JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SIP ho PNSIC kaptura suspeitu produs Dolar falsu • Deskunfia, envolve mos Timor Oan ida

SIP ho PNSIC kaptura suspeitu produs Dolar falsu  • Deskunfia, envolve mos Timor Oan ida

Servisu Intelijensia Polisia (SIP) ho Polisia Nacional Servisu Investigasaun Criminal (PNSIC) hamutuk ho Polisia Republika Indonesia (POLRI),  foin lalais ne’e, kaptura autor nain tolu (3) iha Jakarta-Indonesia, ne’ebe deskunfia ‘produs’  osan Dolar Amerikano ho Eurro falsu.

Suspeitu nain 3 ne’e, kompostu husi nain rua (2) nudar sidadaun esteranjeirus (ida husi Indonesia no ida seluk husi Mali Diarra Khalifa) no Timor oan nain ida (1).

Sidadaun estranjeirus nain 2 ne’e nudar fen ho la’en, inklui Timor oan nain ida ne’e, kapturadu iha apartementu Mediterania Garden Residence 2 Tower Jasmin Tanjung Duren, Jakarta Osidental.

SIP ho  PNSIC, inklui POLRI halo buska no kaptura suspeitu sira ne’e iha apartementu ida iha Jakarta, wainhira halo hela transaksaun ba osan falsu ne’e.

Informasaun preliminaria ne’ebe GMN asesu husi fontes kredibel husi autoridade seguransa Timor Leste nian katak, SIP ho PNSIC kolabora ho POLRI no intelejen sira Indonesia nian, nota katak, autor nain 3 ne’e lori osan falsu USD ho valor boot  ho mos osan Euro balun ne’ebe nia kondisaun seiduak tesi.

Husi buska no kapaturasaun ne’e, autoridade sira prende evendensia, hanesan osan tahan falsu ho valor 2.080 USD no osan tahan Euro 290, inklui kimika botir 6 ne’ebe hakerek iha lolon “United States of America”.

Suspeitu Timor oan ne’ebe kaptura mos iha buska ne’e, entrega kedas ba SIP ho PNSIC  no tuir informasaun katak, autoridade Polisia Nacional Timor Leste (PNTL)  lori tiha ona suspeitu Timor oan ne’e mai Timor Leste ho aviaun komersial Sriwijaya iha Sabadu (3/3/2018).

Informasaun ne’ebe berkembang katak, autoridade seguransa sira Indonesia, deskunfia, osan falsu sira ne’e ‘produs’ iha Timor Leste, maibe wainhira halo investigasaun husi parte suspeitu sira katak, osan falsu ne’e la’os produs iha Timor Leste maibe deskunfia produs iha  Indonesia tanba iha evidensia kimika ben botir 6 ne’ebe nudar materia prima atu produs osan falsu ne’e.

Lee hotu :   TR kria seminariu reforsa kapasidade juis hasoru krime trans nasional

Husi sorin seluk, suspeitu entrenjeirus nain 2 ne’e detein hela iha sela Polisia Metro Jaya-Jakarta, hodi submete ba investigasaun. Nune’e mos suspeitu Timor oan ne’ebe lori ona mai Timor Leste detein hela iha sela Kuartel Geral Polisia Nasional Timor Leste (PNTL) hodi submete mos ba investigasaun no sei entrega ba Prokurado Geral Republika atu prosesa tuir lei ne’ebe mak vigora iha Timor Leste.

2016, polisia kaptura suspeitu nain 3 produs Dolar falsu iha Luro

Informasaun kona-ba produs osan falsu iha Timor Leste, la’os foin mak akontese. Basa, iha Setembru 2016, membru Parlamentu Nasional sira foti kestaun iha plenaria maka’as kona-ba ema balun produs osan falsu iha Posto Administrativu Luro, Munisipiu Lautem.

Bazeia ba informasaun ne’e, Polisia Nasional Timor Leste (PNTL) halo levantamentu hodi identifika hodi kaptura duni suspeitu nain 3  ne’ebe deskunfia produs osan Dolar falsu iha Posto Administrativu Luro, Munisipiu Lautem.

Altura neba, Komandante Jeral PNTL, Komisario Julio Hornay, informa katak, suspeitu nain 3 ne’ebe produs osan falsu ho makina photocopy no polisia konsege prende osan falsu US$ 20,00 tahan hitu (7).

Tuir Kódigu Pénal Timor Leste nian  Kapítulu  II kona-ba Falsifikasaun ba Moeda iha artigu 307 kona-ba Kontrafasaun ba Moeda, katak ema ne’ebe halo kontrafasaun ba moeda ka depresiasaun ba moeda metálika lejítima, ho intensaun atu hatama iha sirkulasaun hanesan vewrdadeira, sei hetna pena prizaun tinan 3 to’o tinan 10. */ekipa gmn

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-03 Fulan-Marsu Tinan-2018

PNTL propoin harii rasik estasoens kombústivel

Komando Polisia Nacional Timor Leste (PNTL)...

Luis Lobato: Hahan pasiente iha HNGV laiha nutrisaun

Vise Ministru Saúde ,Luis  Lobato,  konsidera...

Close