JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Júlio Hornai: Lalika preokupa ho seguransa

Júlio Hornai: Lalika preokupa ho seguransa

Komandante Jeral PNTL, Komisáriu Júlio Hornai apela ba povu Timor Leste (TL) tomak, atu labele preokupa ho seguransa iha rai laran, tanba PNTL prontu asegura nafatin seguransa ba ema hotu, hodi bele hala’o atividade moris lor-loron nian ho di’ak.

“Konaba seguransa lalika preokupa, tomada de pose, atividade komunidade, estadu no governu lalika preokupa, ami prontu para asegura ida ne’e. No ne’e misaun ami nian,”hateten Komandante Jeral PNTL, Komisáriu Júlio Hornai ba jornalista sira hafoin termina enkontru semanál ho Prezidenti Repúblika (PR), Francisco Guterres Lú Olo iha Palácio Prezidensial bairru Pite Díli, Kinta (7/6).

Maski nune’e Komisáriu Júlio Hornai mós hateten, seguransa iha rai laran atu bele kontinua la’o iha ambiente dame no paz presiza ema hotu nia apoia.

“Labele entrega de’it ba PNTL no F-FDTL, nu’udar timoroan ita hotu iha dever másimu atu hadomi ita nia rai doben Timor Leste ida ne’e ho paz no dame. Povu Timor hakarak moris di’ak, hakarak haree nia nasaun ne’e hanesan nasaun dezenvolvidu Singapura ne’ebá,”Júlio Hornai hatutan.

Júlio Hornai mós argumenta, Singapura agora bele sai nasaun dezenvolvidu tanba iha paz no estabilidade.

“Singapura bele halo ida ne’e tanba sira nia paz ne’e iha, tanba ne’e mak presiza povu tomak nia kontribuisaun,”Júlio fó hanoin.

Tanba ne’e Júlio Hornai nafatin husu ba Timoroan hotu, liu-liu joven sira atu nafatin kria paz no estabilidade iha rai laran atu nune’e dezenvolvimentu bele la’o ba oin.

“Mai ita hamutuk nu’udar Timoroan fó liman ba malu, kampaña liu ona. Agora ita moris fali ba moris normal. Ne’ebé mai ita hamutuk kria estabilidade no paz. Mai ita nafatin hatudu ba mundu katak Timor mós bele. Liu-liu joven sira katak ami mós matenek no hakarak banati tuir ami nia maun sira, rai liberta tiha ona agora ami hakarak dezenvolve rai ida ne’e ba oin,”Júlio hateten.ías

Lee hotu :   PGR no CEPAD asina nota entendimento ba dahuluk ho kontiudo prevene no luta kontra korupsaun

Add to Comments Here!!!!

error: Content is protected.
Secured By miniOrange
You might also like:
Kompañia WUYI loke estrada iha Tasitolu hetan minarai

Kompañia internasional WUYI husi Xina, ne’ebé...

Lere: Koronel nain 4 merese promove ba BrigJen

Xefi Estadu Maior FALINTIL-Forsa Defeza Timor-Leste...

Júlio Alfaro nia oan prontu lori kazu disputa rai ba Tribunal

Emprezariu Timor oan, Júlio Álfaro nia...

Close