JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2018, bele rekopera ekonomia TL

OJE 2018, bele rekopera ekonomia TL

Ekonomista Timor-oan, João Mendes Gonçalves, garante katak, Orsamentu Jeral Estadu (OJE) tinan fiscal 2018 ho montante billaun US$1.279,6 bele ajuda rekopera ekonomia Timor Leste nian ne’ebe besik tinan moris deit ho orsamentu duodesimu.

“Ho OJE 2018 nian ne’ebe sei kobre deit husi fulan Setembru to’o Dezembru, sei bele halo buat barak, liu-liu rekopera fali ekonomia rai laran ne’ebe monu besik tinan ida nia laran,” hateten João Mendes Gonçalves ba jornalista iha Parlamentu Nasional (PN), Tersa (28/8/2018).

Nia hateten, importansia ba oin mos Governu tenke hahuu prepara ona politika OJE 2019 atu bele asegura liu tan hodi rekopera total ekonomia povu Timor Leste nian. Tanba OJE 2018 ne’e barak liu sei selu deit dividas no la iha alokasaun ba mega projetu foun  Estadu nian, tanba ne’e importante liu mak iha 2019 nian Governu tenke hahu prepara ona.

“Selu dívida ne’ebe ita iha tanba hospital balun iha rai liur lakohi simu tan ita nia ema moras, ne’e problema boot ida ba ita nia povu li-liu sira ne’ebe mak kbiit laek,”  hateten João Gonçalves.

Nia hatutan katak, OJE 2018 importante tebes, tanba Timor-Leste (TL) iha nesesidade boot ba ekonomia rai laran no investidór ida boot liu iha Nasaun ne’e mak Estadu.

“Investimentu públiku mak boot liu, ita nia setór privadu seidauk iha forsa atu bele responde iha situasaun hanesan agora daudaun ne’e, ne’ebe orsamentu ne’e importante tebes para pelu menus iha hahu rekopera uitoan selu ita nia dívida, tanba kompanhia lubuk ida mak hein hela Governu,” hateten João Gonçalves.

Eis Ministru Ekonomia no Dezenvolvimentu ne’e dehan tan hospital balu iha rai liur mos hein hela para Governu selu hodi sira bele kontinua fo asistensia ba timor-oan sira ne’ebe moras ne’ebe mak iha rai laran laiha kondisaun atu bele fo atendimentu.

Lee hotu :   PM Taur: Portu Tibar potensia ba diversifika ekonómika Sudeste Aziátiku

Xefe Unidade Misaun Timor-Leste, Indonézia no Austrália ne’e husu atu iha diskusaun OJE 2018 ne’e fo kontribuisaun ideia ne’ebe pozitivu, krítika ne’ebe konstrutiva para hadi’a. tanba interese nasaun ho povu nian mak as liu, interese hotu-hotu.

Nia husu atu OJE 2018 ne’e tenke aprova duni husi membru PN sira atu bele asegura fali Timor nia ekonomia.

“Iha debate orsamentu hotu-hotu konserteza Governu mai aprezenta, opozisaun sira kestiona, maibe ha’u haree katak iha nesesidade bo’ot ba orsamentu ida ne’e aprova para ita nia ekonomia ne’e atu hahú la’o fali ba oin,” hateten João Gonçalves.

Nia hatutan, preokupasaun opozisaun sira ne’e tenke kestiona para la’o, maibe kestiona ho baze no argumentu ne’ebe solidus iha faktu duni para bele fo informasaun hodi nune’e bele hadia diak liutan.

“Krizi ekonomia sei kontinua nafatin, tanba sei Governu laiha osan nafatin atu halo investimentu publik, ita hotu-hotu hatene ita nia ekonomia ne’e depende makas liu ba investimentu publik, maibe Governu laiha orsamentu, ekonomi ne’e la la’o,” hateten João Gonçalves. mia/eus

Add to Comments Here!!!!

error: Content is protected.
Secured By miniOrange
You might also like:
Projetu laiha kualidade, ADN sei la rekomenda atu selu

Ajensia Dezenvolvimentu Nasional (ADN) garante sei...

AUPTL prontu apoia kompañia fornesimentu kombustivel ba EDTL

Prezidenti Asosiasaun Utentes Portuariu Timor-Leste (AUPTL),...

Governu esforsu ezekuta OJE ho rigor “FRETILIN konsidera OJE laiha balansu”

Primeiru Ministru (PM), Taur Matan Ruak,...

Close