JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere husu ema hotu tane as nafatin lider Timor oan

Lere husu ema hotu tane as nafatin lider Timor oan

Xefi Estadu Maior jeneral FALINTIL-Força Defesa Timor Leste (F-FDTL), Major Jeneral Lere Anan Timur, husu ba povu tomak, liu-liu joventude sira atu tane as nafatin lider rezistensia sira ne’ebe mak dedika ona sira nia vida tomak ba prosesu luta ukun rasik an.

“Ita bele dehan katak ita nia aman ou maun bele buan mos, ita nia aman no ita nia maun nafatin. Tan ne’e, hau apela ba joven ba sidadaun hotu-hotu tane as nafatin ita lider sira ne’ebe uluk ita kesi ita nia espransa ba sira hodi bele ukun an,” afirma Major Jeneral Lere Anan Timur, hodi responde jornalista sira liu husi konferensia imprensa ne’ebe halao iha Kuartel Jeral PNTL, Caicoli, Dili, Kinta (3/5/2018).

Lere subliña tan katak, la bele tanba era demokrasia lori lider sira hanesan hena át ruma hamos foer les tun les sae. Se nune’e, Lere afirma tan, sei sai soke boot ba lider sira seluk ne’ebe mak balun mate ona hodi defende integridade no soberania povu ida ne’e nian.

 Lere senti preokupa oituan hodi aktu ritual ne’ebe mak Koselleiru Masimu partidu KHUNTO nian, José dos Santos Naimori Bucar, halo ba lider rezistensia nain rua, Kayrala Xanana Gusmão ho Taur Matan Ruak, hodi kae fali hen aka bandeira arte ritual KORK nian ba lideransa nain rua ne’e.

At liu tan, Lere hateten, nia haree iha rede social Facebook, Naimori tuur fali iha kadeira leten no Kayrala Xanana Gusmão ho Taur Matan Ruak, tuur fali iha rai hodi simu bua malu no kumpri ritual KORK nian.

Lere Anan Timur dehan sira ne’ebe naran sinonim haluha buat sira ne’e, sira haluha tiha sira nia lisan sira nia kultura no sira nia rezistensia ne’ebe sira hala’o durante tinan 24 nia laran.

Lee hotu :   Prokurador nain hitu seidauk ativa servisu

“Hau temi hau nia alin Naimori porque husi Facebook ami haree buat ne’e mak bosok mak ne’e ka ami haree iha fotografia sira ne’e, maun Xanana, maun Taur tur iha rai, hau nia maun ka alin Naimori tur iha kadeira, ida ne’e lisan Timor nune’e, ema Lospalos Lautem ninia lisan nene’e ema tur iha rai ne’e atán, ema tur iha kadeira ne’e liurai,”  hateten Lere Anan Timur.

Lere hatutan katak, kolaia konaba lisan nia bele Ministru, Prezidenti Republika ba uma lisan tur iha rai, povu babain tur iha kadeira tanba nia liurai, maibe ritual ne’eba ne’e la’os tama palasiu Governu ba Naimori nia uma.

Nia husu ba komandante polisia tenke foti prosesu emidiata ba seguransa sira ne’ebe mak fo seguransa ba lideransa nain rua ne’e, kuandu tama ne’e sira hatene ka lahatene, ba iha ne’ebe, ba halo saida no halo saida iha ne’eba.

“Ba ha’u se Naimori bolu ba ha’u bele dalka atus hira mos hau la ba ó nia uma lulik, ó nian mos hanesan hau nian,hau nian mos hanesan  ó nian mak  ne’e ona, mais ami sokadu duni veteranus hotu-hotu keta buat ne’e realidade, se infenta ha’u husu deskulpa, sé verdade Naimori labele halo ida ne’e ba o nia aman sira,” hatete Lere Anan Timur.

Lere Anan Timur sei bolu Naimori hodi husu klarifikasaun konaba ritual ne’ebe mak hala’o iha Ainaro. “Se tebes duni, Naimori loron ida ha’u sei hasoru ita bo’ot, saida mak atu koalia ba ita ne’e ha’u lahatene, hau sei koalia ho nia,” hateten Lere Anan Timur. eus

Add to Comments Here!!!!

error: Content is protected.
Secured By miniOrange
You might also like:
Lere rekoñese nia oan Boby sala ■ Oknum PNTL lori duni kilat iha kareta laran

Xefe Estadu Maior Forsa Armadas FALINTIL...

PNTL Lautem hapara Naimori, Hornay: La´os orientasaun husi Alkatiri-Somotxo

Komandante Jeral Polísia Nasionál Timor-Leste (PNTL),...

Alkatiri ho hamanasa responde Taur, “Hau mos bele hela iha Baguia”

Sekretariu Jeral partidu FRETILIN, Mari Alkatiri,...

Close