JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu kontentor 9, PNTL buka tuir autor prinsipal

Kazu kontentor 9, PNTL buka tuir autor prinsipal

Polísia Nasionál Timor-Leste (PNTL),   prontu  buka tuir autor  prinsipal ba kazu kontentor  9  ho inisial MK, sidadaun Indonesia, ne’ebé  diskonfia halai husi Timor-Leste, iha loron hirak liu ba.

“Nia  atu halai  ba  ne´ebé lei  ne´e iha, kecuali  nia atu halai sae ba lalehan ita labele  persege, maibe desde que  iha mundu  ne´e  ita sei persege,“esplika Komandante  Jeral PNTL Komisariu Julio Hornay, ba  jornalista sira  Kinta (08/03/18) iha Kuartel Jeral PNTL Díli.

Julio Hornay dehan, imi jornalista hatene  ona  kona-ba kazu  sidadaun  Indonesia   ne´e halai sai  husi  Timor, tansa mak  husu tan pergunta.

Antes ne´e, Sosiedade Sivil  konsidera autor ka nain kontentor sia husi sidadaun Indonesia   ho inisial MK, halai sai  husi Timor-Leste,   tanba frakeza husi sistema  justisa.

“Ha´u  hanoin se ida  ne´e akontese duni, dala ida tan kecolongan ida ba ita nia sistema justisa, intensaun  ka la intensaun ita husik koak  leet atu husik fatin ba ema  ne´ebé  mak  iha prosesu investigasaun sei la´o hela,  bele sai fasilmente husi  prosesu  ne´ebé mak sira hatan,“Diretor Judisiariu Sistem Monitoring Program (JSMP), Luis De  Oliveira Sampaio, ba GMN, Kuarta (07/03/18), iha nia servisu fatin Colmera Díli

Alende  ne´e  Vise Diretor HAK, Sisto  Dos Santos hateten, kuandu  autor  prinsipal husi kontentor sia ne´e  mak halai sai  husi Timor-Leste,  ne´e  dejastre ida.

Dejastre  ne´e la´os foin mak akontese, maibe  ne´e ba dala rua ka tolu  ona, tanba  iha indikasaun mai  husi Ministériu Públiku katak,  iha ema balun konsege  fasilita kontentor  ne´e mai  iha Timor.

“Entaun ami rekomenda, autor ne´e sai  iha sa loron departementu Imigrasaun hatene ida ne´e ka lae, ka nia sai  ho ilegal, entaun  importante ba  ita atu investiga  hodi haklean tan  ita nia informasaun balun, nune´e bele komesa komunika ona ba Internasional Polísia, tanba  ema sira ne´e la´os komete kazu iha Timor-Leste, maibe komete krimi ba nasaun sira ne´ebé la autoriza hahalok ida  hanesan ne´e,“dehan Sisto Dos Santos.

Iha parte seluk Adjuntu Diretor Fundasaun Mahein, João Almeida hateten,  se Tribunal aplika Termu Identidade Rejidensia ba autor sira ténki identifika autor sira nia hela fatin, atu nune´e hafasil   kontrola ba ema sira ne´e.

Lee hotu :   UPF prende mina ilegal 26 toneledas

Nia hatutan,  kazu  sidadaun Indonesia halai  ona  husi Timor-Leste, la´os foin akontese, maibe akontese ona ba kazu eis Ministra Finansas Emília Pires no kazu Tiago-Guerra-ho-chan-fong-fong nian.

Entretantu suspeitu ka  nain   husi kontentor  9  ne´e,  Unidade Polísia Marítima (UPM) kaer  iha loron 23 fulan Janeiro tinan 2018, iha Portu Díli,    wainhira sobu hela kontetor atu tula ba ro ai Berkat Selayang atu ba Indonesia.

UPM  prende  kontentor 9  ne´e, tanba diskonfia   aimoruk Paracetamol  Caffeine Carisopodrol (PCC), hanesan material prima bele produs ba droga.

Tanba  ne´e iha  loron  27/01/18, Servisu Investigasaun Kriminal submete  ba  primeiru interogatori,  iha Tribunal  Distrital Díli, aplika  Termu Identidade Rezidensia (TIR) no Aprezentasaun periodika  ba suspeitu Nain Tolu  ne’ebe hatama kontentor 9 diskonfia ho materia Prima Droga.

Tribunal aplika medida koasaun TIR ho aprezentasaun periodika ba suspeitu nain tolu ho inisail H  MK no JP tanba krime tolu ne’ebe Ministeriu Publikua akuza la priense kriteria

Krime Tolu ne´e mak hanesan brankamentu kapital  asosiasaun kriminozu no kombate trafiku droga.avi

Add to Comments Here!!!!

error: Content is protected.
Secured By miniOrange
You might also like:
Bankada 3 avansa ho destituisaun ◄Aniceto konsidera AMP ilegal

Bankada tolu (CNRT, PLP no KHUNTO)...

Australia oferese embarkasaun rua ba VII governu

Governu Australia oferese ona embarkasaun rua...

Horta-PR fahe opiniaun fó indultu ba dadur

Antes tama ba komemorasaun loron nasional...

Close