JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lansamentu uniforme ba espoza PNTL Aileu

Lansamentu uniforme ba espoza PNTL Aileu

Reprezentante Komandante  Jeral Polísia Nasionál Timor-Leste (PNTL), Superintendente Arquimeno Ramos, hala’o lansamentu traje internu hanesan uniforme ka ropa ba feminino no espoza PNTL Munisípiu Aileu, atu uza iha seremonia ruma iha Munisípiu laran.

Tipu traje ne´e mak hanesan faru azul no saia hanesan uza tais feto. Seremonia lansamentu traje ne´e hala’o iha salaun Timor Klaran  Munisípiu Aileu Vila, Kuarta (21/03/18),  husi reprezentante Komandante Jeral PNTL Superintendente Arquimeno Ramos, reprezentante Sekretariu Estadu  Igualdade Jéneru, Maria Filomena Babo Martins, Autoridade Munisípiu Aileu no parseiru PNTL, hanesan Timor-Leste Police Development Programa (TLPDP).

“Ohin (Horiseik) lansamentu ba traje tradisional feminino PNTL Aileu no mos espoza PNTL Aileu,  ne´e traje tradisional hanesan uniforme ida para oinsa sira partisipa sira-nia loron PNTL ne´ebé mak sei komemora loron 27 Marsu agora,“esplika Komandante PNTL Munisípiu Aileu Superintendente Damião da Silva Correia, ba  jornalista, Kuarta (21/03/18), iha salaun Timor Klaran Munisípiu Aileu Vila.

Kria traje ne´e inisiativa husi  feminino  PNTL  sira no espoza PNTL hotu hodi tau osan kada ema US$ 85. 00 hodi suku kontratu Kompañia Bambu Kuning hodi suku traje ne´e.

Tuir Damião da Silva Correia, katak, tinan 10 liu ba kuandu selebra loron PNTL  nian, espoza PNTL nunka mais partisipa. Ho razaun ida  ne´e mak sira aprezenta.

“Entaun ha´u fó hanoin ba sira atu uza ropa ruma bele hatais, tanba  ne´e mak sira konsege realiza duni traje tradisional  internu ba iha Komando PNTL Munisípiu Aileu,“dehan Damião da Silva Correia.

Nia hatutan, traje la´os atu uza partisipa iha eventu  nasionál no internasional, maibe  sei  uza  espesial de´it ba aktividade iha sira iha Munisípiu Aileu, liu-liu 28 Novembru, oinsa ema bele koñese espoza sira katak,  Polísia nia espoza mak tur iha ne´eba.

Lee hotu :   La entrega kareta Prado, Arão Noe: PN sei prosesa ba Tribunal

Iha parte seluk    Reprezentante Komandante Jeral PNTL, Superintendente Arquimeno Ramos, agradese no parabens ba inisiativa Komando PNTL Munisípiu Aileu, hodi halibur espoza PNTL sira, tanba espoza sira mak apoiu servisu Polísia nian.

“Dala barak ema dehan sira sai hanesan asesor iha uma no sira apoiu misaun Polísia nian susesu,“dehan Arquimeno Ramos.

Partisipa iha seremonia ne´e reprezentante  Sekretaria Estadu  Igualdade Jéneru, Maria  Filomena Babo Martins,  parseiru PNTL husi Australia, autoridade Munisípiu Aileu.avi

Add to Comments Here!!!!

error: Content is protected.
Secured By miniOrange
You might also like:
Forsa Reinu Unidus ho F-FDTL vizita GMN

Forsa Reinu Unidus ne’ebe lidara husi...

Tolok lider históriku, Lere konsidera Timor nia kultura lakon ona

Xefi Estadu Maior das F-FDTL, Major...

EA momentu oportunu ba Xanana, Taur-Naimori ■Taur rekomenda halibur arte marsiais

Portavoz Aliansa Mudansa ba Progresu (AMP)...

Close