JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: “Xanana ita hotu nian”

Lere: “Xanana ita hotu nian”

Jerasaun foun labele fahe líder istóriku

Xefi Estadu Maior Falintil-Força Defeza Timor Leste (F-FDTL), Major Jeneral Lere Anan Timur konsidera, líder karismátiku Kay Rala Xanana Gusmão ne’ebé agora dadaun assume, knar prinsipál hanesan Xefi Negosiadór ba Fronteira Marítima líder nasionál no patrimónia Timoroan hotu nian.

Tanba ne’e tuir Major General Lere Anan Timur, lideransa partidu sira labele privatiza xefi negosiador fronteira maritima nia naran hodi halo propaganda politika.

“Partidu partidariza tiha Fronteira Marítima ne’e moe laiha, ne’e oportunista. Uluk ami funu ne’e la’os atu ba ami nia-an de’it. Sé ami mós hakarak ida ne’e karik, ema ida lebele tur iha governu ne’ebá, husik ami sira mai husi ai-laran de’it, maibé tanba ami beikten, la hatene hakerek surat, komputadór mós lahatene book, ne’e mak fó fatin ba sira ne’e. Fronteira Marítima ne’e povu Timor ninian. Xanana Komandante em Xefi Forsa Armada Falintil ninian, agora ita nia lider nasionál, iha mundu ne’e agora hela de’it mak nia, Nelson Mandela mate tiha ona no Fidel Castro mós hanesan, hela de’it mak Xanana. Ne’e mak ita tenki respeita no lalika privatiza Xanana hanesan ninian, Xanana ita hotu nian”, Xefi Estadu Maior F-FDTL, Major Jeneral Lere Anan Timur hato’o asuntu ne’e wainhira termina enkontru ho Prezidenti Repúblika (PR), Francisco Guterres Lú Olo, iha Palácio Presidensial Nicolau Lobato Díli, Kuarta (21/2).

Entretantu tuir ajenda iha loron 6 fulan Marsu Timor-Leste no Australia sei asina akordu Fronteira Marítima hodi defini ho loloos ona Fronteira Marítima entre nasaun rua.

Jerasaun foun labele fahe líder istóriku

Iha okazisaun ne’e Lere mós husu ba jerasaun foun sira atu labele fahe líder istóriku sira iha frente interna no frente esterna ne’ebé fó ona kontribuisaun maka’as no sakrifísiu ba Timor nia ukun-an.

Lee hotu :   Kazu Camea, PNTL husu vítima hato’o keisa

Tanba tuir Lere, frente rua ne’e iha unidade hodi servisu hamutuk mak ohin loron TL bele alkansa nia independénsia.

Lere konsidera, jerasaun foun ne’ebé mak iha hanoin hakarak atu fahe líder istóriku sira iha frente rua ne’e hanesan ema ne’ebé la hatene istória.

Ita hotu hatene katak ita nia líder istóriku sira ne’ebé uluk servisu hamutuk hanesan, Frente Esterna no Interna, sira tau esforsu no matenek hamutuk mak ohin loron, ita sai nasaun ida soberanu. Ohin loron ita haree kuaze jerasaun foun hakarak fahe líder istóriku sira ne’e, tanba balun konsidera ida ne’e mak di’ak liu du ke ida seluk. Laiha frente esterna, frente interna mós labele halo buatida, nune’e laiha Frente Interna, Frente Esterna mós labele halo buatida. Ne’e mak ha’u hanoin katak jerasaun foun lalika fahe ita nia líder sira ne’e, maibé halo oinsa para lori sira tenki hamutuk hodi ukun nasaun ida ne’e. Tanba ne’e husu ba ita nia maun Xanana, maun Ramos Horta, Maun Mari, Taur sira tenki iha konsensu atu halo oinsa para prosesu ne’e la’o ba oin, para Timor ne’e bele moris iha estabilidade nia laran no progresu”, hateten Xefi Estadu Maior F-FDTL, Major Jeneral Lere Anan Timur.ías

Add to Comments Here!!!!

error: Content is protected.
Secured By miniOrange
You might also like:
PN hala’o plenaria kuandu iha asuntu nesesariu

Prezidente Parlamentu Nasional (PN), Aniceto Guterres,...

Falta fasilidades la impede serbisu PNTL Bobonaro

Maske fasilidades atu asegura serbisu operasional...

X-Rey iha Batugade kontinua avaria

Makina X-Rey boot ne’ebe lokaliza iha...

Close