tradisionais sira, hanesan merkadu Taibessi, Comoro, Becora ho mos negosiantes ambulante sira ne’ebe fa’an modo ho nesesidades bazikas iha trotoar ka lija ninin Audian, Elemlio, Delto, iha parte Comoro, Kanpung Baru ho mos Tasi Tolu.

Maske ho situasaun ekonomia ida ‘kritiku’ tebes, negosiantes lubun hirak ne’e pasensia deit ho esperansa boot atu ukun nain sir abele ulun malirin resolve lalais ona impasse politiku ne’ebe la fo esperansa diak ba povu ki’ik sira nia vida moris lor-loron.

Ho impasse politiku ne’e, vendadores ou negosiantes sira nia modo ho na’an ne’ebe sira fa’an lor-loron kuaze sai dodok no dois deit, tanba ema ladun hakat ba sosa ona hanesan tinan sira liu ba kotuk.

“Ema la mai sosa ami nia sasan. Tanba ne’e dala ruma ami nia sasan loron ida bele folin maka’as liu mak US$ 5.00. Ami senti triste liu maka modo sira ne’e ema la sosa to’o dodok tiha deit,”  hateten Isabel Soares, negosiante modo  Merkadu Comoro, Dili, Segunda (06/08/2018).

Iha parte seluk, negosiante modo, Merkadu Manleu, Agostinha da C. dos Santos, mos senti triste, tanba komprador sira la dun ba ona sosa sira nia modo ate balun hein deit sosa iha dalan ibun ho kuantidade oituan.

Lee hotu :   MCIA lansa produtu merkadoria

“Ami nia sasan ne’e la folin, li-liu modo tahan ami rai to’o dodok hotu, modo sira ne’e ami sosa tutan fali, ne’ebe kuandu ema la sosa ne’e ami lakon maka’as liu tan,” hateten Agostinha dos Santos.

Koordenador Merkadu Karantina, Comoro, Postu Administrativu Dom Aleixo, Municipiu Dili, Marcos da Cruz, husu Governu kumpri promessa durante kampaña, tanba deklara katak sei lori moris diak ba povu, maibe realidade lakoalia povu nia moris, maibe koalia deit ona mak interesse grupu nian no interese an rasik.

“Kuandu hare ba necessidade baziku povu nia moris deficil teb-tebes, tanba sirkulasaun orsamentu ladun iha, hanesan komunidade fa’an sira nia sasan dala ruma la folin, kompara ho situasaun antes iha tinan hirak liu ba,” hateten Marcos da Cruz.

Nia fo sasin katak, folin fos agora ho antes diferente tebes, tanba antes fos ho kilo 30 folin US$ 14.00 maibe agora sa’e ba US$ 16.50 cent, nune’e mos nesessidade bazika seluk tan.

Negosiante na’an, Merkadu Taibessi, Januario Crispin, hateten, loron-loron sempre fa’an na’an, maibe la folin to’o dala balun na’an tau sai metan fali.

“Ami sempre fa’an na’an karau ou na’an fahi  ne’e lor-loron deit ho kada kilo US$ 7.00, maibe ema ladun mai sosa ona,” hateten Januario Crispin.

 dehan, ukun nain sira sei moris diak hela, tanba sir abele kria situasaun ne’ebe prezodika ba povu ki’ik sira, mas sira fulan-fulan simu osan Estadu nian no goza regalia ne’ebe Estadu oferese ba sira iha sira nia vida tomak to’o sira nia oan ho bei-oan sira. maibe, povu ki’ik mak kontinua halerik no sofre tanba sira husu rasik ba sira nia liman fuan 10.

Lee hotu :   SEJT rekomenda ba VIII Governu tau prioridade ba saláriu mínimu

Francisco da Costa akresenta tan, nia foti inisiativa hodi fa’an nia sasan tuir dalan, tanba tau deit iha merkadu ema la sosa. “Hau hakarak fa’an tuir dalan-dalan, tama uma sai uma, nune’e ema bele sosa, tau deit iha merkadu loron tomak mos sei la folin, se nune’e entaun na’an ne’e rai too is deit. Ita maka tenke buka osan, la’os osan maka buka tuir ita,” espresa Francisco da Costa.

Antes ne’e ekonomista, sociedade politiku, estudante preokupa maka’as ba impasse politiku ne’ebe la’o iha TL, tanba afeta ba povu ki’ik. Mia

Add to Comments Here!!!!

error: Content is protected.
Secured By miniOrange
You might also like:
PDHJ FO HANOIN PNTL KONABA AKORDU NE’EBE ABANDONADU

Provedoria Direitu Humanu no Justisa (PDHJ)...

JULIO HORNAY DEZARMA ELEMENTU PNTL AMEASA SARANI BIDAU

Komandante Jeral PNTL Komisariu Julio Hornay,...

SEMANA NE’E, TR SEI DESIDE PEDIDU PR BA ORSAMENTU US$ MILLAUN 140

Prezidenti Tribunal Rekursu (TR), Deolindo dos...

Close