JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aviaun Qatar Airlines sei hala’o operasaun mai Timor-Leste

Aviaun Qatar Airlines sei hala’o operasaun mai Timor-Leste

Autoridade Aviasaun Sivil Timor-Leste hala’o diskusaun ho Estadu Qatar, hodi koalia kona-ba akordu entre Estadu Timor-leste ho Qatar, ne’ebé tuir planu  Estadu rua ne’e sei servisu hamutuk iha área aviasaun nian, nune’e iha futuru bele fasilita aviaun Qatar Airlines hala’o operasaun semo (fligth) husi Qatar mai Timor-Leste.  

Diretor Asuntu Bilateral Ministériu Negosiu Estranjeiru no Kooperasaun (MNEK), Isilio Coelho, hatete, diskusaun ne’ebé Autoridade Aviasaun Sivil halo ho Qatar, ida ne’e deskute kona-ba esbosu tekniku ou servisu aeros ne’ebé Qatar sira aprezenta hodi haree nia kontiudu.

 “ Esbosu tekniku (air service agreement) ga servisu aeros ne’ebé Qatar sira aprezenta hodi ita haree nia kontiudu nune’e ita bele haree no konkorda esbosu ida ne’e k alae hodi sira bele ba aprezenta fila-fali ba sira nia governu Qatar hodi hetan apresiasaun. Ita mos sei submete esbosu refere ba iha Konselhu Ministru, nune’e bele hetan konsiderasaun”, afirma Diretor Asuntu Bilateral MNEK, Isilio Coelho, ba Jornalista sira Tersa (16/07/2019) iha salaun MNEK Pantai Kelapa Díli.

Diretor Asuntu Bilateral MNEK haktuir, akordu refere komplexu nune’e presiza tempu hodi halo konsultasaun ho Ministériu Finansas liu husi servisu Alfândega, Karantina, Ministériu Agrikultura no Peska (MAP) no Ministériu Saúde (MS).

“ Relasaun entre nasaun rua iha relasaun diak tebes, no koalia kona-ba kooperasaun konkretu nível bilateral seidauk barak maibé ita espera ho aproximasaun ida ne’e bele loke dalan mos ba setor sira seluk, tamba ita hatene Qatar  nasaun ida ne’ebé industrilizadu no iha dezenvolvimentu ne’ebé maka’as, entaun ita presiza servisu hamutuk ho sira nune’e bele dezenvolve setor sira ne’ebé ita presiza”,sublinha Isilio Coelho.

Lee hotu :   Governu gasta 280 mil USD ba resiklajen lixu laiha rezultadu

Nune’e mos,Diretor Departamentu Transporte no Aero Mohammed Faleh Al-Hajri hatete, akordu refere iha hela diskusaun ne’e duni parte TL ho Quatar presiza servisu hamutuk nune’e bele haree ba futuru akontese oinsa.

“ Ami iha serteza katak, ba futuru kooperasaun ne’e lao diak mak aviaun husi Qatar sei semo mai Timor-Leste, tamba kooperasaun entre Qatar ho Timor-leste lao diak tebes entaun liu husi akordu ne’e bele fortifika liu tan kooperasaun entre nasaun rua, no ami espera ba futuru kooperasaun entre nasaun rua bele lao diak liu tan,” dehan Diretor Departamentu Transporte no Aero Qatar.

Mohammed Faleh Al-Hajri, afirma durasaun ba akordu laiha limitasaun nune’e bele halo kooperasaun investimentu iha área ekonómia inklui pasajeiru ba Qatar Airlines bele koñese diak liu tan nasaun Qatar, no konaba tikete ida ne’e parte kompaña husi Qatar mak sei determina tamba sira iha presu rasik ba tikete.

“ Route ba flaigth Qatar Airlines, ida ne’e depende ba akordu nia laran tamba agora sei iha diskusaun nian laran, karik fligth Qatar Airlines direita husi Qatar mai Timor-Leste, maibé depende ba diskusaun entre nasaun rua iha akordu ne’e.” Fel

Add to Comments Here!!!!

error: Content is protected.
Secured By miniOrange
You might also like:
Kompañia 20 husi Austrália sei investe iha TL

Diretór Kompañia nain 20 husi Austrálianu...

Xanana Gusmão: Alterasaun lei anterior sei la fó fatin ba ema ida atu joga tun-sa’e ■FRETILIN sei vota kontra konteúdu tomak

Reprezentante espesiál Governu Timor-Leste ba asuntu...

DIA 17/07/19|| GMNTV LIVE STREAM || DADER KMANEK

Close