JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KAK rekola dadus ba desizaun loke jogus •IGJ husu SERVE fo lisensa negosiu jogu ba Manhattan

KAK rekola dadus ba desizaun loke jogus  •IGJ husu SERVE fo lisensa negosiu jogu ba Manhattan

Komisaun Anti Korrupsaun (KAK) hahuu rekola dadus ba desizaun Ministru Turismu, Manuel Vong ho Vise Ministru Rui Menezes, ne’ebe ‘emite’ lisensa ba atividades jogus  slot machine ho lotaria, foin lalais ne’e.

Komisariu KAK, Aderito Tilman hateten, dau-daun ne’e KAK halo hela averiguasaun (buka hatene) no analiza hela dokumentus balun atu bele komprova desizaun loke jogus ne’e iha tendensia sira krime ka lae.

“Ami seidauk halo investigasaun, ami sei buka hetene no dekola hela dadus, katak iha indisius maka foin loke investigasaun tuir kodigu prosesu penal haruka,” informa Komisario KAK, Aderito Tilman, hodi responde jornalista iha Palacio do Governo, hafoin hasoru malu ho Primeiru Ministru (PM), Mari Alkatiri, Kuarta (21/02/2018).

Iha loron 1 fulan Fevereiru 2018, Ministru Turismu, Manuel Vong, hasai despaixu legaliza atividades jogus 5, kompostu husi jogus lotaria popular rua (2) no Slot Machine tolu (3). Kompaña 5 ne’ebe mak hetan lisensa liu husi despaixu Ministru Manuel Vong nian ne’e mak hanesan kompaña DREAM ENTERTEIMENT GROUP,S.A, hodi loke jogus lotaria (SDSB/Sumbangan Dana Sosial Berhadiah), FITUN TOTO TIMOR, LDA (Lotaria), ILIMANO HOLDING, S.A (Slot Machine), HAMATOMO RAKUUN, S.A (Slot Machine), Manhattan Timor Group (MTG) HOLDING, S.A mos loke atividades jogus Slot Machine.

Maske nune’e, Primeiru Ministru (PM), Mari Alkatiri, suspende kedas desizaun Ministru Manuel Vong nian ne’e, tanba atividades jogus sira ne’e la tuir lei no presiza haree didiak lei jogus nian molok fo lisensa ba loke tan atividades jogus lotaria ho slot machine.

Husi sorin seluk, iha loron 19 Fevereiru 2018,  Inpektor Geral do Jogos (IGJ), Augusto Pereira, haruka hikas karta rua (2) ba Director  Servisu de Registo e Verificação Empresarial Instituto Publico (SERVE-IP), Floréncio Sanches, hodi husu rekomendasaun ba SERVE atu hasai lisensa ba empreza Manhattan Timor Group Holding, S.A, Lda, ho empreza Fitun Timor Toto, Lda, ba atividades negosiu jogus nian.

Lee hotu :   Problema Kompañia JYL Constuction rezolvidu

Tuir despaixu ne’ebe hasai husi Ministru Turismu, Manuel Vong, iha loron 1 fulan Fevereiru 2018, lejitima empreza Manhattan Timor Group (MTG) HOLDING, S.A, loke atividade jogus slot machine no Fitun Timor Toto, Lda, loke jogu Lotaria (SDSB/Sumbangan Dana Sosial Berhadiah).

Karta IGJ nian ho numeru office 35/IGJ-MT/II/2018, ne’ebe diriji ba Direktor SERVE, Floréncio Sanches,  esplika katak, atu asegura cumprimento ba legalizasaun ne’ebe regula kona-ba lisensa de negosius ba atividades jogus, Inspektor Geral do Jogos (IGJ) mai rekomenda, bazeia ba Decreto do Governo  No.10/2008. De 11 de Junho, artigu 2, kona-ba atibuisoens/kompetnesias IGJ nian, katak empreza ne’ebe hetan ona aprovasaun husi Ministeriu Turismu (MT), bazeia comprimento kriterius ne’ebe estabelese. Nune’e, Inpektor Geral do Jogos mai rekomenda ba SERVE, bele hasai lisensa de negisiu ba empreza “Mabhattab Group Holding SA, Lda” atu halo atividade jogu  slot machine.

Iha loron hanesan mos, Inpektor Geral do Jogos (IGJ), Augosto Pereira, haruka mos karta ho numeru 29/IGJ-MT/II/2018, ba Direktor SERVE, Florécio Sanches, hodi husu rekomendasaun atu emite (hasai) lisensa negosiu ba jogu Fitun Timor Toto,Lda.

Karta IGJ nian ne’e klarifika mos katak, atu asegura comprimento legislasaun ner’ebe regula kona-ba emissaun (hasai) lisensa negosius ba aktividade jogus, IGT mai rekomenda bazeia ba Decreto do Governo No.10/2008 de 11 de Junho, artigu 2, kona-ba atibuisoens/kompetnesias IGJ nian, katak empreza “Fitun Timor Toto,Lda” ne’ebe hetan ona aprovasaun husi Ministeriu Turismu (MT).  Bazeia ba   comprimento ne’ebe estabelese. Nune’e, IGJ mai rekomenda ba SERVE, bele emite (fo) lisensa de negosiu ba empreza “Fitun Timor Toto, Lda” atu halo aktividades jogus.  Karta rekomendasoens rua (2) ne’ebe haruka ba SERVE ne’e asina direitamente husi Inspektor Geral do Jogos, Agusto Pereira.

Lee hotu :   Membru KPK deskonfia hurlele komunidade ida to’o suku pontu haat

Relasiona karta rekomendasaun IGJ nian ba SERVE ne’e, GMN ba halo  konfirmasaun ho parte IGJ atu bele fo klarifikasaun, maibe Inspektur Geral dos Jogus, Augostu Pereira, lá fo komentariu. mia

Add to Comments Here!!!!

error: Content is protected.
Secured By miniOrange
You might also like:
Lista kandidatura AMP, mantein ho deputadu 35 iha PN “Logo boña mean aprovadu”

Prezidenti Partidu CNRT, Kay Rala Xanana...

JORNAL NACIONAL GMNTV MEIO-DIA Loron-22 Fulan-Fevereiru Tinan-2018

Governu gasta 280 mil USD ba resiklajen lixu laiha rezultadu

Governu liu husi Ministério  Comercio Industria...

Close