JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lú Olo: Jeneral F-FDTL iha kapasidade lideransa

Lú Olo: Jeneral F-FDTL iha kapasidade lideransa

Prezidenti Repúblika (PR), Francisco Guterres Lú Olo hateten, Brigadeiru Jeneral F-FDTL sira ne’ebé hetan ona promosaun ba ofisiais Jenerais iha kapasidade lideransa, esperénsia, koñesimentu no iha motivasaun atu simu dezafiu foun hodi kontribui ba dezenvolvimentu ba Timor Leste (TL) no ba instituisaun F-FDTL.

Prezidenti Repúblika Francisco Guterres Lú Olo hato’o deklarasaun ne’e iha diskursu durante serimonia promosaun Ofisiais Superiores F-FDTL na’in 4 ba Brigadeiru Jeneral iha Palácio Prezidensiál Bairo Pite Dili, Kinta (7/6).

FOTO-DILMA GMN

“Ita hot-hotu, liu-liu joven timoroan sira, fiar no admira sira tebe-tebes. Ha’u hatene katak señor jeneral sira iha kapasidade lideransa, esperénsia, koñesimentu no motivasaun atu simu dezafiu foun sira ne’ebé kontribui ba dezenvolvimentu, koezaun no prestíjiu Forsas Defeza Timor-Leste nian no ba ita-nia país. Forsa konvensionál la’ós harii nar-naran de’it maibé tuir prosesu ida. Prosesu ida ne’ebé naruk teb-tebes no la’ós fásil, ne’ebé presiza nafatin kontribuisaun husi ita hot-hotu, katuas, ferik no foin-sa’e sira. Ita hametin prosesu ne’e ho esperénsia mai husi rezisténsia timorense. Ho valores FALINTIL nian mak ita harii instituisaun militár ida ne’ebé bele kaer metin interese aas Estadu nian no seguransa Nasaun nian,”hato’o Prezidenti Repúblika, Francisco Guterres Lú Olo iha nia diskursu hafoin halo promosaun ba ofisiais F-FDTL nain 4 ba Brigadeiru Jeneral.

Prezidenti Repúblika hatutan, Brigadeiru-Jenerál FALINTIL-FDTL sira ne’ebé hetan promosaun iha loron 7 fulan Juñu ne’e halibur kualidade espesiál sira durante luta ba libertasaun país durante tinan 24, tanba ne’e merese hetan rekoñesimentu públiku.

“Sira-nia esforsu no dedikasaun tomak, iha misaun sira ne’ebé ida-idak simu, hosi horiuluk to’o ohinloron, merese rekoñesimentu públiku. Iha sira-nia karreira militar tomak, sira na’in 4 hatudu kualidade komandu. Diresaun no xefia aas teb-tebes, iha ita-nia luta libertasaun nasionál. Lala’ok sira ho kualidade aas ne’e mak kontribui maka’as hodi fó glória ba ita-nia Pátria no prestíjiu ba ita-nia instituisaun militár. Nune’e, justu teb-tebes Komandante Supremu fó rekoñesimentu públiku iha serimónia ida ne’e, ho distintivu Ofisiál Jenerál ba Brigadeiru-Jeneral foun, iha FALINTIL-Forsa Defeza Timor-Leste. Señor Jenerál sira ne’ebé Estadu promove ohin pertense ba jerasaun ida ne’ebé sei iha kbiit no matenek atu fó ba ita-nia rai doben ida ne’e,”Lú Olo hatutan.

Lee hotu :   SETP entrega rai hektar tolu ba PNTL Lautém

Lú Olo argumenta, nu’udar komandante supremu sei apoia nafatin Brigadeiru Jeneral sira ba iha knar ne’ebé sira hala’o.

“Prezidenti Repúblika no Komandante Supremu. Ha‘u hakarak fó-hatene ohin ba señores Brigadeirus-Jenerais katak ita-boot sira bele konta ho ha’u-nia apoiu institusionál no pesoál ba imi nia knaar ne’ebé de’ it,”hateten Lú Olo.

Ofisiais Superiores F-FDTL nain haat nee mak hanesan, Koronel Domingos Raul ‘Falur Rate Laek, Koronel Americo Ximenes‘ Sabika’,  Koronel João Miranda ‘Aluk’, No Koronel Cornélio Ximenes ‘Maunana.ías

Add to Comments Here!!!!

error: Content is protected.
Secured By miniOrange
You might also like:
Lere : Harii Tribunal Militar presiza RH

Xefe Estadu Maior Falintil-Forsa Defeza Timor...

MS hakarak fo tratamentu diak ba ema ho defisiensia

Diretora Jeral Prestasaun Servisu Saúde, Ministériu...

Lere: Minstru Defeza tau ema ne’ebé komprende militar  Forsa retira husi Uatulari

Xefi Estadu Maior Jeneral F-FDTL Major...

Close