JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha komunikasaun husi VII Governu, SACOM hapara fornese konbustivel ba sentral elétrika Betano

Laiha komunikasaun husi VII Governu, SACOM hapara fornese konbustivel ba sentral elétrika Betano

Kompaña fornesidor kombustivel ba Sentral Elétrika Betano, SACOM Energy, deside hapara nia atividade fornese kombustivel tanba la iha komunikasaun ho VII Governu Konstitusional.

Prezidenti SACOM Energy & SACOM group, Abilio Araújo, hateten, nia parte deside hapara fornese kombustivel ba Sentral Elektrika Betano, tanba laiha esplikasaun formal husi VII Governu Konstitusional.

Abilio Araújo esklarese katak, nia parte haruka karta ofesial ba eis Primeiru Ministru, Mari Alkatiri ho Ministru Adjuntu ba Primeiru Ministru ba asuntus Governasaun, José Maria dos Reis, kona-ba situasaun ne’e, maibe la iha esplikasaun formal.

“SACOM Energy deside hapara fornese konbustivel ba Betano, tanba laiha informasaun li-liu esplikasaun ofesial husi Governu anterior, maske  hau hakerek ona karta ba eis PM,  Mari Alkatiri momento ne’eba nudar xefi Governu no  Ministru José Reis, ne’ebe halo ami laiha konfiansa hodi nafatin fornese mina,” hateten Abilio Araújo, hodi responde JNDiario via telephone.

Iha Kinta (09/08/2018), Abilio Araújo mos haruka karta ida ba Ministru Obras Publikas, Salvador Pires, hodi husu esplikasaun ofesial ba tusan Governu nian ho SACOM katak Governu selu duni ka lae, no Ministru Salvador responsta ofisial mai ba SACOM hodi esplika difikuldade ne’ebe Estado infrenta, tanba Estado moris deit ho orsamentu duodésimu no kuandu OJE 2018 tau prioridade atu selu.

“Hau rona ida ne’e hau kontenti tebes, tanba hau mos Timoroan ne’ebe hau hatene situasaun politika ne’ebe akontese iha ita nia rain,” hateten Abilio Araújo, Sabadu (11/08/2018).

Ho garantia husi Governu, Abilio Araújo garante sei reativa fali fornesimentu kombustivel ba Sentral Eletrika Betano ho valor litru milloens 3.

SACOM Energy ho Governu estabelese kontratu iha fulan Outubru 2017 no remata iha Abril 2019. No iha kontratu esplika katak, kada fula Governu tenke selu no SACOM iha obrigasaun atu fulan-fulan fornese kombustivel litru milloens 3.

Lee hotu :   X-Rey iha Batugade kontinua avaria

Iha Novembru 2017, SACOM fornese litru milloens 15 ho valor US$ 14 milhoens no Governu selu ona besik US$ 8 miloens, selu hahu husi fulan Outubro to’o Dezembro 2018. Maibe, husi Janeiru to’o Maiu 2018 seidauk selu, maibe kompanhia nafatin fornese konbustivel litru milloens 8 resin ho valor US$ 7 milhoens.

Dadaun ne’e, SACOM prepara ona ro hodi tula konbustivel husi Malayzia mai Timor hodi fornese ba central elektrika Betano ho nia stok hamtul 80 mil toneladas.

antes ne’e, Ministru Obras Publikas, Salvador S. Pires hateten, Kompanhia SACOM deside hapara ona fornesementu konbustivel, tanba Governu laselu. Tanba ne’e Governu deside hapara aktividade Central Elektrika Betano. Nune’e dadaun ne’e Central Elektika Hera maka fornese energia eletricidade ba território TL. mia

Add to Comments Here!!!!

error: Content is protected.
Secured By miniOrange
You might also like:
Hospital Sanglah prolonga fulan ida ba TL selu dívida

Diretor Nacional Apoio Hospitalar e Emergensia...

FRANCISCO KALBUADI : PARTISIPASAUN TL IHA ASIAN GAMES IMPORTANTE

Prezidente Comité Olímpico Navional Timor-Leste, Francisco...

ESTUDANTE ICS 50 OFERTA RAN BA HNGV

Estudante Instituto Ciensia Saude nain lima...

Close