JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Trata veteranu fuuk la fase, Veteranu Baucau kondena Xefi Suku Wailili

Trata veteranu fuuk la fase, Veteranu Baucau kondena Xefi Suku Wailili

Veteranu Munisípiu Baucau, lamenta hodi kondena deklarasaun Xefi Suku Wailili, Hernani  de Jesus Ribeiro, ne´ebé  mak  trata veteranu Baucau ho liafuan  beikten, fuuk la fase la hariis no rai kilat iha uma. 

“Iha loron  16 fulan Marsu  2018,    iha eventu   dialogu  ida ne´ebé  organiza husi señor Hernani  de Jesus Ribeiro nu’udar lider  komunitaria Wailili, iha Postu Administrativu Baucau  Vila. Senõr Hernani  nu’udar  lider komunitaria  halo abertura  ne´ebé halo  abertura  kona-ba juventude ne´ebé mak  problema. Maibe señor Hernani  politiza  tiha  eventu  ne´e, hanesan  provokador politiku, no hasai  fali liafuan  aat hasoru  Veteranu antigos kombatentes da libertasaun  nasional  to’o   iha baze katak, Veteranu beik ten, fuuk la fase la haris rai kilat iha nia uma,“esplika  Portavoz Veteranus  Baucau, Albino da Silva Xavier, ba jornalista sira, Segunda (02/04/18), iha Suku Wailili Munisípiu Baucau.

Albino da Silva Xavier  hatutan, liafuan   aat   hato’o  husi Xefi Suku Wailili ne´e  repete bebeik iha autoridade Munisípal Baucau no autoridade seguransa no  defeza    ne´ebé mak hala´o knaár seguransa iha Munisípiu Baucau inklui autoridade lokal husi Buibau no autoridade Aldeia Alala-Buibau,  wainhira partisipa dialogu  iha Wailili.

“Ami  Veteranu  antigos  kombatente eziji  ba Ministériu Estatal   atu hasai tiha  senõr Hernani  husi   kargu Xefi Suku  Wailili nune´e nia halo de´it politika, tanba  ami haree  Xefi Suku   halo politika  mafiozu   ne´ebé ami Veteranu, Kombatente   no komunidade Wailili la satisfas  ho atetude   señor Hernani Nu’udar  Xefi Suku Wailili,“dehan Albino da Silva Xavier .

Nu’udar  Veterano   no antigo kombatentes    da libertasauan  nasionál   apela ba  kompaineiras   da luta  hotu-hotu atu   katak, tiristi  teb-tebes ho Xefi Suku Wailili hasai liafuan Veteranu Antigos Kombatente  da Libertasaun  nasionál  katak,  veteranu beik ten fuk la fase , rai kilat  hira mak imi tebe rai los.

“Ami husu  ba exélensia  Secretario Estadu  Komisaun  Homenazen  atu trava  tihas  senõr   Hernani nu’udar kombatete, tanba  nia laiha  respeita  komando da luta, ba heroi  hotu, liu-liu   nia aman rasik,“dehan Albino da Silva Xavier.

Alende ne´e, Portavoz Veteranus ne’e husu ba  Komisaun homenajen    hanesan uluk adjuntu iha ailaran atu fó atensaun  ba   Hernani de Jesus Ribeiro  nu’udar kombantentes   nomós Xefi Suku Wailili.

“Ami  veteranu Kombatentes  Wailili husu   ba Prezidente  Autoridade   Munisípal Baucau   no Administrador   do Postu Administrativo Baucau  Vila atu organiza    atu halo dialogu    ida nune´e labele   hanaruk   iha Suku Wailili,“dehan Albino da Silva Xavier.

Lee hotu :   SEAACLN propoin US$184.000, Selu veteranus ho estabelese KV

Iha  fatin hanesan   Komandante  Veteranu, Fernando Gusmão   alias Bere-Duu, rejeita ho akuzasaun Xefi Suku Wailili nian ne’e tanba nia hanesan veteranu, maibe la rai kilat iha uma no la organiza grupu ruma hodi halo krime.

Nia hatutan, uluk iha tempu rezistensia  kaer kilat, maibe agora kilat ne´e rai  ona iha Sentru Formasaun Treinu F-FDTL Metinaro ka iha Lanud Baucau.

“Ha´u la rai kilat iha uma kilat  ne´e la´os ha´u nia  privadu,“dehan Veteranu Bere-Duu.

Wainhira GMN konfirma ho Xefi Suku Wailili, Hernani de Jesus Ribeiro kona ba akuzasaun ne´e, nia hatan katak, nia la hasai lia fuan ne´ebé dehan Veteranu beik ten no la hariis.

“Sira  aprezenta katak  fiar liu ba Veteranu  no la  fiar Xefi  Suku, kuandu wainhira sira hasoru  problema Veteranu ajuda sira, la´os Xefi Suku. Liafuan ida dehan Veteranu la fase fuk ne´e ha´u la koalia. Ha´u desmente la dehan Veteranu A ida ne´e kaer kilat, tanba sira-nia papel importante hodi halo nasaun ne´e ukun a´an tiha ona,“dehan Xefi Suku Wailili Hernani de Jesus Ribeiro.

Prezidente Autoridade Munisípiu Baucau, António  Augusto Guterres, ne’ebé partisipa no sai sasin ba dialogu komunitaria ne´ebe hala’o iha suku Wailili rekoñese katak, Xefi Suku Wailili Hernani de Jesus Ribeiro trata duni veteranu sira ho liafuan beik ten mak durante ne’e fó apoiu ba grupu kriminozu sira hodi halo beibeik asaun krime iha área Wailili.

“Iha dialogu  nia laran akontese  buat balun mosu, maibe  liafuan barak liu mak bumbu liu, mas ne´e observasaun ema barak nian, liafuan balun mak ha´u rekoñese Xefi Suku dehan Veteranu beikten mak bele fó apoiu ba  grupu ida  ne´ebé halo asaun bebeik. Nia hateten liafuan ne´e repete dala rua ka tolu,“dehan António  Augusto Guterres.

Lee hotu :   PJR HO CFP ASINA MoU HODI ATUA KRIME NE'EBE FP KOMETE

Maske nune´e Prezidente Autoridade Munisipiu Baucau António Augusto Guterres, promete sei buka meius hodi rezolve problema dezintendimentu entre Veteranus ho Xefi Suku Wailili iha tempu ruma.avi

Add to Comments Here!!!!

error: Content is protected.
Secured By miniOrange
You might also like:
Naimori: “Ita la bele haluha Xanana ho Taur”

Konsileiro  Partidu KHUNTO, Jose dos Santos...

AMP hametin estrutura iha Manufahi

  Bloku Koligasaun Aliansa Mudança ba...

PR husu UNE-TL defende valór TL nian

Prezidenti Repúblika (PR),Francisco Guterres Lú Olo...

Close