JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

E-CABINET: Solusaun Telemor nian ba enkontru guvernu nian atu sai efisiente liu

E-CABINET: Solusaun Telemor nian ba enkontru guvernu nian atu sai efisiente liu

Servisu e-cabinet Telemor nian sei tulun atu hamenus tempu médiu enkontru guvernu nian kompara ho maneira tradisionál enkontru hodi hili utilizasaun e-document iha kualker enkontru.

Iha 25/6/2019, Guvernu Vietnámita hahú sistema e-cabinet ba ninia enkontru okazionál. Sistema ne’e dezenvolve no halo manutensaun husi Viettel Group – kompañia inan Telemor nian iha Vietname tuir pedidu husi guvernu Vietname ho produtividade aas, seguransa ba rede no informasaun ne’ebé padronizada.

Tuir Primeiru Ministru Vietname – Sr. Nguyen Xuan Phuc: “objetivu husi sistema ne’e mak atu tulun hodi halo mudansa ba serbisu uza surat tahan ba ambiente eletróniku hodi kria ambiente servisu eletróniku, transparente no efisiénte”. “Ami hakarak atu harii ekonómia no sosiedade dijitál ida ne’ebé susesu nune’e uluk nana’in presiza atu iha e-Governu, no inísiu husi ida-ne’e mak lansamentu e-Cabinet”, tenik nia. “Benefísiu husi e-Cabinet maka la’ós de’it atu poupa tempu ba enkontru maibé mós iha kualidade ba konteúdu ne’ebé prepara ona”.

Tuir komunikadu imprensa ne’ebé Jornal Nacional SEMANÁRIO simu iha Sesta (12/7/19), haktuir, Telemor – Nu’udar subsidiáriu Viettel Group nian iha Timor-Leste, hanesan mós kompañia ICT, koko atu fornese solusaun barak no efisiente liu ba organizasaun sira no ajénsia sira guvernu nian ba sira-nia operasaun loroloron. E-cabinet (Solusaun ida ba enkontru Guvernu nian), E-office (Jestaun Knaar Eskritóriu no sistema kontrolu e-document) no Servisu Video Konferénsia Multi Point nu’udar entre solusaun IT ba Guvernu/Empreza bele presonaliza atu koresponde pedidu espesiál iha Timor-Leste.

Tuir Sr. Tran Van Bang – Direitór Jerál Telemor nian: “Servisu E-Cabinet, E-Office no Video Konferénsia bele konsidera hanesan solusaun últimu ba empreza sira no ajénsia guvernu atu dijitaliza no moderniza sira-nia operasaun loroloron nian ho maneira ida ne’ebé konveniente liu. Ida-ne’e la’ós de’it momderniza no dijitaliza utilizadór sira-nia serbisu, maibé fiar katak, ida-ne’e mós sei poupa liu tempu no kustu ba enkontru no knaar sira seluk nian.

Lee hotu :   TL adapta-an lais tebes ho internet

Daudaun ne’e, sistema hanesan e-cabinet, e-office no video konferénsia uza ona iha nasaun barak hanesan Estónia, Vietname no nasaun sira seluk iha Europa ho objetivu atu moderniza enkontru no serbisu uza surat tahan sai fali serbisu ne’ebé la uza surat tahan iha futuru tanba ho sistema eletrónika bele rai dokumentu iha sistema eletrónika./.

Atu informa ba ita boot sira: E-Cabinet nu’udar instrumentu poderozu ida ba guvernu atu otimiza ninia prosesu halo dezisaun. Iha ninia sentrál, sistema ne’e nu’udar dadus no programadór ho utilizadór ema barak ne’ebé halo informasaun relevante nafatin arumadu no atualizadu iha tempu real, hodi fó ba ministru sira vizaun jerál ida ne’ebé klaru kona-bá kada item tuir diskusaun. Sistema ne’e fiar katak bele tulun hodi hamenus pursentu 30 husi tempu médiu enkontru nian no utilizasaun surat tahan tanba nia apoia guvernu iha knaar loroloron nian, inklui manda e-document, manda SMS, lembrete automátika no funsaun útil sira seluk tan.*

Add to Comments Here!!!!

error: Content is protected.
Secured By miniOrange
You might also like:
Proposta alterasaun lei ba ratifika FM, Komisaun 3 simu ona

Komisaun tolu iha Parlamentu Nasionál (PN),...

DIA 12/07/19|| GMNTV LIVE STREAM || JORNAL NASIONAL KALAN

DIA 12/07/19|| GMNTV LIVE STREAM || DADER KMANEK

Close