JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere Anan Timur: Labele sura ita nia kontribuisaun luta

Lere Anan Timur: Labele sura ita nia kontribuisaun luta

Xefi Estadu Maior Forsa Defeza Timor-Leste (F-FDTL), Major General Lere Anan Timur, apela ba veteranus, kombatentes frente interna no frente externa sira, atu labele sura sira-nia kontribuisaun luta, tanba uitoan ka barak, hotu-hotu kontribui liberta Timor-Leste to’o hetan independensia.

“Ohin loron ne’e ita haree ba figura sira ne’ebé que hamri’ik iha oin hanesan ita-nia maun Xanana, Taur Matan Ruak, Mari Alkatiri, Ramos Horta no sira seluk ne’e figura nasional, ne’ebé uluk lidera ita-nia funu. Nune’e ita labele dehan ida maka halo liu, ida maka halo uitoan no ida maka halo barak liu, maibé ita hotu-hotu, ha’u nuudar veteranu 24 anos la tabele ba ema ida, veteranu ne’e ha’u nian, ha’u ho ha’u-nia determinasaun no ha’u nia desizaun rasik maka ha’u hasai 24 anos,” Xefi Estadu Maior F-FDTL ba jornalista sira hafoin remata enkontru ho Prezidente Repúblika (PR), Francisco Guterres “Lú Olo”, iha Palasiu Prezidensial, Bairo Píte, Díli, Kinta (25-04-2018).

Nia esplika, sira ne’ebé maka mate dalaruma halo funu fulan tolu (3) ou haat (4), balun tinan lima (5) ou tinan sanulu (10), balun tinan rua nulu (20) resin maka mate. Tenki hatene katak la’os sira maka hakarak mate, maibé korelasaun forsa, tanba inimigu ninia forsa maka boot liu Timor ninian, maibé Indonesia sira mós mate.

“Kuandu dehan patria e morte ne’e mate ka moris, ne’e linguajen funu nian, kuandu ita hakarak funu tenki iha mate, ita funu para ukun an, agora ita ukun an ona, diak liu ita koalia kona-bá progresu dezenvolvimentu moris diak povu nian, sé ita koalia kona-bá veteranus Governu ida ne’ebé sei mai tenki tau matan ba veteranus,” haktuir Major Jeneral Lere Anan Timur.

Lee hotu :   Kualker sidadaun bele hetan asistensia husi DP

Nia akresenta, labele koalia veteranus hela de’it, tanba ne’e la’os buat foun, ema ne’ebé involve iha funu 24 anus mós veteranus, ema ne’ebé luta ba ukun an hahú husi tinan 1999 to’o agora mós veteranus, ne’ebé labele dehan veteranus ne’e ema ida nian.

Tuir Lere Anan Timur, martir sira hanesan Prezidente Nicolao Lobato, Alex Daitula, Latu Asa, Fera no sira seluk ne’e la’os sira maka hakarak mate, maibé ne’e konsekuensia funu, nune’e sira maka heroi loloos, tanba sira kumpri tiha sira nia misaun patria e morte.

Entretantu durante kampaña eleitoral lider Partidu Polítiku sira sura no halo komparasaun sira nia kontribuisaun funu. Maibé alende ne’e sira mós hato’o sira nia promesa bazeia ba polítika ne’ebé hatuur iha programa, liu-liu hakarak hadi’a povu no veteranu sira nia moris.GMN

Add to Comments Here!!!!

error: Content is protected.
Secured By miniOrange
You might also like:
• Luis Lobato Uniforme Saude labele uza sai sumasu

Vise Ministru Saude, Luis Maria Lobato...

Komunidade Suku Caicua tinan 3 seidauk asesu bee mos

Komunidade Suku Caicua, Postu-Admistrativu Vemasse, Munisipiu...

PD promete dezenvolve industria masin Manatuto • Promove sentru Marmore

Partidu Demokratiku (PD) promete ba Manatuto...

Close