JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Provoka situasaun, F-FDTL ho PNTL sei la tolera “Husu povu hakmatek”

Provoka situasaun, F-FDTL ho PNTL sei la tolera “Husu povu hakmatek”

Chefe Estadu Maior FALINTIL-Forsa Defeza Timor Leste (F-FDTL) Major General Lere Anan Timur, afirma, ema sé deit maka provoka situasaun rai laran hodi kria instabilidade, F-FDTL ho PNTL sei la tolera kualker aktu, tanba ne’e apela ba povu tomak atu hakmatek, no labele provoka situasaun.

“Ita rona ita nia munisípius mós situasaun apesar de hakmatek, maibé la normal, tanba ida ne’e maka ami nain rua (2) nu’udar elementu ne’ebé garante seguransa no estabilidade, kaer lei no orden iha nasaun ida ne’e, apela ba Timoroan hotu-hotu atu tuur hakmatek, husik situasaun la’o hanesan agora dau-dauk, lakoi ema ida, seja quem for bele bo’ot ka kiik, lider ka la lider, ita lakoi para estraga situasaun,” Chefe Estadu Maior General F-FDTL, Major General Lere Anan Timur, akompanha Komandante Jeral Polisia Nasional Timor-Leste (PNTL) Komisariu Júlio Da Costa Hornay, ba jornalista sira liu husi konferensia imprensa ne’ebé hala’o iha Palasiu Prezidensial, Bairo Píte, Díli, Sesta-feira (20/10/2017), relasiona ho tensaun polítika ne’ebé mosu iha uma fukun Parlamentu Nasional (PN) horibainrua (19/10/2017).

Nia esplika katak, Prezidente Repúblika (PR) bolu sira ba Palasiu Prezidensial, tanba PR nu’udar Komandante Supremo das forsas armadas, atu tau matan ba situasaun atual iha Timor-Leste.

“Ita hotu hatene loron hira liu ba, ita nia nai ulun sira liu-liu deputadu iha uma fukun PN sira koalia kona-bá destinu nasaun no povu nian ne’e iha tensaun uitoan, ita hotu-hotu hatene katak ita nia nasaun sai naran iha mundu, tanba ita nia maluk rihun ba rihun fakar sira nia ran, so’e sira nia isin no sira ne’ebé maka mate restu sei hamutuk ho ita,” afirma Lere Anan Timur.

Lee hotu :   PR husu F-FDTL-PNTL tenki servisu neutru ''Lere: Povu agora tauk''

Nia akresenta, situasaun horibainrua (19/10) iha PN halo povu tauk, ne’e lider sira maka sabraut no hakarak estraga situasaun, tanbahoribainrua husi tuku 7 ba tuku 8 estrada mamuk no horiseik (20/10) mós movimentu ema, kareta no motor la’o la hanesan bai-bain ona.

“Nune’e hahú ohin (horiseik-red) ba oin sé maka provoka situasaun forsa armada no PNTL sei toma desizaun no toma medida ne’ebé todan, kuandu ami haruka ami nia soldadu hamriik fó seguransa la haree ba oin, o bo’ot ka ministru ou deputadu PN, ami sei la haree ninia oin, maibé haree ba krimi ne’ebé o komete,” haktuir Xefi Estadu Maior F-FDTL, Major Jeneral Lere Anan Timur. Ves

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-20 Fulan-Outubro Tinan-2017

Procissão komemorasaun tinan 100 loron apariasaun 13 Outubro 1917

GRANDE ENTREVISTA Hamutuk ho Prezidente komisaun Funsaun Públika Prof.DR. Faustino Cardoso Gomes

Close