JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere apela ba militante PARPOL sira labele ameasa malu

Lere apela ba militante PARPOL sira labele ameasa malu

Xefi Estadu Maior F-FDTL, Major Jeneral Lere Anan Timur, apela ba militante sira Partidu Polítiku (PARPOL) sira, atu labele ameasa malu hodi hamosu konflitu durante periodu kampaiña no Eleisaun Antesipada (EA).

“Ita lebele ameasa malu, tanba kuandu ameasa malu ne’e ran nakali ita bele responde malu. Iha Timor ne’e só ha’u ho Júlio mak bele ameasa ema, ha’u nu’udar Xefi Estadu Maior Jeneral das Forsas Armadas, ha’u iha kilat, ha’u dehan imi kuidadu, imi mangame ha’u haruka hurlele imi,” deklara Lere Anan Timur, ba jornalista sira, hafoin enkontru ho Prezidenti Repúblika (PR), Francisco Guterres ‘Lú Olo’ iha Palácio Prezidensial Nicolau Lobato Bairo Pite Díli, Kuarta (28/3).

Lere Anan Timur esplika, wainhira mosu problema ruma iha periodu kampaiña no eleisaun antesipada, tanba hahalok ameasa malu entre militantes sira mak forsa defeza no seguransa sei uza forsa tomak atu halo intervensaun.

Maski nune’e Lere Anan Timur, iha konfiansa ba lider partidu polítiku sira sei eduka ida-idak nia militante sira, hodi kria paz no hakmatek, durante periodu kampaiña iha fulan abril no eleisaun lejislativu ne’ebé tuir planu sei hala’o iha loron 12 fulan maiu.

“Tanba Ne’e mak hanoin katak ita nia lider polítiku sira tenki ho maturidade, liu-liu ba ha’u nia maun sira veteranu, tantu iha Frente Armada, Frente Diplomátiku, partidu bele la hanesan, maibé labele haluha katak sira ne’e imi nia oan hotu, idiolojia la hanesan, ne’e ita la obriga, maibé objetivu polítiku ne’e, ida de’it mak dezenvolvimentu ba ita nia rain no povu,” nia hatutan.

Antes ne’e Ministru Defeza no Seguransa, José Agostinho Sequeira Somotxo hateten, forsa defeza no seguransa prontu asegura kampaiña no eleisaun antesipada, maibé prezisa mós apoia husi povu no sosiedade tomak atu bele la’o ho susesu.ías

Lee hotu :   Eleisaun antesipada, Lere garante situasaun hakmatek

Add to Comments Here!!!!

error: Content is protected.
Secured By miniOrange
You might also like:
TR aprova koligasaun haat ho partidu haat  ASDT ho KOTA la pasa

Tribunal Rekursu (TR) liu husi nia...

Na Ponta de Língua GMNTV, Eds.04

Na Ponta de Língua GMNTV, Eds.03

Close